Unicode
ဘာလိုလိုနဲ့ စစ် ခက်ကို ခိုးပြေး .. ( အင်း ခိုးပြေးတယ်ပဲ ထားပါတော့ * ) လာတာ ၁ ပတ်တောင်ရှိသွားပြီ။ တစ်ပတ်အတွင်း ခက်ဟာ စစ်ကို စကားတစ်ခွန်းတောင် မပြောခဲ့ပေ။ သူ့ဘာသာသူ အခန်းထဲမှာပဲ နေသည်။ စစ်နဲ့ မျက်နှာချင်းတောင်မဆိုင်ပေ။
" ခက် ... ထအုံးလေ။ အချိန်တိုင်း အိပ်နေရင် ခေါင်းကိုက်လိမ့်မယ် ခက်ရဲ့ "
စစ်ကသာ ပြောနေတာ ခက်ကတော့ တုပ်တုပ်မျှမလှုပ်။ စစ် သက်ပြင်းတစ်ချက် ရှိုက်လိုက်ရင်း ...
" ခက် .. မောင်တောင်းပန်ပါတယ် ခက်ရယ်။ မောင့်ကို အခုလို ဘာမှမပြောပဲနဲ့တော့ မနေပါနဲ့။ ခက် မောင့်ကို ရိုက်ချင်ရင် ရိုက်လိုက်ပါ။ အခုလိုကြီး ... အခုလိုကြီး မောင့်ကို လျစ်လျူရှုမထားပါနဲ့ ခက်ရယ်။ မောင်တောင်းပန်ပါတယ်ကွာ နော် "
" ထွက်သွား "
တစ်ပတ်လုံးနေမှ ခက် သူ့ကို ပြောလာတဲ့ ပထမဆုံးသောစကားဟာ ထွက်သွားတဲ့လေ။
" ခက် ... မောင့်ကို မောင့်ကိုကြည့်ပါအုံး "
စစ် ပြောနေရင်းနဲ့ ခက်ရဲ့ မျက်နှာလေးကို သူ့ဘက်ကို အသာအယာလှည့်လိုက်သော်လည်း ခက်က တစ်ဖက်ကို မျက်နှာလွှဲသွားပြန်သည်။
" မောင့်မျက်နှာကို မမြင်ချင်တော့ဘူးလားဟင်။ ခက် မောင့်ကို တကယ်ပဲ သူစိမ်းတစ်ယောက်လို မြင်နေပြီလား ။ မောင့်ကို ... မောင့်ကို မချစ်တော့ဘူးလား ခက်ရယ်။ ခက် မောင့်ကို စကားမပြောတော့တာ ၁ ပတ်ရှိပြီခက်ရဲ့ ။ မောင်တောင်းပန်ပါတယ်။ မောင့်ကို စကားလေးတော့ ပြန်ပြောပါအုံး ။ မောင် ...မောင်က ခက်နဲ့ ထပ်ပြီးမခွဲနိုင်တော့လို့ အခုလိုလုပ်ခဲ့တာပါ "
" ထွက်သွား မင်းစစ်မောင်။ အခုချိန်မှာ မင်းရဲ့မျက်နှာကို ငါမမြင်ချင်ဘူး ။ ချစ်လို့ဟုတ်လား ။ ဘယ်လိုလူကများ ကိုယ်ချစ်တဲ့သူကို မင်းလိုမျိုး အကျယ်ချုပ်ချထားလို့လဲ ဟမ် !! အခု မင်းက ငါ့ကို အကျယ်ချုပ်ချထားတာလေ။ မင်းအပြင်သွားရင် ငါ့ကို အခန်းထဲမှာ ပိတ်ပြီး သော့ခတ်ထားတယ်။ မင်းရှိနေရင် ငါ့ကို မျက်စိဒေါက်ထောက်ကြည့်နေတယ်။ ပြောစမ်းပါအုံး ဘယ်လိုအသိတရားရှိတဲ့လူက မင်းလိုလုပ်ရပ်မျိုး လုပ်ဖူးလဲလို့ "
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...