عمياء القاسي

بارت190

♡ العشق الذي استنزف كياني ♡ ..

#رواية : 🔞عمياء القاسي🔞

#للكاتبة: Sanae El idrissi

#__وما_الثأر_الا_باب_لهوسي_بك____يا_صغيرتي 

كانت هي مراقبة الوضع بحززن وهي كتشوف فنزار هكداك ولا على قبلها ،للحظة ضرها قلبها وحاولات تترااجع وتبع احساسها لكيقوليها ويااك تجرحي لانسان لوحيد لحمااك ويااك تخلاي علييه نتي لعندو وياك ديريها ..   وسرعان  ماتفكرات لوقع باش تكبح احساسها لكيقودها للاستسلام ، شاافت فصقر بحقد  هو الشخص يا اللي تعدى عليها بلا موجب شرع  كيفكر يدمر خوها .. هو نفسو الشخص يا اللي فيق عليها اوجااع لماضي ومغاترتاح حتى تنعسهم وتدفنهم منين تقتلوو وتهنا منو وتهني خوها حتى هو ، ورجعات شافت فنزار   .. الاخ لولداتو ليها الدنيا القاسية .. السند لولداتو لها الزنقة الظالمة .. الامان لولداتو لييها الوحدة واليتم   .. شحال خاايب تكوون بين زوج طرقان لاول اطول واظلم من الثااني  .. من جهة ثأرها ومن جهة حبها لخوها .. ببتساامة مريرة شافت فنزار وبتلعتم نطقاات ..
فردوس :  ن ن نز اا ارر 
عااد وعى وتفكر بلي رااها تماك فور ما سمع اسمها بعصبية طرطق عنقو ودوز لسانو على شفايفو كيمص الدم وغووت بغضب بلما يشوفيها ..
نزار : طلللعيي فلوووطووو (بالغوات) يلاااااااااه  يلااااااه منعاودش هضررتي
رجع شااف فصقر لكيمسح نيفو من الدم ويضحك باستفزاز ورجع نظرو لييها منزل حاجبو مراقبها مقربة من صقر .. شدات فيدو وطلعات يديها الثانية كتمسح الدم لففمو بصبعها  عاطيا لنزار بالظهر ودقات قلبها المجرووح فارتفااع تاام وهي على علم انو خطوتها هدي غاتكلفها الكثيير  ..
حل نزار فمو يعدم فهم واستأنف كلامو صااعر
نزار : فردووووس بععدددددي متعصبنييش 
صرطات رييقهاا بقلة حييلة وتلفتات لعندو بلما تطلق من يد صقر وهزات راسها بكبرياء مصطنع راامقااه بقوة  مزيفة  ..
عاود نطق  اسمها كتحدير :  فررررردووووس  
قاطعاتو بصوت عالي : فردوووووس فردووس ديري فردوس سيري فردوووس حبسي فردوس نعسي فردوس براكا فردوس سكتي فردوس حشمي فردوس (باعلى صوت) فرد وووو س فردووووس  فردووووس   .. (سكتات كتلهت) فردووس كبييرة وماشي هي دك المتشردة لتلاقيتيهااا من سنين  كاااتفهم ،( زيرات على يد صقر) نتاااا مكتجنيش نتاا ماشي خويااا ومعندكش الحق تتدخل فياا وفحيااتي نتاا ماشي خوياا وبلاصتي مااشي مععك تفرق مني ومدخلش فيااااا  ..

تبسم صقر وزير على يديها مراقب تعابير نزار المصدوومة من تصرفها هدا ومن كلامهاا باستهزااء  هزز راسو وشاف فنزار
صقر :  فردوس معيا بخاطرها خااص  تفهم هدشي
ظلاموو عينيه وزير على يدو وشاافيها بلما يعير لكلام صقر انتباه
نزار :  دددددخلي للوطووو منعااودش هضررتي ..
لملمات شتاات قلبها المكسور وادعات لقوة بصوتها المايل للبكا محركة رااسها بالنفي والبرد كيطير شعرهاا  ..
فردوس :  الى درتي فياا الخييير هدشي مكيعنيييش انك تحكم ليا فحيااتي ديرها فبالك انا حرة يبغي ليبغي ويكره ليكرره ونتاا معندك حتى حق او سلطة عليااااا  ..