تنهد بلال بقوه منذ اسبوع كامل تم عقد قرانهما والجميله سقطت بعدها مريضه لايدري لما يشعر انها تحاول التهرب منه وهذا الشعور يصيبه بالجنون ،،،،عيونها دوما لامعه بالدموع تتهرب من نظراته وتتهرب من الحديث وتتعلل بالمرض ،،،، الطبيب اخبر انها بخير ،،،، هل ضغط عليها لهذا الحد
طرق الباب لتفتحه له الخادمه
#اهلا يابلال بيه اتفضل
#عمي موجود
الخادمه #لاء بس اسر بيه والست الكبيره موجودين اتفضل علي ماادلهم خبر
تحرك للداخل ليجلس بغرفه الاستقبال ليرفع عيناه للاعلي حيث تسكن هي ،،،، اسيل ،،، الفتاه الهادئه الصامته التي جذبت عيناه رغما عنه من اليوم الاول الذي وقعت عيناه عليها. ،،،،، تابعها دوما من خلف نافذته حتي راها تتحرك مع احدهم تتابط ذراعه وتنصرف شعر يومها بوخزه اصابه قلبه خصوصا ان اسر لايحمل شيء من ملامحها اسر بعيون رماديه وشعر كستنائي ،،،،وكان الله اراد ان ينير له الطريق ليري في اليوم التالي الفتي صاحب العيون الرماديه بالمدرجات ليعلم انه اخاها ،،،، وحدث اباها وانتظر ،،، فقط يتابعها من خلف نافذته وكانه الف رؤيتها شارده صامته وجاء الرد ،،،، من لقائهما الاول والحديث معها ايقن ان السمراء صاحبه عيون القهوه امتلكت قلبه ،،،، صرت صريع الهوي بلال ،،،، الجميله متردده شيء مايحجبها عنه ،،،، وهذا ما جعله يتحدث لاسر
#اسر اسيل كان في حياتها حد مش كده
التوتر والارتباك الذي ظهر علي وجهه كان كافي لان يعطيه اجابه لما يحيره شعر بوخزه بداخله
#انت اتكلمت معاها في الموضوع ده
#لاء يااسر متكلمتش بس اللي كنت شاكك فيه انت اكدته ،،،، طب ليه مرتبطوش
اسر بجديه #اسمع الحكايه مش كده ،،، الموضوع كله كان لعب عيال ،،، افتكرته هي حب بس الحكايه كلها كانت عيل طمعان في شويه فلوس وبس
قال بتردد #بس لسه بتحبه
#لاء يابلال الموضوع كله انها اتصدمت فيه ،،، التجربه كانت قاسيه وخلتها تخاف من كل حاجه ،،، بس المحنه دي غيرتنا كلنا مش اسيل وبس ،،، اسيل بدات تتعلق بيك فعلا ويمكن ده اللي مخوفها انك تعرف فتسيبها او تحبك فتجرحها
احترم محاولاتها في الحديث ،،،، ولكن الجميله لاتفهم ان الامر لايمثل فارق ،،،، من يملك الايخطيء ومن عينه الله في الارض لمحاسبه الناس علي اخطاء انتهت ،،،،، لايدري ماالذي اصابها تحديدا ،،،، لقد كانت بخير نعم مازال يلمح طيف الخوف بعيناها ولكنها كانت بخير خرجت معه في اليوم التالي بوجه مشع وسعاده يخالطها الخوف كان الامر يسير جيدا يتحدثون باريحيه للمره الاولي ،،،،
#لاء بس والدك طيب اوي غيرك خالص
قال بحنق #قصدك ايه يعني انا شرير
ضحكت بموسيقي رنانه ،،،، اسيل مثال حي للانوثه حتي بضحكتها الناعمه
#لاء مقصدش كده ،،، بس بباك علي طول بيهزر ويضحك بيفكرني ببابا زمان كان علي طول بيضحك
ودمه خفيفي كده
#يابنتي حافظي علي شعوري شويه يعني انا دمي يلطش ،،،
