Unicode
စစ်နဲ့ မင်းခန့်လည်း ဟန်နီနိုင်ရှိတဲ့ဆီကို ထွက်လာခဲ့လိုက်ကြသည်။ မင်းခန့်ကတော့ အပြင်ကပဲ ရပ်စောင့်နေပြီး စစ်ကပဲ အထဲကို၀င်သွားသည်။ စစ် ရောက်သွားတော့ ဟန်နီနိုင်က ၀မ်းသာအားရနဲ့ ...
" ကိုကို ဟန်နီ့ဆီကိုလာတာလား ။ ခက်နဲ့ကွာရှင်းပြီးသွားပြီပေါ့ ဟုတ်လား "
" ငါ့သားလေးကိုသတ်တာ မင်းလား ။ မင်းလုပ်ခဲ့တာလား ဟန်နီနိုင် "
" ကိုကို .. ကိုကိုဘာတွေပြောနေတာလဲ။ ဟန်နီတစ်ခုမှနားမလည်ဘူး "
" မင်း ငါ့ကိုညာမနေနဲ့တော့ ဟန်နီနိုင် ! ငါအကုန်သိပြီးသွားပြီ။ ခက်က ငါ့ကိုအကုန်ပြောပြီးပြီ "
" ဘာ .. ခက်ထန်ကပြောတာ ဟုတ်လား ။ သူက ဘာလို့အဲ့လိုပြောတာလဲ "
" မင်းပဲ ခက်ရှိတဲ့ဆေးရုံအထိ လိုက်သွားပြီး အကုန်ပြောခဲ့တာမဟုတ်ဘူးလား ဟမ် !!! ဘာလို့ မသိချင်ယောင်ဆောင်နေရတာလဲ "
" ဟက် ! ဟုတ်တယ် ဟန်နီခိုင်းခဲ့တာ။ ကိုကို့ကို လိုချင်လွန်းလို့ ဟန်နီလုပ်ကြံခိုင်းခဲ့တာ။ အခု ကလေးက သေသွားပြီဆိုတော့ ကိုကိုလည်း သူနဲ့ကွာရှင်းပြီး ဟန်နီနဲ့တူတူနေလို့ရပြီလေ။ ပြီးတော့ သူက ရဲကိုမတိုင်ရဲပါဘူးကိုကိုရဲ့။ သူ့ကိုတိုက်သွားတဲ့ကားက ကိုကို့ကားမလို့လေ "
ဟန်နီနိုင့်ရဲ့ စကားကြောင့် စစ် ပြောစရာများပင် ပျောက်ရှသွားရသည်။
" ဟန်နီနိုင် ... မင်း .. မင်း .. တော်တော်ယုတ်မာပါလား "
" ဟုတ်တယ် ဒါတွေအကုန်လုံးက ကိုကို့ကိုချစ်လို့ ! ကိုကို့ကို ပိုင်ဆိုင်ချင်လို့ လုပ်ရတာ "
" မဟုတ်ဘူး ! မင်းက ငါ့ကိုချစ်တာမဟုတ်ဘူး ! မင်းက အတ္တကြီးနေတာ။ မင်းလုပ်ခဲ့တာတွေအတွက် မင်းပြန်ပေးဆပ်စေရမယ် "
" ဘာလဲ ရဲတိုင်မလို့လား လုပ်လိုက်လေ။ ကားပိုင်ရှင်က ကိုကိုနော်။ ရဲနဲ့တိုင်လည်း ကိုကိုကခိုင်းတာပါလို့ ပြောလိုက်ရုံပဲ။ ခက်ထန်ကရော ကိုကို့ကို ရဲနဲ့တိုင်ရဲလို့လား ။ ဟန်နီ သူ့ကိုသွားပြောလိုက်လို့ တိတ်တဆိတ်ထွက်သွားမယ်ပဲထင်နေတာ။ အခုလို ကိုကို့ကို ပြန်ပြောလိမ့်မယ်လို့ ဘယ်ထင်မလဲ။ ဟက် .. သူက အဲ့လောက်ထိ သတ္တိတွေရှိသွားတာလား "
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...