Unicode
" ဘာတွေများ လက်ဆောင်ပေးနေကြတာလဲ ?? "
အသံကြားရာ လှည့်ကြည့်လိုက်တော့ စကပ်ဒူးဖုံးနှင့် အင်္ကျီလည်ဟိုက်ကို တွဲ၀တ်၍ pencil heel ကိုစီးကာ ကြွကြွရွရွလျှောက်လာသော ဟန်နီနိုင်။
" ဒီနေ့က ခက်ရဲ့မွေးနေ့လား ? ကိုကိုက ဟန်နီ့ကိုတောင် ဘာမှမပြောဘူး ။ သိရင်တော့ လက်ဆောင်ယူလာမှာပေါ့။ "
" ဟန်နီက ဒီကို ဘယ်လိုလုပ်ရောက်လာတာလဲ ? "
စစ်က မေးလေသည်။
" သူငယ်ချင်းတွေနဲ့လာရင်း ကိုကို့ကိုတွေ့လိုက်လို့လေ။ ခက်မွေးနေ့ဆိုတာ ကိုကိုက ဟန်နီ့ကိုတောင် အသိမပေးဘူးနော် "
" ကိုယ်လဲ စကားမဆက်ဖြစ်လို့ မပြောဖြစ်တာပါ။ လာ ... ထိုင်လေ ဟန်နီ "
" ဒါနဲ့ ဟန်နီနိုင့်အတွက် ဘာမှတောင်မကျန်တော့ဘူး ... အားနာလိုက်တာ "
ဟု ခက်ကပြောလေသည်။" ရပါတယ် ကိစ္စမရှိပါဘူး ။ ဟန်နီက အခုပဲပြန်တော့မှာ " ဟုဆိုသဖြင့် စစ်က
" ဒါဆို ကိုယ် ၀င်ပေါက်ထိ လိုက်ပို့ပေးမယ် "
" ဟုတ်ကဲ့ကိုကို "
ဟန်နီထွက်သွားခါနီး ခလုတ်တိုက်မိသလိုဖြစ်ကာ (တကယ်က သူ့ဘာသာ တမင်သက်သက်လုပ်တာ) စစ်ရဲ့နှုတ်ခမ်းကို နမ်းမိလေသည်။ စစ်ကလည်း ရုတ်တရက်ဖြစ်နေသဖြင့် ကြောင်နေကာ မရုန်းမိ။ မင်းခန့်ကတော့ မျက်တောင်မခပ်တန်းကြောင်ကြည့်နေတဲ့ ခက်ရဲ့မျက်စိကို လက်နဲ့ကွယ်ပေးထားလေတယ်။
နောက်ပိုင်းမှာတော့ စစ်လည်း ခက်တို့ရှိနေတာကိုပင် မေ့သွားကာ ဟန်နီ့အနမ်းတွေကို ပြန်လည်တုံ့ပြန်လေသည်။ ဒါက သူတို့နှစ်ယောက်ရဲ့ first kiss မလား ။ ဆိုင်ကိုရောက်လာတဲ့သူတွေကလည်း ၀ိုင်းကြည့်လို့။
၅ မိနစ်လောက်ကြာတော့ မင်းခန့် သည်းမခံနိုင်စွာပင် ...
" မင်းတို့ကလည်း လူရှေ့သူရှေ့လေးတော့ ရှောင်ကြအုံးမှပေါ့။ အရှက်မရှိလိုက်ကြတာ "
ဟု ဒေါသသံဖြင့်အော်လေသည်။ ထိုအခါမှ လူရှိသေးမှန်းသတိရကာ နှစ်ယောက်သား နှုတ်ခမ်းချင်းခွာလိုက်လေသည်။ ဟန်နီနိုင်ကတော့ ခက်ရဲ့ရှေ့မှာ စစ်ကိုနမ်းလိုက်ရသလို ခက်ရဲ့ထိန်းမရအောင် ပျက်ယွင်းနေတဲ့မျက်နှာအား မြင်လိုက်ရသဖြင့် ဂုဏ်ယူမဆုံး ။
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...