عمياء القاسي

بارت 6

♡ وما طال الغياب الا ليتنظرك القلب ♡ ..
الجزء 6 من
#رواية : 🔞عمياء القاسي🔞
#للكاتبة: Sanae El idrissi
#__قربان___عشقي_لكي..
نزار:(عقد حواجبو مشربن) مكيهمش .. (تفطح على لفوطوي مفرق رجليه وكيلعب بلكاس بيدو) لكيهم انني رفضت هد المهمة
عبد المجيد:( بنوع من الترجي) ولكن نتا املي الوحيد
نزار:(هز حاجبو بغرور) لهد الدرجه كيهمك موتها على يدي؟؟
عبد المجيد: (حرك راسو ب اه) حينت نتا لوحيد الجدير بهد المهمة (تنهد بحزن وشافيه) بنتي كتمووت ، والسبيل الوحيد باش نعتقها هو نتا تكلف بقتل هدي اللي عطيتك معلومات عليها فالملف (هز راسو بتعالي) كيف كيقولو .. عندما تعرضك الحياة للخطر فالسبيل الوحيد لانقاد حياتك هو ان تصبح انت مصدر الخطر ...
نزار:(كيرشف من الخمر) قلت ليك بلي مكيعجبنيش اللف والدوران ..
عبد المجيد:( تنهد وشاف بعيد) بنتي عندها قسور كلوي ، بنتي كتموت (بانت لمعه دحزن فعيونو) والدياليز مبقاتش نافعه لازمها عملية زرع .. كاع مستشفيات العالم ضرت عليهم..بلا نتيجة الى بيت كلية مطابقة خاصني لوقت ولوقت ماشي فصالح بنتي .. وهدي لخاص تمووت هي اللي ممكن تنقد بنتي (هز حاجبو ببرود) الاقدار فين وصلاتنا ، بين كاع المستشفيات لقيت كلية مطابقة لبنتي فالمغرب ..
نزار:(هز الملف هاز حاجبو ودار رجل فوق رجل) جاني الفضول نعرف هدي
عبد المجيد: الى بيت بنتي تعيش لازم هدي تموت لانها سانية على وراق التبرع فحالة ماتت غتبرع لبنتي بالكلية
نزار:(نزل حاجبو كيقرا فالملف ورجع شافيه وكيقرا بصوت عالي) شدي العمراني 21سنة عندها بكالوريا علوم تجريبية بميزة حسن جدا (لاح لملف) كتخربق علياا واش بنت ليك انا كنتفلا شبيت ندير بسيرتها الداتية
عبد المجيد :(ببرود) كمل بعداا
نزار:(شافيه مطول ورجع هز لملف) توقفات على الدراسة تلاثة سنين بسبب حادث سير (هز حاجبو) اللي كان سببب فاصتبتها بالعمى وتضرر كلية ..(شاف ف عبد المجيد) هي عندها كلية وحده
عبد المجيد: وشنو كيهم فهدشي ؟؟ بكلية او زوج انا بيتها تموت دك ساعه بنتي غاتعيش
نزار: شنو لضمن ليك عائلتها غيعطيوك لكلية ورا موتها؟؟
عبد المجيد: درت بحث عميق عليها ، هي بنت جندي سابق فالجيش معروف بالصدق والامانة فعملو .. وفحال هد النوع كيعجبهم يساعدو غيرهم (تبسم بسخرية) وبنتو غاتموت غاتموت اللهم يديرو اجر ، هي من ورا الحادث ومن ورا ماخسرات بصرها وكليتها وقعات وثيقة دتبرع يعني انفوا تموت جميع اعضائهاا غيتستئصلوا اللهم نعجل فموتها ونقد بنتي (بغرور هز راسو) اش قلتي؟؟
بدون مايجاوبو رجع كيقرا فالملف : من بعدما شدات لبكالوريا ديالها وفنفس نهار تقلبات بيها سكوتره (تبسم بسخرية) مغامرة مع راسها ، (رجع كيقرا) خسرات بصرها وخسرات كلية وتشللات من رجليها .. بعد عام ونص وهي مقعدة قدرات ترجع تتمشا (تبسم بدون رأفة ) هدي خردة كاع الاعطاب مجموعيين فيها
عبد المجيد: عفاك واافق انا محتااجك بنتي لازم تعيش
نزار:( بلا مبالاة كيستهزئ) اشهد يا تاريخ العمدة دشيكاغو كيطلب ويرغب فلمونستر
عبد المجيد: حينت عندي بنت بيتها تعيش ، الى خسرتها غانخسر حتى مراتي (تنهد بحزن) عائلتي هما كلشي عندي
توقفو دقات قلبو .. على اثر سماع اخر كلمه قال .. وبضيق تنفس هز عيونو فيه واختفات الابتسامه الساخرة من وجهو ،وهو كيسمع دقات قلبو المتسارعه المعلنه على ملحمه حرماان ويتم كبيير .. استنزف كيانو منو ورفع الراية البيضة امامو ..
نزار: انا موافق (هز صبعو بتحدير) وليني مدخلش فخدمتي ..(رجعو ملامح لجدية لوجهو) 12 لمليون دولار هدا ثمن اثعابي ..