عمياء القاسي

بارت87

♡ وما طال الغياب الا ليتنظرك القلب ♡ ..
الجزء 87 من

#رواية : 🔞عمياء القاسي🔞

#للكاتبة: Sanae El idrissi

#____للانتقام___وجه___اخر__ 

جالسا فالصالون وحاطا يديها على راسها وبعينيها الزرقات لامعات مراقبة الكارد يا اللي كل واحد فيهم ناعس مشتت فجيه ، كان محطوط فالطابل صحون  زجاجية بقا عامرة بالشربة وجاكلين جالسا حداها وبيديهاا كتلعب فشعرها وهي حطا يديها حنكها
جاكلين : ودباا شنو المعمول ؟؟ 
عطيناهم المنوم ومني يفيقو؟؟ شنو غانقولو لهم كدرت خرجت من لغرفة ودقيت عليهم من باب الشقة وجبت لهم الشربة؟ 

كانت فردوس فيديها هازا الفون  ورسالة مزيراهم فيديها وبمرارة شافت فجاكلين
فردوس : مغايحتاجش حنا غانمشيوو غانمشيو اجاكلين
قالتها بحزن كبيير ونزلات دمعه من عينيها وبعجرفة مسحاتها وحطات يديها على خدها من فوق اللصقة

فردوس :  حتى حاجبة مبقات عندي وحتى حاجه مبقات كتهمني من غير الانتقاام .. غادي نبلغو بيه وغادي يدخل للحبس ودك ساعه غاتبرد النار لفقلبي وغانكون هنيت خويا منو (بحزن حدرات راسها) وهنيتو مني مغيبقاش مضطر يدير عليا الكارد ولا مضطر يجي يشوفني غادي نمشي من هنا مشية بلا رجعة
جاكلين : غاادي نمشيووو انا معك معك للاخيير

فردوس :  (هززات راسها)  غادي ندمرك اسي صقر وغانخليك تندم على نهار لفكرتي فيه تقيس شعرة مني وغانستمتع بدك المنظر ونتاا فالحبس عاد يهنا ليا لبال (شافت فجاكلين) غادي نمشي لدك لبلاصة وغادي نشوفو بعيني كيقبطو عليه عاد غادي يبرد قلبي وتهداا النار يا اللي شعل فكيااني مغنتهنا ونرتااح تنسود ايامو ونحرر عليه عيشتو ماشي فردوس ليدار لها هكاا
جاكلين:(بتوتر حكات عنقها) وو  خ ووك وخوك؟؟

فردوس : خوياا مبقاش عندي لوجه  اللي يشوفو ولا ليشرح له خويا خسرتو ومبقا عندي اخ .. خويا انفوا يعرف فعايلي غادي يخرجني للزنقة ويتخلى عليا كنفضل نخرج وميخرجنيش كنفضل نتسمى تخليت عليه ولا يتخلى علياا منقدش نستحمل ( بالم طاحت دمعه من عينيها) منقدش نتحمل نشوف نظرة الانكسار ولخدلان فعيونو منقدش  ..  غادي نخلي ليه لفيديو  هو من حقو يعرف كلشي (شافت فالرسالة لبين يديها) كنتمنى الى قرا هدشي يهدرني وينسى فعاايلي وخيانتي لييه (وقفات وهزات صاكها) خليينا نمشيو قبل ميفيقو
وقفات جاكلين تاابعاها : ودبااا شنو  ؟؟
فردوس : اول وجه فوجووه الانتقام !!  الشرطة .. (تبسمات) ضروري ميعرفو بخصوص الصفقة المشبوهة لغاتعقد اولا؟؟ كل شي فسبيل الثايغر وانكسارو
كملات كلامها وهي حالة لباب وفعيونها كره كبير وحقد مضااعف