جواز اضطراري

توضيييح

طيب انا هرد بدل ما ارد عل كل حد  لوحده واشرح وجهة نظري مرة واحدة
اولا : مبدأيا كده انا كنت متوقعة الجدل اللي هيحصل النهارده بسبب موقف مريم وخلع الحجاب

ثانيا: خلينا نتفق ف حاجه مريم تصرفها هي اللي اوفر لانه كان اكبر من الفعل وكانت غلطه كبييرة أووي  لكن مش أنا اللي اوفر امتا يبقا مبالغة من الكاتب لو أن الفعل مستحيل حدوثه أنا شخصيا شوفت ناس اعرفهم وكانوا متدينين جدا ومحجبات حجاب شرعي والصلاه ف وقتها مفيش ميكب خالص فجإه وبدون سابق إنذار  لقيتهم خلعوا الحجاب في منهم اللي بعد فترة رجعله تاني وفي لا والظاهرة ديه بقت موجودة دلوقتي وكتيير أنا كان ممكن  اخلي مريم مثلا تكلم اي حد من زمايلها وتضحك معاه بشكل مش اللي هوه وهكون حققت الغرض اغيظ ادهم واشعلل غيرته بس مش هكون ناقشت ظاهرة موجوده بينا
بنات كتير بيعملوا اللي عملته مريم باختلاف الاسباب احنا بجد ف زمن الفتن ومحدش يضمن نفسه واللي لسه محافظ عل دينه يحمد ربنا انه لسه متفتنش ويدعي ل ربنا انه يثبتنا عل دينا بس ده كان هدفي من اللي عملته مريم  يا جماعه الشيطان بيدخل للانسان ف لحظة لحظة واحدة ممكن تخليه يقتل يسرق يزني يعمل أي حاجة هو نفسه ميتوقعش انها تصدر منه اتمني أكون قدرت أوصلكم وجهة نظري من اللي عملته مريم النهارده

اخيرا ديه وجهة نظري الشخصيه اللي اكيد من حقكم تختلفوا معاها واكيد بردوا هحترم رأيكم واتمني انكم تتفهموا كلامي وهدفي منه