عمياء القاسي

بارت158

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__

ضارت على يمينها وكملات طريقها هنا اختفات عن انظار الكارد دايزة من طريق خااوية عامرة شجاار كدوز في لوطو مرة فشحال وهي كتبلع ريقها وكل دقيقة ضور ورااها ..
نزار اختار هد المكاان بعيد على صدااع المدينة وناسها ، جغرافيا كيبقا انسب مكان لواحد فحالو ..
وهي غادياا كتضور كل مرة وراها وخاايفة زعامتها راحت فخبر كان الما جمد لها فالركابي وهي حاضية جنابها حتى تعكلات وطاحت على ركابيها فالارض الهزه لغادي تهز عينيهاا سمعانت فراان مجهد باش تحل فمها على وسعو وهي كتشوفو ناازل عندها بابتسامة ووراه سيارات كثييرة اللي فور ما نزل خرجو بوديكارد منهم هازين السلاح عليهاا ..
باان الخوف فعينيهاا وهي كتشوفو مقرب منهاا صرطات رييقها وقبطات فصاكها معنقااه وعينيه ثارة فعيونو ثارة فدوك الوحوش الادمية لهازين عليها السلاح .. جابوها الوسط ودارو عليها دائرة مخلينو وااقف قدامها بعجرفة هاز رااسو كيعض على شفايفو ويضحك .. وهو كيحرك راسو يمين شمال مع ابتسامة مستفزة دليل على سخرية القدر ..
صقر : نتي اكييد شاايطة عليك حيااتك لتالت مرة كتجي عندي برجلييك
وقفات قداامو هازا راسها ومع الطيحة خسر لها لفولار وتطلق شعرها الاشقر قدامو فيكسا عينيه فعيونها البحرية المتحولة لسماوية فورما تواجهات مع الشمس ونزلهم تاني لشعرها الحريري المنسدل على كتافها ، كانت كتشووفيه بكره وعينيها كيضورو لحراسو لهازين عليها السلاح
دام الصمات لمدة ليست بقليلة حتى كسرو وهو مستأنف كلامو
صقر : عجيب هد نزار فالوقت اللي خاص يحميك مني وفينما مشا يديك معاه خلاك وراه ودا معاه ديك العمياء لنايضة عليها الحرب ( كيهزز راسو) كتبقا مراتو ونتي بنت الخيرية
زيراات على الصاك فيديها كضور عينيها يمين وشمال ، حربااء حربااء من فصييلة الحقد هد الانثى .. قلبات الوضع وبسرعه لبرق نزلات الدموع من عينيها ودارت يديها على وجههاا
فردوس : هوو ماشي خويااا هئ هئ هو تخلى علياا هئ هئ انا كنكرهو كنكررهو ههوو خلاني وجراا علياا هئ
مزال مستوعبش صدمة كلامها حتى صدماتو بفعلها وهي كتجري ناحيتو مرمية فحضنو مدورة يديها على ظهرو كتنخصص
يا الهي كم الحرباء ماكرة لكن الصقر امكر منها ..
لكارد كلهم وفوقت واحد وجهو مسدساتهم ناحيتها وهما فاستعداد تام لضربها منعهم بيدو وهو منزل حاجبو كيسمع ليه وهي مضورة يديها على ظهرو كتنخصص وتبكي وفوجهاا ابدا واش كاين الحزن كااين القرف من حضنو والحقد من روحو والكره من لمستو ونفسو
فردوس : هئ هئ هوو مين عرف اش درتي لي قالي معندو ميدير بوحده فحالي هئ هئ وتبرأ مني هئ انا معندي حد فهد الدنياا عاووني هئ هئ عفااااك ومتقتلونيييش هئ عى
تبسم باستفزاز وبعدها عليه دافعها