عمياء القاسي

بارت66

تبسم صقر بقسوة وطبطب على كتفوو مرجع رااسو لور مغمض عينو ، حلهم ببرود وشرب من كاسو وتمتم بجنون : متشوق نشوف وجهك ملي تعرف لدرت لختك وتجي عندي وتوقع فالفخ برجليك اسي نزاار (تبسم بخبث) قبل منقتلك خااص ندوقك من العداب لكنحس بيه وفردوس هي الطريق لهدشي
رجع راسو لور وتبسم مغمض عينيه : فردوس خاص نتلاقاو من جدييد ..
هز راسو مرة ثاانية وحل عينيه فور ماسمع الحس ، هز حاجبو ببرود فالشخص لجاي وشاف فستيف : سير حتى نعيط لك
ستيف : وخاا اثايغر
قاطعو الشخص لجلس بصرامة : الثايغر مزال فالحياة وهاهو قداامك
تلون وجه ستيف خوفا منوو غي صرامة صوتو كتجلب الرهبة فالنفوس : س سمح لياا اثايغر سمحو لياا
هز يدو بغرور واشار ليه يمشي وشاف فصقر لنزل رجلو من فوق الطابل وحاضيه باستهزاء وفيديه الكاس كيشرب
صقر : سالاا الحداد ديالك ؟؟ قررتي تجي تعاوني ناخدو بثار ولدك ؟؟
هز راسو بعجرفة وشاف لبعيد داير رجل فوق رجل .. كان رجل ستيني الصرامة بااينا فوجهو والشر متكون فعيونو السوداء الماقتة الحاقدة الشبيهة لليل الموحش فعز عاصفتو .. حجبان كتاف ومبعثرين بطريقة عشوائية فبشرة حنطية مليانه تجااعيد.. كان فخدو ضربة قدييمة الظاهر ان الثايغر ماشي اقل من ولدو وهو الثاني عندو اعداء .. لحيتو بيضة متخللاها بعض الشعيرات السوداء واللي اكتاسحات شاربو ، كان لابس كوستار زيتي انيق وداير رجل فوق رجل..داير يدو تحت فكو باش يبان خاتمو الدهبي المنقوش اسمو "ثايغر"
قبل سنيين كان معنى اسم ثايغر ماشي النمر انماا المووت ، كان ملاك الموت لاعدائو..
الشخص الاول فعالم الجريمة لقدر يخلي شرطة شيكاغو تلف ومتلقا تادليل عليه وتشوف جرائمو وتسمت بل قدر يستولي على حي من احيائها المعروفة بالاجرام ..
قدر يستولي حتى على عقول سكان الحي قدر يخليهم يعتابروه هو القدوة ديالهم او الاب الروحي الخاص بيهم .. لدرجه ممكن يقولهم قتلو راسكم قدامي بلا تردد يديروها ،
هدشي خلاه يدير عداوات مع جميع المافيات الامريكية اللي خرب لها خدمتها واستولى ليها على جميع علاقاتها مع باقي مافيات العالم باش تولي عصابتو النامبر وان فامريكا عامة وشيكاغو خاصة
وهدشي لمعجبش المافيات الامريكية ..
كان لازم الثايغر يمووت وتخلى لهم الساحه تافقو مع المافيا الروسية وحاولوا يغتالوه .. هناا فين تاخد قرار انو يسلم زمام الامور لابنو البكر صقر فرضا لو مات قبل ميعطيه حق الارث فمنصب البوص عمرو ميقد يولي الثايغر كان لازم وضروري الثايغر الاب يسلم لوريثو امبراطوريتو وهو فالحياة ..
تنهد بعمق ورجع سيغار كان هازو فيديه لفمو : كتسمع بالانتحار الرحيم !!