عمياء القاسي

بارت 27

♡ وما طال الغياب الا ليتنظرك القلب ♡ ..
الجزء 27 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
نزلات حاجبها بريبة : ش شكوون نتتاااا ؟؟؟ شنو بيتي عندي
تبسم وعوج عنقو: " ديورو كنجبانه فد شي" عطر راقي وجداب (تبسم ببرود) ولكن مجبدتنييش ، جدبااتني روحك
شدى:( خافت وبان فوجهها الخوف) انا غ غانمشي ممكن تبقا وسمحي ليا ديرونجيتك
نزار: تت (نطق بهمس) بقاااي هدي البلاصة المناسبة ، شدى( بفحيح نطقها)
حلات فمها بصدمة من كلامو وتقدم مغادر المكان ، حسات بخطواتو كتبعد وهي تجهد صوتها
شدى: هيه فين غادي .. شكوون نتا؟؟
كمل خطواتو فاتجاه البنايات لقبالتها بلما يعير لندائها اهتمام ، بينما شدى سكتات منين مبقاتش كتسمع خطواتو بمعنى بعد.. كانو يديها كيرجفوو وفمها نشف ولا بيض والدم هرب من فمها .. انسان كتر ماهو غامض مرعب ورعب كيانها بزوج كلمات خلا قلبها يضرب وسط صدرها ضرب
شدى:( كتنش على راسها) هدا غي هبييل وخلعني مكاين والو غي هبيييل ( غمضات عينيها) صاافي تهدني اشدى مشاا صاافي مشاا
جبدات غيثارها من حقيبتو لاحتها حدا رجليها وهي تدير رجل فوق رجل وقاداتو فوق ركبتها ويديها مزال كيترعدو رمشات شفارها بسرعة هدي حركه كديرها مين كتوتر وتنهداات .. رجعات حطات لغيثار فالارض والقلق باين فعينيها
شدى: والى هبيل باش عرف سميتي ، دك الريحه لداير غالية مين غاتجي فلوسها للهبيل
فالجهة المقابلة ، وفوق بناية جات مقابلة للجريدة وتماما مقابلة لشدى .. كان موجه بندقيتو ناحيتها .. داير علكه فسنانو وكيمدغها وببرود هاز حاجبو مصغر عيونو فالمنظار ، قفازاتو الجلدية مليوحين حداه فالارض ، وحقيبتو ومونطوه الكوير وطاغيتو بقا غي بتيشورت اسود نص كم وسروال تجين اسود عمر غبرا حيت جالس فالارض على سدرو
ساط بضيق وطلق نفسو السخووون ووجه يدو للزناد والليزر منيشو صوب راسها مباشرة
كانت جالسا بقلق تام باين فعيونها وهي تنهد قلبها كيضرها وممرتاحاش وكمل عليها هد الانساان يا اللي هضر معها ورعبها لمساات القسوة والشر فصوتو حساات بالخوف والرهبة من كلاموو .. حركات راسها بالنفي وهي تنوض .. لوقيتا لغتنوض نزار طلق الرصاصة .. رمشاات ببطئ وحطات يديها على حنجرتها كتحس بدكشي سخوون ناازل كتسمع الناس كيتغاوتوو.. كتحس بالالم والماس كيقطعوو حنجرتها .. الظلام والالم والغواات احساس خلاها تترعب وتتهد ويختل توازنها مع دمعه طايحه من عيونها نزلات على ركبتها
كان باقي موجه البندقية ناحيتها كمش وجهو بعصبية مين لمحها وقفاات ودك الساعه كاان طلق رصاصتو وخرج الامر من يدوو .. وزادت عصبيتو مين تسمعات صوت الطلقة يعني نسا كاتم الصوت
بحواجب منقضة مقابلها طايحه على ركبتها ويديها على حنجرتها وبعصبية قال: شييييت
وقف بنرفزة وضرب الحقيب برجلييه متقبلش يوقع لو هكا ويخطئ فهدفووو .. الراس الرااس هناا فين كاان خاص تجيها الرصاصة هدشي لشاغل بالو فهد اللحظة ..
بينما هي فالجردة طايحه على ركبتها ودمعه حارة نازلة على خدها حطا يديها على حنجرتها والدم سخوون نازل منهاا لحغ تالرجليها الناس بداو يغوتو ويجريو ناحيتها .. غمضات عينيها بألم وهي مكتشوف والو فهد اللحظة فقدات حتى قدراتها الحسية .. كيبان لها الظللام وكتقيس شي حاجه سخونة فحنجرتها اما الالم فكاان كينهشها نهش كتحس بالخواا فدك البلاصة ولبرد كيدخل منها .. اش هدشي؟؟
اخر كلمه قالت قبل مطييح مغمى عليها والدم مغرق المكاان ..