قالت ضاحكه #لاء مش كده بس انت جد اووي وملتزم ،، وعلي طول مكشر
#ياستي انا مش مكشر انا خلقتي كده ،،،، شوفتي بقي مش حذرتك انا الحج يوسف لعب بدماغك اهوه
كانت تضحك من مجرد حديث عابر لايعرف مااصابها فجأه لتبهت ملامحها وتدفن راسها بين كفيها
#مالك يااسيل في ايه
#انااااا عاوزه امشي
ابعد ذراعيها ليري وجهها
#ايه اللي حصل انتي كنتي كويسه
#عشان خاطري عاوزه اروح
لم يفهم ماذا اصابها طوال الطريق وهي شارده عيناها تمتليء دموع مختنقه
# مالك يااسيل حاسه بحاجه
#تعبانه اوووي
القلق والخوف عليها جعله شبه اعمي ليري الرعب المرتسم علي وجهها ،،،،، رعب لم يذكره الافيما بعد
#اوديكي لدكتور
#لاء روحني البيت
ونفذ اوصلها للبيت ليقابله مامون باستغراب
#انتو لحقتوا يابني
كاد ان يتحدث لولا سقوطها في الارض لحق راسها في اللحظه الاخيره قبل ان ترتطم بالارضيه الصلبه
الطبيب يقول انها تعرضت لضغط عصبي وهو حائر اي ضغط مارسه عليها ،،،، حيره وتشتت يراها فقط يوميا تلتزم فراشها ذابله كزهره حرمت من ندي الصباح
#ازيك يابلال عامل ايه وازي الحج يوسف
هب واقفا ليبتسم بفتور
# الحمد لله وحضرتك
جلست امامه وقالت #الحمد لله
#اسيل عامله ايه النهارده ،،،،
#احسن يابني ،،،، بلال هو في حاجه حصلت
قاطعها #عمو سألني والله ابدا احنا كنا بنضحك ومره واحده وشها اتغير وقلتلي روحني حاولت افهم مالها مقلتش
تنهدت بقوه #المشكله انها مش عاوزه تتكلم ،،،، انا مش عارفه ايه اللي حصل بالظبط
بلال بتردد # هو ممكن اتكلم معاها لوحدنا
#اكيد مش همنعك انت جوزها ،،، يمكن تتكلم معاك
#يعني ممكن اطلعلها
هزت راسها موافقه لتتحرك معه للاعلي لتعبره للداخل
#اسيل بلال عاوز يطمن عليكي
ظلت كما هي متمدده علي الفراش تغلق عيناها نظرت جومانه له باسف لتربت علي كتفه وتخرج تاملها للحظه ياالله كم تشبه الملائكه وهي هكذا تغمض عيناها لتظهر اهدابها الطويله وجهها باعت وشعرها يستكين خلفها ،،،، تنهد بقوه وتحرك ليجلس علي طرف الفراش امامها ربت علي شعرها
#علي فكره انا عارف انك صاحيه ومش عاوزه تفتحي عنيكي
رجفه جفونها اكدت حدثه لتبتل رموشها بالدموع انحني ليطبع قبله علي شفتيها الساكنه لتفتح عيناها متسعه
#شوفتي انا اعرف اخليكي تفتحي عنيكي ازاي ،،، بس اكيد مكنتش هعمل كده وهما واقفين
اشار الي الطعام الموضوع علي الطاوله ليقول
#برضه ماكلتيش يلا يااستاذه كفايه دلع بقي
رفعها لتعتدل ليضع وساده خلف ظهرها رفع الطعام وجلس امامه
# علي فكره انتي خسيتي جدا شكلي كده هغير رأيي
سقطت دموعها بصمت تنهد بقوه ليضع الطعام مكانه ويمسح دموعها
#وبعدين معاكي ايه اللي حصل عشان ده كله ،،، انا زعلتك في حاجه
هزت راسها ببطء
#طب اتكلمي قوليلي ايه اللي جواكي فهميني ايه اللي حصل عشان ده كله احنا كنا بنضحك ومرة واحده الدنيا اتقلبت
