We're Not In The Movies [Alcaviar Series #1]

10: Just A Friend

"Finals!" Nag-cheers kami ng mga kaibigan kong sila Giara, Elsy, Casey. May mga iba pa kaming kasama pero 'di ko na rin kilala, eh.

Nandito kami ngayon sa Xyle's Club. Nag-paalam naman ako kay Achilles na magc-clubbing kami ng mga kaibigan ko para i-celebrate ang huling araw ng Finals week at summer na rin sa wakas.

Hindi pa yata tapos si Achilles sa mga kailangan niyang gawin ngayong semester kaya hindi ko na muna siya inistorbo. Pupunta na lang kami ulit dito kasama iyong mga kaibigan niya.

"Cheers rin kay Sister Lyra, hindi na siya single!" Asar ni Elsy dahil nga sinabi ko pa nung mga nakaraang buwan na hindi ko balak sagutin si Achilles!

"Ano? Masaya ba?" Seryosong tanong ni Giara nung na-distract sina Elsy sa kung ano.

Ngumiti ako, at niyakap ang kaibigan ko.

Kung hindi dahil sakanya baka hindi ako ganito kasaya.

"Thank you."

Niyakap ako pabalik ng kaibigan ko, "Ano ka ba, mag-thank you ka sa sarili mo. Ikaw naman nagdesisyon eh, masaya naman 'di ba."

"Sobra, sobrang saya."

Malapit na kami mag-dalawang buwan ni Achilles at sa loob ng mga buwan na pinagsamahan namin wala akong ibang pwedeng sabihin kung hindi masaya lang ako.

Masaya talaga 'ko.

Kahit yung mga simpleng text messages lang niya sa akin, natutuwa na agad ako. Lagi niya akong binabalitaan ng kung ano-ano sakanya.

Kahit na umiinom sila ng mga kaibigan niya, kahit lasing pa yata siya ay itetext niya 'ko. Iyon nga lang drunk messages na pero sweet pa rin kasi sasabihin niya na 'Uy, crush kita.' Nakakakilig yung ganon.

Pumupunta pa rin kami sa Abandoned Coaster kapag free kaming dalawa. Minsan sasayangin pa namin ang lunch time namin para lang makalakad lang don.

Bago 'yung Finals, pinadalhan ako ni Achilles sa bahay ng flowers at dark chocolate at nilagyan niya ng mga sticky notes na nagsasabing alam niya raw na gagalingan ko sa Finals, at goodluck.

Si Achilles, hindi ko inexpect na darating siya sa buhay ko. Pero ngayon ko lang napagtanto na siya ang isa sa mga gusto kong mangyari sa buhay ko.

Salamat at dumating siya. Na nandito siya.

Habang busy ang mga kaibigan ko sa mga kakilala nilang nakikita nila dito ngayon, naisip kong mag-instagram muna.

I viewed Achilles' friends story. And that includes Haze Cabriero. But I clicked Vince's story, mukhang magkakasama sila dahil lahat sila ay may story except Achilles.

"Achilles lost to me!" Hiyaw ni Haze. Tumawa naman si Achilles sakanya, mukhang katatapos lang nila maglaro ng video game at natalo si Achilles.

"Achievement! Haha!" Narinig kong sabi ni Lincoln, iyong kaibigan ni Achilles na nasa ibang course.

"Manlilibre ho si Achi!" Sabi ni Vince sa background habang tumatawa sila. Binato ni Achilles ng unan si Haze habang tumatawa.

Hindi ko pa siya nakitang ganun kasaya tumawa kapag kasama ako. Kay Haze lang. Am I boring?

Tumawag ako kay Achilles.

"Hi, babe." Sambit niya.

"You're with your friends pala, I thought you were getting ready for your requirements and exams.." Nagtatampo kong sambit.

Kung okay lang naman pala na mag-enjoy siya bakit hindi na lang ako ang inimbita niya? Hindi ba siya nageenjoy sa akin? Ganon?

"Ah, I finished my assignments before they even got here. Haze's team got into the Finals so they came here by surpise. Matutulog lang sana dapat ako."