THiS GiRL (Book 1, This Girl Series)

Master Of Trickery

Naghikab ako, medyo naboboryo na naman kasi ako. Kinuha ko ang notebook mula sa aking bag, gusto kong mag doodle habang nakikinig sa diskasyon ni sir upang hindi ako antukin.

Paghugot ko ng notebook mula sa bag may nalaglagan doon na kapiraso ng papel, dinampot ko yun at binuklat. May nakaipit pang tatlong talulot ng bulalak, at nakasulat na. "I REALLY LIKE YOU 🖤 TJ."

Pareho ang sulat kamay sa mga naunang I like you na nabasa ko; sa notebook ko at sa aking skateboard.

"Sa wakas may initial na talaga," pabulong na sabi ko. Agad akong napaisip.

May kilala akong JT pero wala akong kilalang TJ.

Matapos ang history subject namin. Umakyat ako agad sa taas upang puntahan si Totoy Bibo. Gusto kong itanong sa kanya kung siya ba ang nagsusulat ng I like you na ito. Naiinis na ako sa kanya. Ginagawa niya akong inutil at tanga.

Kung may gusto siya sa akin bakit kailangan pa idaan ako sa mga pagani ganito?

Hindi ka naman sigurado kung si Totoy Bibo nga ba ang nagsusulat niyan. Sabi ng isip ko.

"Itatanong ko lang naman," pabulong na sambit ko sa aking sarili. Pati sarili ko kinakausap ko na.

"Di ba yan yung babaeng nagbebenta ng balut sa fb?"

"Siya nga yun."

"Vendor pala siya ng balut, paano kaya siyang nakapasok sa school natin."

Bulungan pa ng ibang mga estudyante na nadadaanan ko. Hindi ko na sila pinansin pa. Hanggang hindi nila ako sinasaktan ng pisikalan wala akong pakialam sa mga sinasabi nila. Nakakapagod din kasi silang patulan. Dahil nakakaubos lang ng laway.

Umakyat ako sa floor nila Totoy Bibo. Laking gulat ko nung mamataan ko sa hallway si Luna. Mukha siyang tanga sa ginagawa niyang pag iikot ikot sa hallway.

"Ano bang ginawa mo dito sa labas Luna?" tanong ko nung makalapit ako sa kanya.

Nag angat siya ng tingin at napanguso. "Pinagduck walk at pinag pumping ako nung kupal na teacher namin sa Geography."

"Bakit?" takang tanong ko.

"Binato ko ng blackboard eraser si Brannie at yun ang eksenang naabutan niya. Ang ending ako ang may kasalanan," paliwanag niya. "Pikang pika na ako sa lalaking yun."

"Ano bang ginawa sa'yo?"

"Ipinagsigawan niya sa buong klase na tatay ko daw si Asiong Salonga at tiyuhin ko daw si Nardong Putik. King ina, mga gangster pa talaga ng Pilipinas ang napagtripan niya. Pinagtawanan at pinagtripan tuloy ako ng mga kaklase namin," mahabang kwento niya. Napailing na lang ako sa mga narinig ko.

Biglang may umingit at bumukas na pintuan ng isang classroom. Lumabas mula doon ang isang matangkad na lalaki, nakahawak sa strap ng backpack ang isang kamay at nakahawak naman ang isang kamay sa cellphone na nasa tainga niya habang nakayuko.

Si Totoy Bibo.
Panigurado nag away na naman siguro sila ni Afable kaya siya lumabas.

Nag angat siya ng tingin at nagtama ang mga mata namin. "Dinalaw kita sa hospital kanina at dinalhan kita ng bulalak dahil gusto kita makita kahit pa tulog ka." Nakatitig siya sa akin habang sinasabi yun sa kausap niya sa cellphone. "Besides, gusto ko din makipagbalikan sa'yo Maia." Pinagkadiinan pa ang salitang Maia habang hindi pa din inaalis ang malamig na tingin sa akin.

May bahagi sa kalooban ang bigla na lang nainis sa narinig kong yun. Tinapos niya din ang tawag, isinilid sa bulsa ng pants ang kanyang cellphone at nagtuloy siya sa paghakbang.