عمياء القاسي

بارت 19

♡ وما طال الغياب الا ليتنظرك القلب ♡ ..
الجزء 19 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
كان جالس فوق الكرسي مفرق رجليه وحداه الصاك ديال الفلوس باحترام تام منزل راسو جامع حواجبو وكيحرك راسو ب اه ليشهد التاريخ القاسي وهو حادر راسو لاول مرة قدام شي حد ، كانت امرأة محجبة وكبيرة فالعمر فالستين هكك .. دايرا نظاظر دشوف وعينيها كحلات وبيضة .. جامعا يديها بزوج فوق المكتب وبتركيز تام كتهضر مع نزار يا اللي جالس قدامها حتى قاطعها بصوتو الخشن ..
نزار: كنفضل يبقا الوضع هكدا امدام سليمة
تبسمات ليه بلباقة ونزلات نظاظرها : وليني خاصني سبب علاش مبيتيش تعرف عليهم هما متحمسين بزاف يعرفو الانسان يا الي كيحقق لهم امنياتهم ومكيبخلش بفلوسو عليهم
نزار:( كيحك دقنو) انا مرتاح هكدا ( حدر راسو باحترام) كنتمنى تحتارمي قراري
سليمة: طبعا عندك الحق تقرر ، هد الميتم واقف بخيرك نتا وبفلوسك ولبيتيها هي لغاتكون ، مسيو نزار عندي سؤال؟؟
نزار:(شافيها) تفضلي
سليمة: علاش كنحس بيك انسان غامض وقاسي ولا امكن كتبين القسوة ديالك حينت هد المعروف لكدير مع ولاد الميتم مكيديروش اي واحد مع دلك محاببش تعرف عليهم وهما متشوقين يعرفو البطل ديالهم
نزار:( عقد حاجبو وشاف بعيد بحزن) قبل عشر سنين كان واحت لولد عايش مع عائلتو بخير ومخاصو والو حتى نهار ماتو ولقا راسو وحدو ( بان الحزن فعينيه) لقا راسو بلا والدين بلا ددار بلا حرية بلا كرامه وبلا يد للمساعدة لقا الظلم والقسوة والطغيان والجبروت من الناس ( هز راسو بعجرفة) كيغايكون هد الولد فنظرك ؟؟
سليمة:عندي احساس بلي هد الولد هو نتاا
نزار: ومناويش نشوف نسخه عليا فهد الايتاام مخاص يكون تاحد كيشبهني (نزل يدو هز صاك) هدو على قبل الاصلاحات ديال الميتم ، انا غانخرج واحد المدة من شيكاغو قضيو بيهم على ما نرجع
سليمة:(تبسمات وحطات يديها على الصاك) شكرا بزاف وربي غايجازيك على هدشي
بلما يجاوبها حرك راسو ب اه ووقف ماد لها يديها صافحها وخرج ، تنهد براحه مقابل مع بعض الاولاد كيلعبو فالجردة ديال الميتم وهو خارج من مكتبها فاتجاه الباب الرئيسي مقابلهم بعينيه
تمنى يلقا نزار الولد الصغير معهم ، يلقا الولد البريئ وداك الملاك اللي مكيادي حد لكن للاسف
دك الملاك ولا صفحة محروقة من ماضيه الاسود مخلفة وراها وحش مكيعرف لا رحمه لا شفقة ..
هدفو فقط ينهي حياة الناس كيفما تاهو تنهات ليه حياتو .. وكيف كيقول العين بالعين والسن بالسن والبادي اظلم
هما لقتلوا لملاك .. ادن يتحملو طغيان الشيطان ..