اغمضت عيناها للحظه ،،، لحظه واحده لتوقن ان الطريق الذي لم تسير به الاخطوات ضئيله ليس مقدر لها هذا ما وصل اليه تفكيرها فمجرد رؤية تامر فقط هدمت ماحاولت التماسك به علي انه حياه جديده لذا آثرت الهروب لم يظلم في هذا سواه ،،،، بلال القي مستقبله بيد خربه واهنه لاتستطيع الحفاظ عليه بلعت ريقها بصعوبه وهمست بصوت متحشرج
# بلال انا اسفه ،،،، مش هينفع نكمل مع بعض
قال بانفعال #ايه اللي بتقوليه ده هو احنا لسه بدأنا عشان ننتهي ،،، اسمعي بقي انا مش هسمحلك تهربي وتهدي حياتي اسف ياست اسيل ،،، انا مش لعبه في ايد جنابك تلعبي بيها ،،، انا مغصبتكيش انك توافقي
قاطعته #لاء مغصبتنيش ،،،، وعشان كده بقلك انا اسفه ،،،،،
قال بتحدي ممزوج بغضب يلمع بفحم عيناه
#وانا كمان اسف ،،، لومش واخده بالك انتي بقيتي مراتي مش هسيبك فاهمه ولالاء
سقطت دموعها وقالت باختناق
#هتسبني انا بعفيك من الحرج مش اكتر ،،،،،
لانت عيناه ليمسح دموعها
#لاء مش هسيبك افهمي بقي ،،، انا بحبك
قالت بانفعال دامع
#مانا كنت فاكره كده ،،،، صدقت بابا واسر وماما لما قلولي ان اللي فات مات ولازم تعيشي حياتك ،،،، صدقت اني لما ابعد واتوب ربنا هيغفرلي ويفتحلي باب جديد ،،،،، صدقت عمو فهد لما قالي الدنيا مش بتقف علي غلطه بس لازم نتعلم من اخطأنا ،،، والله اتعلمت وتوبت وافتكرت انت الباب اللي هعدي منه واعيش حياه جديده ،،،، بس مفيش حاجه بتتغير ،،،، عشان مجرد ماشوفته صدفه كل حاجه اتعادت قدامي ،،،،بابا وهو بيضربني بغل لدرجه ايديا الاتنين اتكسروا وانا بحاول بس احوش عن نفسي شوفت ماما وهي بتقع بجلطه وتتشل وشوفت اسر وهو بيخنقني بالمخده لما كنت هموت واللي خلصني منه احمد وادم ، شوفت نفسي وانا لوحدي ببص علي الباب مستنيه الموت كل لحظه ،،،، شوفت قهرتي وعمو فهد بيديني الفون وبيوريني الرسايل ،،،،، شوفت حياتي اللي حلمت بيها بتتهد قدام عيني وانا بيتساوم عليا يااتفضح يابابا يدفع ،،،،، شوفتك انت كمان وانت بتسيبني وتمشي وتقولي ميشرفنيش تبقي مراتي
عارفه اني غلطت لما وفقت وانك ملكش ذنب ،،، بس غصب عني اتعلقت بيك زي الغريق اللي بيتعلق بقشايه ويفتكر ان فيها نجاته ،،،، بس اتضح انه لاء ،، انا حبيت الصورة اللي انت حبيتها ،،،، ديما كنت بخاف علي الصورة دي تتشوه وتتهز جواك عشان كده كنت بهرب بقرار الارتباط
زفر بقوه # خلصتي كلامك ،،، قلتلك الماضي ميفرقش معايا
#صدقني هيفرق لما تعرف ان انا روحت مع واحد عند المحامي ومضيت علي ورقه عرفي ،،،، هتفرق لما تعرف اني كنت مغفله اني صدقت ان الورقه دي بس عشان خايف اروح من ايده ،،،،، وانه بيعمل كده بس عشان بابا مش هيوافق عشان ظروفه الماديه ،،،،
هتفرق لما تعرف انه بعت صورنا مع بعض علي فون ادم عشان مردتش ااقابله
قال بترقب #ليه ادم
