Unicode
" စစ် ... ငါ ... ငါ "
ခက် စိတ်ကိုတင်းထားကာ မျက်စိစုံမှိတ်ပြီးအော်လိုက်သည်။
" ငါ မတောင်းပန်နိုင်ဘူး ! "
" ဘာပြောလိုက်တယ် မတောင်းပန်ဘူး ဟုတ်လား "
" ဟုတ်တယ်စစ် ငါ့အမှားတစ်ခုမှမရှိတာ။ ငါက ဘာကိုတောင်းပန်ရမှာလဲ "
ခက်စကားကြောင့် စစ်စိတ်တိုလာ၏။
" မင်းက ဟန်နီ့ကို ချူစားတယ်လို့ ပြောနေတာကရော ? အဲ့ဒါ အမှားမဟုတ်ဘူးလား ? "
" ငါ ဘယ်တုန်းက ... "
ခက်စကားမဆုံးခင်မှာပင် ...
" တော်ပါတော့ ကိုကိုရယ် ခက်မတောင်းပန်လဲ ဟန်နီက ခွင့်လွှတ်ပြီးသားပါ။ ကိုကိုတို့သူငယ်ချင်းတွေ ရန်မဖြစ်ကြနဲ့တော့နော် "
ဟန်နီနိုင်က ကြားဖြတ်ပြီး မျက်ရည်ခံထိုးလေသည်။ ထိုအခါမှ ...
" ခက် မင်းက တကယ်အောက်တန်းကျတဲ့ကောင်ပဲ။ အပြစ်လုပ်ထားပြီး မတောင်းပန်တတ်ဘူး မင်းကိုငါ ဒီနေ့ကစပြီး သူငယ်ချင်းအဖြစ်က စွန့်လွှတ်လိုက်ပြီ "
ဟုပြောကာ ကားကိုမောင်းပြီး ထွက်သွားလေသည်။ စစ်ထွက်သွားတော့မှ ...
" ဘယ်လိုလဲ ခက် ? ကိုကိုက နင့်ကိုတောင် ခေါ်မသွားတော့ဘူးနော်။ နင် အိမ်ကို ဘယ်လိုပြန်မှာလဲ ? "
" ငါဘယ်လိုပြန်ပြန် မင်းကိစ္စမဟုတ်ပါဘူး ။ အခု မင်းကျေနပ်ပြီမလား ။ စစ်က ငါ့ကိုမုန်းသွားအောင်လုပ်ရလို့ မင်းကျေနပ်သွားပြီမလား ? "
" ကိုကိုက နင့်ကိုမုန်းအောင် နင်ကိုယ်တိုင်ပဲလုပ်တာလေ။ ငါတောင်းပန်ခိုင်းကတည်းက စကားနားထောင်ခဲ့ရမှာ "
" ငါမမှားတဲ့ကိစ္စတစ်ခုကို ဘာလို့တောင်းပန်ရမှာလဲ။ အခု မင်းဖြစ်စေချင်သလို ဖြစ်သွားပြီမလို့ ငါ့ကို ဆက်ပြီး မနှောက်ယှက်ပါနဲ့တော့ ... မင်းနဲ့ စစ်ကြားထဲမှာလဲ ငါ၀င်မပါဘူး ။ "
ခက် ပြောရင်း ထွက်လာလိုက်သည်။ နာရီကိုကြည့်မိတော့ ၃ နာရီ ၄၅ မိနစ်။
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...