اسرع ادم واحمد الي الطبيب الذي خرج لتوه من الغرفه التي احتجزت بها اسيل ادم بقلق
#طمني يادكتور
الطبيب #في كسر في درعاها وشرخ في ايدها التانيه جبسنا الاتنين وفي كمان كتمات في جسمها كله دا غير حاله الانهيار اللي عندها انا حاليا ادتلها منوم ومش هتفوق منه الاالصبح
احمد #شكرا يادكتور تعبناك معانا .
تابع احمد الطبيب ينصرف ليربت علي كتف ادم
#ادم الحمد لله انها اجت علي قد كده
ادم بالم #اجت علي قد ايه الحكايه لسه في اولها يااحمد انت مسمعتش كلام عمك الولد بيقول متجوزها عرفي عارف معني كده ايه
وقف احمد امامه وقال بجديه
#معناه انك تشيل اسيل من دماغك خالص وكل اللي تفتكره دلوقتي عمك اللي لو طنط جومانه راحت هيروح وراها عمك محتاجلنا جمبه فوق ياادم فوق
ادم باختناق #حاسس اني مدبوح يااحمد
غصب عني مش قادر حتي ابص في وشه
احمد #ادم عمك ملوش ذنب متحملوش حاجه
ادم بحده #لاء ذنبه ،،، ذنبه انه معرفش يربي بنته محطهاش علي الطريق الصح ،،، وياعالم ما ممكن تكون حامل منه
احمد #لاء ياادم هي حلفت
قاطعه بمراره #قالوا للحرامي احلف ايه لسه هنصدقها
احمد #ادم عشان خاطري ابوك علي الاقل محتاجلنا جنبه ولاهنسيبه لوحده
ادم #روحله انت يااحمد انا مش قادر
#لاء مش هسيبك تمشي وانتي في الحاله دي
ضرب ادم قبضته بصدره وقال بقهر
#مش همشي قلبي الزفت مش مطاوعني اسيبها وامشي
ربت احمد علي كتفه #ادم عشان خاطري اهدي
#دبحتني يااحمد ،،، عارف كنت عارف انها محبتنيش وبدي لنفسي امل بكره تحبني انا غلطان امك ونور عندهم حق انا اخترت غلط ،،،، انا مدبوح يااحمد ،،، هي ازاي قدرت تعمل كده ،،،، ازاي داانا مقدرش اعملها ،،،،دانا كنت بخاف اقولها مشاعري واقول لما تبقي في الحلال عشان ربنا يباركلي فيها ليه اللي قلبي حبها تطلع كده ماشيه علي حل شعرها ومليانه طين وقرف ليه يااحمد قلي ليه .
ضمه احمد اليه ليعانقه ادم بقوه
# اوعي تحب يااحمد مفيش حاجه اسمها حب ،،،، اوعي تحب عشان متدبحش زيي ،،،،
#اششش اهدي عشان خاطري ابوك هيتهبل عليك عمال يرن عليا
اعتدل ادم ليمسح وجهه وقال
#روحله يااحمد وطمنه قله ابنك لسه عايش مجرلوش حاجه ازمه وتعدي
ربت احمد علي كتفه ليتوجه ناحيه اباه وعمه واسر جميعهم امام العنايه الفائقه بالدور العلوي تعلقت عيون فهد به ليسرع تجاهه
#اخوك عامل ايه
#منهار يابابا ،،، واسيل اتجبست وعندها انهيار الدكتور ادلها منوم للصبح
زفر فهد بقوه ليهمهم #ربنا يستر ويجعل المخبي لطيف
احمد #الدكتور اللي مع طنط مطلعش
هز فهد راسه نفيا احمد وهو يطالع مامون الذي يرفع وجهه للاعلي ويغمض عيناه
#انا مش عارف اقول ايه لعمو
ربت فهد علي كتفه #عمك مامون مش في الدنيا خالص من ساعه ماجومانه وقعت في ايدينا وهو علي الحال ده مش عاوز ينطق روح بس حاول تخفف شويه عن اسر او خده معاك وروح عند ادم
#لاء بلاش ادم مش في وعيه وبيقول كلام صعب
تحرك احمد ليجلس بجوار اسر ربت علي ساقه
#ازمه وهتعدي يااسر شد حيلك
اسر باختناق #ماما بتموت وبابا هيروح وراها والسبب الفاجره اللي قطمت ظهرنا كلنا
احمد #وبعدين يااسر ابوك مش ناقص
اسر #ابويا ربنا يستر عليه وعلي امي هيروحوا وهي السبب بص علي منظره وانت تعرف ابويا روحه بتطلع