#عشان كلم بابا وكان عاوز يخطبني ،،،، وبابا اجبرني عشان ميخسرش اخوه ،،،، كنت متاكده انك يوم ماهتعرف هتبعد زي ادم ،،،بس ادم مكنش يفرق معايا انا ،،، عشان عمري ماشوفته غير اخ ،،،، بس مقدرش انسي نظرة الاحتقار اللي كان بيبصلي بيها ،،، النظره اللي مش هستحمل اشوفها في عنيك يابلال
زفر بقوه ليحتضن وجهها
# العلاقه كانت زي اي اتنين متجوزين
هزت راسها نفيا
#كان عندك كام سنه لما كتبتي الورقه دي
# ستاشر
ردد بحنق #ستاشر طيب سؤال اخير عشان نقفل الموضوع الرزل ده ،،،، لسه في جواكي اي مشاعر نحيته
#كنت خايفه لتعرف بس خلاص
#انتي صح بس خلاص انا عرفت والموضوع خلص ،،،،
خفضت بصرها لتنظر علي يدها تتلمس خاتمه بيمناها ثم تنزعه ليمسك يدها ويحررها يرفع كفها
#انا اللي لبستهولك وانا بس اللي اشيله عشان انقله في الايد التانيه ودا قريب جدا بس الهانم تفوقلي كده مفهوم ،،،،
رفعت عيناها اليه وقالت باختناق
#يعني ااا انت مش هتسيبني
#شوفي بقي من اول مرة قعدنا فيها مع بعض وانا عارف ان في حاجه واقفه بيني وبينك ،،،ديما خايفه ديما متوتره حتي واحنا بنتكلم فون ،،،،عشان كده سالت اسر ،،،، وهو قالي يمكن مش بالتفصيل زي ماانتي اتكلمتي بس كان عندي خلفيه ،،،،
قالت بتردد #بس الطبيعي انك تبعد
هز راسه نفيا
# يبقي متعرفيش يعني ايه حب ،،،، الحب يعني مشوفش الاواحده وبس ،،، تتجمع في عنيها كل بنات الارض ،،،، يعني ااقبلها بكل تفاصيلها هدؤها عصبيتها عقلها جنونها مميزتها واخطائها ااقبلها زي ماحبتها عشان هي دي اللي ربنا حفظ قلبي عشان يحبها وبس
تنهد بقوه #انا عمري ماحبيت يااسيل ،،،، ولابنت الجيران ولازميلتي في الكليه من وانا صغير طول عمري بدعي دعوه واحده بس ان لما يرزقني واحب محبش الااللي هتبقي حلالي
سقطت دموعها #عشان كده احنا مختلفين
اغمض عيناه لتسمع صكيك اسنانه لحظه وفتحها لتشعر برعب حقيقي من فحم عيناه المشتعل اسند ذراعاه علي مسند الفراش لتصبح محتجزه بينهما وقرب وجهه منها ليقول بجديه مخيفه
#كلمه واحده هتتفتح في الموضوع ده تاني هتشوفي من بلال وش محبكيش تشوفيه فاهمه
قالت بخوف #ححححاضر
هل للعاشق اختيار ،،،، بالتاكيد لا،،، هو فقط يقتحم الابواب ،،،، يقتحمها ليثبت وجوده ويعلن ميلاد عشق جديد ينضم لمملكه العشاق
قبله حميميه مجنونه رساله مبطنه مضمونها انتي لي وفقط ،،،، اقتحام غاضب ممزوج بالعشق ،،،،لتوقن امر واحد فقط ان العشق لديها يعني هو وحسب
ابتعد مكره ليقينه انها علي وشك الاختناق ليريح جبهته علي جبهتها وتفتح الجميله عيناها ليتلاقي بنهر قهوتها الشهي ،،، وتهمس
#انا بحبك اوي يابلال
اللعنه انه بالكاد يلتقط انفاسه زفر بقوه
#اوووف ،،،، انا مش هصبر علي الهبل ده
#يعني ايه
ابعد خصلاتها لخلف اذنها
#يعني فستان ابيض وبدله سودا والف مبروك واحبسك في البيت لحد مااشبع منك ،،، ومفتكرش ده هيحصل بسهوله
❤❤❤❤اللهم العفه لشبابنا ❤❤❤❤❤❤
