عمياء القاسي

بارت 17

♡ وما طال الغياب الا ليتنظرك القلب ♡ ..
الجزء 17 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
قاطع هضرتهم خطواتو وهو جاي من ورا شادية ومقرب منها ، حادر راسو وكيحك فعنقو الظاهر انها عاودات ليه فالطريق ، كان شاب صغير فالعمر مكيدي لشادية وشدى فوالو انما شابه عبد الله ، حواجبو وشفارو كوحل فوسط عيون سوادهم اسود من سواد الليل ، لحيتو خفيفة شوى وبشرتو سمراء .. ضارب ليك واحت التشويكة وداير نظاظر .. كيبان كيلفروج فواحت لكوستار معرفتو شيبي ولا رمادي دك لون مخربق كدماغو .. يوسف العمراني ، الى دكرتي الشغب وقلة العقل كأنك دكرتي هد الكائن العحيب فعمرو 25 سنة وتصرفاتو فعمر 20 سنة .. من نوع الشباب لباوها باردة بلما يتمحنو بيعيش لحياة وليني مباش يتمحن فيها ، حياتو عبارة على فيق كول لبس تأنتك وخرج صيد لبنات تزلل ومتحي تاليل وملي تجي تشاد مع جيري العما وفقصو ونوض فيه الشيب ..
شمات شدى ريحة لبارفاه ديالو وهي ضحك بينما هو حاضيها بعينيه ومكرهش يطير عليها طلع فيه عبد الله الراس وعقد حواحبو
عبدالله: دوز تجلس
شادية: يهديك الله يا هد الراجل
عبدالله:(هز عليها صبعو ) سيري لكوزينتك
معاودتهاش معاه مشات كتنفخ غي راسها اما يوسف شافها مشات زاد معاه زايد وخا راه كبير الا ان كيخاف من عبد الله وكيترعب ملي يبقا هو وياه راس فراس
عبدالله: جلس
تقدم عندو معاودش معاه لهضرة كان لابس كلاكيط مع لكوستار وهازو على رجليه باين دخل غسل عاد جا كيبان كالغزار ،
يوسف: نعم الواليد (جلس مقابل معاه)
عبد الله: قضيت عمري كامل وانا كنكسب احترام الناس ليا(شافيه بصرامة) مغاتجيش نتا تا لاخر عمري وتخسرني مع الناس، بنت جيران الحماري بنت جيران؟؟
يوسف:(خرج عينيه) بالعما الواليد مدرت والو غالباطل
عبد الله: من بين كاع الناس هد لبطل بيتحط عليك غي نتا (خرج عينيه فيه مخنزر وعنق شدى) نوارتي متكدبش واللي قالتو عندها فيه الحق
يوسف:( خنزر فيها) وزدتي فيه الواليد نهار كامل ونتا نوارتي بلعمانتي اقحوانتي وبزاف تقول غانتا لوالد لبنت .. ( كيهز يديه ومفرق رجليه المزغبات) وانا مدرت والو هي مليون .. مقصت بنت خبازا مقصت بنت مول فرناتشي انا باري منهم غا لعندها شي بايرا بتلصقها فمتعوس سعد ديوسف
عبد الله: انا قلت بنت الجيران مدكرت خبازا مدكرت بنتها مدكرت مول لفرناتشي مدكرت بنتو زيد غر المسخوط
شدى:( كضحك وتزيد العافية) حشومة اخويا والله ، واش تبي ليدير ليا انا هكا؟؟
يوسف:( هز صبعو كيشير لها ويشوف فباه) وبربي الواليد غي بتجبد ليا صداع معك بيني وبينها مكتقولش ليا خويا كتقوليا غا سكل ودبا دايرا راسها الضريفة لمرزنة قدامك بصح انا غانوريك اعود سبسي شغلك مزياان
عبد الله: احتارم ختك البغل
شدى:( كتمسكن) هانتا شاهد ابابا مدرت ليه والو
عبد الله:( معنقها) عارف اكبيدتي (شافيه بغضب) حسك منسمعوش الشمكار