عمياء القاسي

بارت131

♡ وما طال الغياب الا ليتنظرك القلب ♡ ..
الجزء 131 من
#رواية : 🔞عمياء القاسي🔞
#للكاتبة: Sanae El idrissi
#____للانتقام___وجه___اخر__ 
《《《 فجهة خرا 》》》

بعدما خرج من غرفتو الرياضية  طلع خاد شاور خفيف وبدل حوايجو ونزل جلس كيشرب قهوتو الصباحية ويلعب بلفون ولبوديكارد ضايريين بيه  مكدبش سانتوس مني قال انو هدي قلعة ولا حصن عامر بجنودو اللي يستحيل يخلي نبشة تقيسو 
وهو مخنزر كالعااادة ..

تقدمات ناحيتو وحدة من مدبرات المنزل حانية رااسها بتوتر وضامة يديها ورااها بعدما اشار لها بصبعو تجي  ..
نزار  :  غادي طلعي لغرفة دياالي  وتجمعي حوايجي فلفاليز  ونزليهم  عندك زوج دقاايق طيييري 
يلاه عطاتو بالظهر بتضربها بجرية حتى وقفها بصوتو القاسي 
نزار  : تسناااااي .. (حك دقنو بتوتر والتردد باين فعيينيه وشافيها)  جمعي حوايج حتى لعم
سد فمو فاخر لحظة وعقد حوأجبو : جمعي حوايجها حتى هي (اشار لها بعيونو لوراهاا)  سيييري 
تلفتات لخادمة لوراها وهي تبان لها من الزاج جالساا فالحديقة كالعادة وحدهاا وحادرا رااسها رجعاات شافت فيه وحدرات راسها
الخادمة : و ووخا اسيدي  .. 
خنزر فيها باش تمشي ودكشي لكان فهماتو ومشات ديريكت للدرج طالعا فاتجاه الطابق الثاني تنفد تعليماتو   .. 

《《《 فالجهة الخرا 》》》

فهد الاياام قدرات تسترجع جزء من صحتها ولو ماشي كليا .. جرح عنقها بااين غاامق وكبيير وجرح قلبها اغمق منو واكبر من كبرو  ، قدرات تسترجع صوتها كليا لكن واش قدراات تنساا النهار يا اللي كانت غاتخسر فيه حياتها ..  النهار يا اللي طلباتو ورغباتو يرحمها ومالباهاش  ؟

كانت جالسا فالحديقة ومنزلة رااسها بحزن كتفكر تاتعياا كدير ترجع حقها منو وتاخد بثارها  وملقات والو  ...  كفاش غادير لهدشي وهي ضرييرة وبصيييرة  ؟؟ 
علامن تعووول شكوون غايكون عينيها وودنيها وعقلها فهد القصر فيمن غاتيق باش تقد تنتقم لدمها لكرامتها لحياتها ولمشاعرها  .. نزلات حاجبهااا بريبة فور ما سمعات حس اقدام قراب لييها  استنشقاات الريحة وهي تعقد حواجبها 
شدى  :  بارفان   دالبنات  ..  ش شكوون نتي ؟؟
كانت واقفا قدامها بحزن باين فعيوونها لابسا سروال كوير مع تيشورت كحل حد سرة وطالقا شعرها الاشقر  زفراات بضيق وقربات منها تاوقفات قدامها وهي هازا راسها للفوق  ومدات يديها كتشير بصباعها وتجرب عينيها
شدى حسات بقربها وحساات بالحركة لكدير بيديها وهي  تعقد حواجبها
شدى :  ااه انا عمياا 
جلسات حداها كتحرك راسها بالايجاب  وضارت عندها   :  انا فردوس  نتي سميتك عميا ؟؟
شدى :  شدى  ..  شكوون نتي

أعتدر عن هاد الغيبة لي دامت مدة طويلة ♥️♥️