نظر احمد ناحيه مامون اسر محق مامون بعالم اخر
#اتقي ربنا يامامون عشان اللي بتعمله ميتردش في بنتك
#ومين قالك اني هخلف بنات من اصله يافهد ياحبيبي الحريم دول بيجروا في عروقي مجري الدم
حوار قديم دار امام عيناه حوار دار منذ اكثر من عشرون عاما وقتها كان مازال الفتي العابث الذي لايراعي اي شيء يجري فقط وراء الجميلات لينالهن
.ولكنه تغير ،،، منذ ابصر حبها وهو تغير ،،، انت السبب مامون انانيتك السبب نزواتك الحقيره السبب كما تدين تدان مامون انت لم تتب فقط تركت لاجلها ،،،، كل شيء يدور امام عيناه حياته كلها بدا بمجونه السابق سعيه وراء الجميلات ثم زواجه منها جومانته الغاليه مر كل شيء امام عيناه وكانه شريط سينمائي ،،، في الماضي استطاع ان يحجم خطا اسر ويعيده للطريق ترك المنكر لاجله ايضا ،،،، لم تتب مامون ،،، تترك كل شيء من اجل بشري ولم تعود الي الله،،،، علي ماذا حاسبت ابنتك علي خطئها ووقوعها في براثن اخر يشبه ماكنت عليه ،،،، لقد كنت هكذا تتلاعب بقلوب الفتيات ،،، ظننت ان بالكف الماضي يمسح وافقت علي ضربه موجوعه ربته علي كتفه جعلته يفتح عيناه ليطالع غيون فهد
#فوق يامامون
همس باختناق #انت صح يافهد كما تدين تدان ،،، انا اللي مسمعتش كلامك خته تريقه وتهريج وادي النتيجه ،،، اتقطم ظهري يافهد بعدت عن كل حاجه عشانهم بس متبتش ،،، يارتني مت قبل مااشوف اليوم ده ،،، اااه بنتي ضربتني في ظهري يافهد خلت واحد كلب ميسواش يقولي مراتي كنت سيبني موتها وخلصت
فهد #مش دا الحل يامامون ،،، البنت مضحوك علي عقلها عيله صغيره
مامون #بتبرر ايه ،،، قول لادم يسامحني قله عمك بيقولك هو معرفش يربي بنته
سقطت دموع مامون ليربت فهد علي كتفه
#قول يارب مفيش مشكله ملهاش حل والواد ده انا اللي هربيه متشلش هم
مامون بقهر#مشلش هم ،،، مشلش هم عرضي اللي بنتي خلت كلب يدوس عليه بالجزمه ،،، عارف لما بعتلي الصور وصوره الورقه العرفي مصدقتش كنت عاوزها تقول لاء محصلش بس تقول لاء ،،، دي وقفت في وشي تقولي بحبه يافهد ،،، طب لما هي بتحبه ماجاش خطبها ليه ،،، تروح تجوزه من ورايا ليه ،،، داانا عمري مارفضتلها طلب
#اهدي بس نطمن علي جومانه وكل حاجه هتتحل
#تتحل زي ماحليت موضوع ماسه زمان مش كده هجوز بنتي عشان اتستر عليها ،،، عشان متفضحش يافهد مش كده ،،، جومانه بتموت يافهد انا حاسس بيها ،،، انا اللي بعدتها عن البيت ،،، انا اللي رجعتها الشغل ،،، مهو مامون مبيشوفش الانفسه وبس
فهد #اللي بتعمله ده ولاليه لزمه احنا في الحاضر يامامون
#الحاضر نتيجه الماضي يافهد ،،،، انا خلاص مش عاوز حاجه ومش عاوز عيال ،،،، انا مش عاوز حد في الدنيا انا عاوز اشوفها وبس
انتبه الاثنان علي صوت اسر الملهوف وهو يتحدث للطبيب
#ماما عندها ايه يادكتور
الطبيب #للاسف جلطه في المخ بنحاول نسيطر عليها وربنا يعديها علي خير ادعولها
اسر بانهيار #جلطه
احمد #ان شاء الله تعدي
التف الاثنان علي صوت مامون العالي
# جوماااانه اااااه
فهد بخوف #احمد انده اي دكتور بسرعه عمك اغمي عليه ،،،، مامون فوق يااخويا
❤❤❤❤ اللهم احفظ بناتنا يارب ❤❤❤❤
