ახალგაზრდა და ლამაზი |Complete| (Young & Beautiful)

თავი 11

როგორც კი ლუი თავის სახლში შედის, მაშინვე ნაილის საძინებლისკენ მიდის. თან კანზე ის ადგილები ეწვის, სადაც ჰარი ნასვამი მზერით უყურებდა.

რადგან ახლა არ შეუძლია უბრალოდ საწოლთან მისვლა და დაძინება. არა, ამას ნამდვილად ვერ გააკეთებს, შეიძლება ყოველ წამს აფეთქდეს. გულიც უცნაურად აქვს და წნევა ალბათ ძალიან მაღალი ექნება. სიკვდილი თითქმის გარდაუვალია.

და ხო, ამ პატარა ირლანდიელზეც ნაწყენი იყო, რადგან რად გაქრა? და რატომ მიატოვა ლუი მარტო ჰარი სტაილსთან? რომ საწოლში ჩაეწვინა? და მისი ხელი დაეჭირა პატარა ბავშვივით?

ყველაფერი ნაილის ბრალია.

დაკეტილ კარს ასკდება და მაშინვე მძინარე გამოსახულებას ხედავს, რომელიც ბალიშებშია ჩაფლული. პირი ღია აქვს, ტანსაცმელი და ფეხსაცმელი აცვია. ოთახში მარიხუანას და ვისკის სუნია და იმ ინდაურის სენდვიჩისაც, რომელიც ნახევრად ნაჭამი მაგიდაზე დევს.

მაგრამ ლუი ორი მიზეზის გამო მშვიდადაა:

1. ნაილი სახლშია.

2. ნაილი მარტოა და მთელ ყურადღებას ლუის დაუთმობს, რომელსაც ეხლა ეს სჭირდება.

„ნაილერ, ნაილ, ირლანდია." ეძახის ლუი და უზარმაზარ საწოლზე ცოცდება. „შენთან ლაპარაკი მჭირდება. რაღაცეები უნდა გკითხო. ირლანდია! დამამშვიდე!" ლოყებზე ხელს უტყაპუნებს და მოთმინებას კარგავს.

ნაილი ნელა და დაბნეული წარბს კრავს და ნელა თვალებს ახელს. ესეთი მოღუშული ნაილი ლუის არასდროს ენახა.

მაგრამ მაინც არ ეშვება.

„გადასარევია! გღვიძავს. ახლა, მინდა გკითხო..."

„დაახვიე."

ლუი თვალებს ახამხამებს. მოიცა, რა?

„დაახვიე." იმეორებს ნაილი. იქნებ ეს იმის ბრალია, რომ ბევრი დალია ან უბრალოდ არ უყვარს, როცა აღვიძებენ. მაგრამ მაინც, ლუი თითქმის დაპანიკებულია.