عمياء القاسي

بارت 73

خرج يوسف من اللوطو زاعف وضرب لباب بجهد هز فيه عبد الله عينيه : هرسو نتا كاع شاريه باك بن لمسخوط لاخر
تخطاه يوسف ودخل راسو دافعهم دوك زوج : حيدو حيدوو انا نخرجو راه معندكم صحة
شافيه بوشعيب كيطلع وينزل سيد قدو قد الغول يوسف واصل لكتفو ورضو معندو صحة : دبا نتا الفروج صح مني انا؟؟
تدخل عبد الله : اسيادنا عتقو السيد وتخاصموو (شاد فكتف بوشعيب) شوف اولدي هدا ولدي وانا عارفو جلااخه ميسوا ميصلاح ضربوو مرمدو دغدغو ونرضي عليك من لفوق ولكن دبا عاونننا نعتقو السيد راه كينزف
شاف بوشعيب حتى عيا ودخل راسو كامل هاز نزار فوق كتفو شاد بيد وليد التانية كينيش بها : وااتبعووني
كبورة كتجري بالحطب : زييدو زيدو مرحبا بكم مرحبا بضيف الله شافت شادية فعبد الله وغمض عينيه ورجع حلهم فهماتو وهي تشوف فيوسف
شادية : هز ختك ويلاه نتبعوهم
يوسف : وااش نتوما لباس؟؟ فين كنعرفوهم ؟؟ من قال هدو قتالة يقتلونا هنا ويدفنونا غا لخلا ولقيفار شكون غايسيق لنا لخباار ..
عبد الله : دير النية يا هد الولد وعمرك تخيب مول النية دايمن يربح
تمشى سابقهم وتبعاتو شادية ، مسح يوسف وجهو بحيرة وضرب اللوطو برجلو سد لباب لقدامي وضار عند شدى لور : عندك تانتي يكوون بقا فيك ؟؟ تقولي اه نشوتك فهد الخلا
غمضات شدى عينيها زوج مرات ..خشا يديه تحت فخدها والتانية تحت ظهرها وخرجها هازها : شنو نفهم من هدي بقا فيك ؟؟
زيرها بين يدو مزيان وسد الباب برجلو وتبعهم : الى تانتي محاملاهش غمضي عينيك مرة يلاه
ضحكات وغمضات عينيه مرة ورجعات حلاتهم .. يوسف : شفتي العشيرة نتي لكاتفهميني وليتي تشارلي شابلن فاخر ياماتك ههخ
خسرات وجهها من كلامو وتنهدات .. كانو دخلو وسط الغرس والشجر جا طالع فواحت لكدية كتبان كبورة وراجلها غاديين ناحية دار جات فالراس ديالها ووراهم بوشعيب متقل وهاز نزار فوق كتفو عاد عبد الله وشادية
يوسف : بااه بااه على لخيورات ومراكش فيها هد الخلا وانا مفراسيش (شاف فشدى لكتسمع له بالسكات) هد اليامات عشنا لاكشن بسببك العورا مافيها باس نعيشو الرومانسية (كيشوف فبلعمان لضاير بيهم ) خااصني لهنا غا شي بطوزة عبار سكينة ونرقصو انا وياها وسط لورد ..

ويلي ويييلي انا شاروخان وهي كاجول ونشطحو على اغنية فيلم ديوالي هااحححح (كيضحك) شحال زوينة نعمة تكوني زيزونة دبا كون مكنتيش عالصامت كون ضربتي بيا طر عارفك ابنت الحرام كون عيطتي لواليد (كيعيبها) باااباااا اجي تشووف يوسف شتيقوول بااباا (خنزر فيها) فااكيو بيتش ..