عمياء القاسي

بارت133

♡ وما طال الغياب الا ليتنظرك القلب ♡ ..
الجزء 133 من
#رواية : 🔞عمياء القاسي🔞
#للكاتبة: Sanae El idrissi
#____للانتقام___وجه___اخر__ 

تبعها بعينيه باستغرااب حتى طلعات عاد قلب عينو لجهة الدرج لخاص بالنزول كان من الجهة الثانية نازلة فيه الخادمة معافرة مع الفاليز ووراها خادمة خرا جارا فاليز تانية  ..  نزلو حادرين راسهم جارين الفاليزات وهو يدير رجل فوق رجل وحول عينو تاني لجيهتها  متأكد انها قالت لفردوس كلام  زعجها ..
الخادمة :هاهما اسيدي لفاليز دياولك وديال المدام 
حرك راسو  بالايجاب وعقد حواجبو بعدما مشاو رجع تلفت ليها تاني  كيشووف لفترة طوييلة وهو يجبد يدو كيلعب بالسوار فيدو
علاش  فين منشووفها كنتدكرك المياء علاش شكوون هي   (شافيها) شدى  
ضور راسو ليمينو فوق الطاابل بعدما سمع صوت الفون ديالو هزو بيدو منزل حواجبو وسرعان ما ابتسم منين لمح الرقم يا اللي مصوني ليه هز لفون دارو على ادنوو وحيد رجل من فوق رجل وفرقهم  ..
نزار  :    ليوون   متقولش ليا هد المدة كاملة يا اللي عطيتك مكافياش باش تجيب لي لائحة بكااع اعدائو 
ليون :   فصراحة امسيو نزار ثايغر  عندو نفود قوي ولا نقول عندو جدور مثيينة فعالم الجريمة وكيف سبقت قلت لك صعييب بزااف نتخلصو منو ،  لقدرت نعرف انو المافيا الروسية الد اعدائو  " روسيف"  البوص ديالهم عندو عداوة قديمة مع ثايغر لدرجه حاول يقتلوا  ، كنظن الروس ممكن يتحالفو معنا ضدوو
نزار  :   لوكان هدفي موتو كون متأكد  بلي برصاص فالراس ممكن نحفر قبرو لييلة لو حبيت  ، انا هدفي  نمسح اسمو من عالم المافياات نخلي اسموو ينقرض هدفي  نخرب خدمتو وجمييع اعمالو   وديك الساعة عاد تبرد النار لفقلبي  ..

《《《  نمشيو لجهة خرا 》》》

بكل اريحية هز كاس من النبيد الاحمر كيرشف منو وهو داير رجل فوق رجل ويتبسم وعينو نيشان فالشارع لكيبان لتحت بحكم انو الكافي جات فطابق لفوق  ..  كان عبد المجيد جالس قدامو هو الثاني كيرشف من كاسو ووراه مجموعة من الحراس الشخصية  لحمايتو   ..  
عبد المجيد  :  شنو ليخليك واثق اني غادي نوافق على عرضك؟،
صقر : ببساطة مصلاحتنا فبعضنا   .. نتا هدفك موت لعمياء وانا هدفي  فردوس طيح بين يدي وبزوج فحمايتو سو خاص نتاحدو ونهيو حيااتو   ..

هام: بالنسبة للأشخاص لي متبعين رواية "من منا الخائن" فهي في طور الكتابة محبستهاش و عمري غنحبسها.... حيت خدمت عليها من كل قلبي لكن الظروف بعداتني على الكتابة و هني رجعت و ان شاء الله جايبة لكم الجديد