تلملم ملابسها في الحقيبه استعدادا للذهاب للجامعه لقد بدا عاماها ستخطو اول خطواتها ناحيه الحلم الذي راودها منذ الطفوله تنهدت بحزن كانا حلمان يسيران علي خط واحد وصلت لاحدهم والاخر تعثر ،،،، دمعت عيناها وهي تغلق الحقيبه لتجلس علي طرف الفراش تدفن راسها بين ذراعيها شهران انقضوا والمسافه التي اقتربتها من ناصر تتباعد وكان اصبح بينهما جدار غير مرئي ،،،، انتي عنيده نور ،،، عنيده ومخطئه ،،،، تنهدت بقوه ناصر كف عن الاتصال ولم تراه منذ يوم خطوبه احمد منذ اعلن للمرة الثانيه عن العشق ، ،، لما لايفهم انها تحبه وتحب حلمها كذلك. ،،،، فكرت لالاف المرات ان تتخطي تلك الفجوه بينهما ولكنها تتراجع في اللحظه الاخيره تتراجع حتي لايظنها ضعفت ويضغط عليها ،،،، مازال الوقت مبكرا ومع هذا لم تتمكن من النوم ،،، تنهدت بقوه لترتدي غطاء رأسها وتحمل حقيبتها وتنزل للاسفل تفاجأت بوجوده بالاسفل لن تنكر ان قلبها رقص
#ناصر
#ايه يااستاذه هتروحي الكليه من غير ماشوفك كمان
تركت الحقيبه لتتحرك نحوه
#انت هنا من امتي
#صليت الفجر واجيت وعايده كتر خيرها عملتلي قهوه
فركت كفيها #انا عارفه انك زعلان
#لسه فاكره ،،، ولسه زعلان علي فكره
ازدادت حركه فرك يديها لتنظر بالاسفل وتقول باختناق
# طيب ايه اللي جابك طالما لسه زعلان
قال بعتاب # عاوزاني امشي
قالت بسرعه #مقصدش انت ليه غبي كده
وكز راسها #انا غبي ولاانتي اللي بتلققي ظلط
بلعت ريقها بصعوبه #لاء انا اللي بلقق ظلط وزفت كمان ،،، انا ااامكنتش ااقصد ازعلك
#انتي مهنش عليكي حتي تسمعي
هزت كتفيها #خفت تضغط عليا ،،، ناصر دا حلمي من وانا صغيره
عقد ذراعيه #يعني تفتكري هخليكي تعملي حاجه منتيش مقتنعه بيها
قالت بسرعه #عشان انت عارف من الاول
تنهد #الاول مكنش ينفع اكلمك يانور ،،،، بس كنت فاكر ان بقالي مكانه في قلبك بس واضح اني فشلت ،،،، انتي اسهل حاجه عندك تبيعي يانور ،،،، ببساطه ومع اول مناقشه بينا قلتيلي مش عاجبك احنا لسه علي البر ،،،
قالت باختناق #انا مكنتش ااقصد كده ،،، انا بس مكنتش عاوزاك تحطني في اختيار ياناصر
هز راسه نفيا #مكنتش هعملها عشان انا عارف قيمتي عندك كويس ،،،، عارف ومتاكد اني لوحطيت نفسي قدام حلمك هتختاريه وتبيعيني ،،،، بس كنت بحاول اقنعك مش اكتر ،،، قلت يمكن تشوفي الحكايه زي مانا شيفها ،،،،، انتي حتي مدتنيش فرصه انطق ،،، انتي رايحه الكليه والحكايه كلها بقت هبد في حاجه ملهاش لازمه ربنا يوفقك
قالت بحشرجه #يعني ،،، هتسيبني مش كده
زفر بقوه وقال بحزن #لو بايدي كنت عملتها بس زي ماانت قلتي انا عارف من الاول ،،، بس عرفت قمتي عندك كويس ،،،،
#بس انت ااااغالي عندي ياناصر
اقترب خطوه ليرفع وجهها المطرق ليفاجيء بدموعها التي تغرق وجهها لتتقابل العيون
#انا اسفه ،،،مكنتش اقصد كده والله
