Unicode
" သားပြန်လာပြီလား "
" ခင်ဗျားအပူမပါဘူး ... ကျေးဇူးပြုပြီး ကျွန်တော်နဲ့မဆုံအောင် နေပေးပါလား ... ခင်ဗျားကိုမြင်ရရင် ဒေါသက အလိုလိုထွက်လာလို့ "
စစ်ရဲ့အပြောကြောင့် ဦးစစ်သော်မျက်နှာပျက်သွားသော်လဲ ချက်ချင်းပြန်ပြုံးလိုက်ကာ ...
" သားက papa ကို အခုထိ ခွင့်မလွှတ်နိုင်သေးတာလား "
" ဘာ papa လဲ ခင်ဗျားကို လက်မခံနိုင်ပါဘူးလို့ ပြောထားတယ်လေ "
ပြောရင်းနဲ့ စစ် ဒေါသတွေထွက်လာသည်။ အခုလေးတင် ခက်နဲ့မင်းခန့်ကို နှစ်ယောက်ထဲတွေ့လာခဲ့လို့ စိတ်ကတိုနေပါတယ်ဆို ...
( ငါဘာဖြစ်နေတာပါလိမ့် ... အရင်ကလဲ အဲအဲ့နှစ်ကောင်ကို နှစ်ယောက်ထဲတွေ့တာတွေလဲ ရှိတာပဲကို ... အခုမှ ဘာလို့စိတ်တွေတိုနေတာလဲ ? အာ ... ငါ့ကိုပလစ်ထားလို့ ဒေါသထွက်နေတာ ဟုတ်တယ် * )
" အဲ့ဒါဘာဖြစ်နေကြတာလဲ "
ဦးမင်းထက်၏အသံကြားမှ စစ်လဲ သတိပြန်၀င်လာသည်။
" ဘာမှမဖြစ်ပါဘူးအကိုရာ "
" ဘာကိုဘာမှမဖြစ်ရမှာလဲ ... စစ် ... မင်းကို မင်းအဖွားမသေခင်က အကြောင်းစုံ အကုန်ရှင်းပြပြီး တောင်းပန်ခဲ့တာပဲ ... မင်း papa ကို အခုထိမုန်းနေတုန်းလား ... မင်း papa မှားတာတစ်ခုမှ မရှိတာကိုလေ "
" ဘာကိုမမှားရမှာလဲ ... ငယ်ငယ်ကတည်းက အမေမရှိပဲ အဖေနှစ်ယောက်ပဲရှိတဲ့ ကျွန်တော့်ကို ဝိုင်းလှောင်ခံရတာကရော ဘာမှမဟုတ်ဘူးလား "
" အဲ့ဒါဆို မင်း papa ကရော ? မင်းကို လွယ်ထားကတည်းက ယောက်ျားကိုယ်၀န်ဆောင်ဆိုပြီး ဝိုင်းရှုံ့ချခံနေရတဲ့ကြားထဲက မင်းကိုမွေးပေးခဲ့တာလေ ... အဲ့ဒါတောင် မင်းက အခုထိ အသိမှတ်မပြုနိုင်သေးဘူးလား "
ပြောရင်းနဲ့ ဦးမင်းထက် ဒေါသတွေထွက်လာသည်။
" ဘယ်သူက ဇွတ်အတင်းတွေ မွေးခိုင်းနေလို့လဲ ... အခုလိုမွေးပေးလဲ ကျနော်က ကျေးဇူးတင်မနေဘူး အဲ့ဒီအစား မမွေးခဲ့ရင်တောင် ကောင်းအုံးမယ် "
" မင်း ... မင်း ပြောလေကဲလေပါလား ... မိဘကိုမိဘမှန်းမသိတဲ့ကောင် "
ပြောရင်းနဲ့ ဦးမင်းထက်ရဲ့လက်သီးတစ်ချက်က စစ်ပါးပေါ် ရောက်သွားလေသည်။
" အကို ... အကို မလုပ်ပါနဲ့တော့အကိုရယ် သား .. သားလဲ သွားတော့နော် "
" အဟက် အဲ့ဒါကြောင့်မလို့ gay တွေကိုမုန်းတာ ... Daddy နဲ့ ကျွန်တော်ပြသနာတက်တိုင်း ခင်ဗျားကြောင့်ပဲ ... ခင်ဗျားကို တစ်သက်လုံးခွင့်မလွှတ်ဘူး "
ပြောရင်းနဲ့ အပြင်ကို ပြန်ထွက်လာလေသည်။
" အကိုရာ ကျွန်တော့်ကြောင့် သားနဲ့ ထပ်ပြီး စကားမများပါနဲ့တော့ ... သူလဲ ဘယ်လိုလုပ်ပြီး လက်ခံနိုင်အုံးမှာလဲ "
" မင်းသားဘက်ကပဲ ကာပြောပေးမနေနဲ့ အသော် ... အခုပဲ သူ့အသက် ၁၆ နှစ်ကျော်နေပြီ သူစဥ်းစားတတ်နေပြီလေ ... အမေမသေခင်တုန်းကလဲ သူ့ကို အကုန်ရှင်းပြပြီးသွားပြီ အဲ့ဒါတောင် မင်းကိုလက်ခံသေးလို့လား ... မင်းအစား ငါရင်နာတယ်ကွ သိရဲ့လား "
" နောက်ကျရင်တော့ သူနားလည်လာမှာအကိုရယ် "
" နောက်ကျရင် ... ဟုတ်လား ... အဲ့နောက်ဆိုတာ ဘယ်တော့လဲ ... ငယ်ငယ်တုန်းကတော့ အမေတို့သွေးခွဲထားလို့။ ဒါပေမဲ့ မနှစ်တုန်းက အမေမဆုံးခင် သူ့ကိုရှင်းပြခဲ့တယ်လေ။ ၁၀နှစ် ... သူမင်းကို အသိမှတ်မပြုတာ ၁၀ နှစ်ရှိပြီကွ မင်းသိရဲ့လား ! ! "
" အကိုရာ "
ဦးစစ်သော် ဘာမှဆက်မပြောဖြစ်တော့ပေ။
VOUS LISEZ
Let Me Start Again [Completed]
Roman d'amourStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...