Unicode
" ငါ toilet သွားလိုက်အုံးမယ် "
ဟုပြောကာ စစ် ထွက်လာခဲ့သည်။ မင်းခန့်ကလည်း ...
" ငါလဲ toilet လိုက်သွားလိုက်အုံးမယ် ... ခက် မင်းတစ်ယောက်ထဲ အဆင်ပြေမလား ငါဗိုက်နာလာလို့ "
" ဘာမပြေစရာရှိလဲ ကိုမင်းခန့်ရဲ့ ဟန်နီတစ်ယောက်လုံးရှိနေသေးတာပဲကို "
( နင်ရှိနေလို့ကို ငါ့သူငယ်ချင်းကို စိတ်မချတာ * )
စိတ်ထဲမှာသာ ပြောဖြစ်ပြီး အပြင်မှာတော့ ...
" အာ ဟုတ်သားပဲ ကျွန်တော်က ဟန်နီရှိနေတာကို မေ့သွားတာ ... ဒါဆို ကျွန်တော့်သူငယ်ချင်းကို ခဏထားခဲ့မယ်နော် "
အိမ်သာလေး ခဏသွားတက်မှာကို ၁ နှစ်လောက် ခရီးထွက်ရမယ့် အဖေက သူ့သားကို အိမ်အကူနဲ့ထားခဲ့ရမှာ စိတ်မချတဲ့ပုံစံမျိုးလာလုပ်နေတဲ့ မင်းခန့်ကို ဟန်နီ သိပ်စိတ်မရှည်ချင်တော့။
" သွားမှာသာသွားစမ်းပါ ကျွန်မက ရှင့်သူငယ်ချင်းကို ကိုက်စားမှာကျနေတာပဲ "
" သွားပါ မင်းခန့်ရာ "
" အေးပါ ဒါဆိုသွားပြီနော် "
တကယ်တမ်းလဲ ခက်ကို ဟန်နီနဲ့ထားခဲ့ရမှာစိတ်မချနိုင်ပါ။ ဟိုမြွေခွေးမက ကိုယ့်သူငယ်ချင်း ဖြူလုံးလေးကို ဘာလုပ်မယ်မှန်းမှမသိတာ။ဟုတ်တယ် သူငယ်ချင်း ... ခက်က စစ်ကိုချစ်နေမှန်းသိကတည်းက သူ့ဘက်က ခက်ကို သူငယ်ချင်းထက်မပိုတော့။ စစ်ထက်ပိုပြီး ဂရုစိုက်ပေးနေတာက ချွင်းချက်ပေါ့လေ။ အဲ့ဒါကလဲ ခက်ဆိုတာက သူနဲ့အိမ်ချင်းလဲနီးသလို ငယ်ငယ်လေးကတည်းက ကစားဖော်ကစားဖက်တွေ။
ခက်ရဲ့မေမေကိုယ်တိုင်ကလည်း ခက် အသက် ၁၃ နှစ်မှာ ဆေးရုံတက်ရပြီးကတည်းက သူနဲ့စစ်ကလွဲပြီး တခြားသူတွေနဲ့ မပေါင်းခိုင်းတော့ဘူးလေ။ ဘာလို့လဲတော့မသိ။ စစ်နဲ့က ၆ တန်းလောက်မှ စစ် သူတို့ကျောင်းကိုပြောင်းလာလို့ ခင်သွားတာ။ စစ်ကတော့ အဲ့ကတည်းက gay ကိုမုန်းတယ်ချည့် ပြောနေတာပဲ အကြောင်းရင်းလဲ မသိရဘူး ။
သူတို့နှစ်ယောက်က အဲ့လို လျှို့၀ှက်ချက်ကိုယ်စီနဲ့။ ခက်အတွက်တော့ ရင်လေးတယ်။ တွေးရင်းတွေးရင်းနဲ့ toilet ကိုကျော်သွားသော မင်းခန့်ပါလေ။
" ဟ toilet တောင် ကျော်သွားတာပဲ ဗိုက်နာပါတယ်ဆိုနေမှ "
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...