قال بانفعال # دموعك غاليه اوووي يانور ،،، اوعي تفتكري ان انا ممكن اقف في وش طموحك بالعكس انا عارف نور ايه كويس اوي ،،،، اه كنت بكلمك كنت هحاول تفهمي بس ان انا عاوزك معايا ،،، مش هستحمل تبقي بعيده عني الفتره دي كلها ،،، نتكلم نتناقش نقنع بعض ،،مش كل واحد يقفل علي نفسه الباب ورأيي انا اللي صح وبس ،،، انتي بقي عملتي ايه قلتلي متتكلمش متنطقش انا كده وانت عارف ،،،،
قالت باختناق #ناصر دا حلم حياتي من وانا صغيره ابقي ظابط زي بابا. ،،، زي ماكان حلمي كمان انك تبقي من نصيبي ،،، هما الحلمين اللي حلمت بيهم في حياتي مش عاوزه اتنازل عن واحد فيهم عشان التاني
اغمض عيناه للحظات ليفتحها ويهمس بانفعال
#اهم الكلمتين دول يطمنوا قلبي ،،، نور انا عارف وواثق انت بالنسبالي ايه بس كمان معرفش انا عند نور ايه ،،،، دماغي مش هتبطل تفكير وانتي بعيد ،،، حد يعجبها ،،، تحب حد غيري ،،، ترجع متغيره ،،،، ميت مليون وسواس بيلعبوا في دماغي ،،،، مجرد كلمه منك تطمني ،،،، انتي حتي استكترتيها عليا
#مستكترتهاش ،،، بس حرام ياناصر
قرب وجهه منها #حرمت عليكي عشتك ياشيخه ،،، انتي ايه يابت انتي ،،،، مفيش كلمتين حلوين علي بعض يصبروني
حركت رموشها بسرعه
#يعني معنتش زعلان وهتكلمني كل يوم صح
قال بتاكيد #بس يكون في علمك اول اجازه كتب الكتاب ياحلوه
#ماشي ،،، بس انت جيت عشان تصالحني صح
صك علي اسنانه #تصدقي انا غلطان اني عبرت جزمه زيك
ابتسمت #متقدرش يانصوري داانا الحته اللي في الشمال
حدق بوجهها # نصوري وحته شمال ،،، في ايه يابت
#اصل رخمتك وحشتني اوووي
ضرب جبهته بيده ليهمس #صبرني يارب ،،،بقولك ايه يانونو ،،، ممكن ابوثك بوثه صغننه وهستغفر ربنا والله
تخصرت وقالت بحنق
#طب ابقي اعملها ياناصر وشوف ايه اللي هيجرالك
#انت مالك قلبتي علي برعي ليه مكنت نصوري من شويه
قالت بغيض # ادلعك اه تقل ادبك اغزك علي طول
ناصر ضاحكا #ماشاء الله تغزيني عشان بوثه يانور
#الله الله وايه كمان
بلع ناصر ريقه بصعوبه ليرفع عيناه لفهد الواقف امامه
#عمو متفهمنيش غلط
اقترب من ناصر ليقول بغيض
# مهو اللي بتقوله ده ميتفهمش الاغلط وبعدين انت ايه اللي جيبك الساعدي
ناصر #مهوووو عشان اوصلها الكليه داانا هقعد شهر مشوفهاش ياعمو
عقد فهد ذراعيه وقال بجديه
#فكتوا الحصار خلاص
نظر ناصر لنور ليوكز فهد راسيهما
#ليه عنين بتشوف ،،، بلغ نديم ان كتب الكتاب اول مايوصل ادم.
ناصر بسعاده #ربنا يخليك ياعمو
مال فهد علي اذنه #ولم نفسك بدل مموتك
ناصر #قسما بالله كنت بهزر
نظر فهد لنور التي تفرك يديها
فهد #سكته يعني
نور بارتباك #والله كنت هغزه ،،،
فهد باسما #انا بتكلم علي كتب الكتاب عندك اعتراض
نظرت بالارض#اللي تشوفه يابابا
ناصر #عمو هو انا مينفعش اخد الوش ده بس
هز فهد يده ،رفضا #هي شروه علي بعضها معنديش تنقيه انا
❤❤❤❤❤❤❤❤❤❤❤❤❤❤
