في سياره احمد
منذ انطلق بالسياره وهو واجم لسبب لاتعرفه
#احمد هو في حاجه ضيقتك
اوقف السياره بجانب الطريق ليلتف اليها
#انا مش قلتلك قبل كده بلاش الضحكه دي
تقي بارتباك لعصبيته
#غصب عني اصل عمري ماتخيلت عمي فهد كده
زفر بقوه #ياتقي ضحكتك بتجنني ،،،دا اول حاجه شدتني ليكي اصلا
حدقت بوجهه بصدمه ليهمس
#كانت نور بتجري وراكي وانتي بتضحكي و بتستخبي منها ،،، ضحكتك سرقت قلبي وخلت عنيا غصب عني تبصلك ،،، ترسم جوايا صورتك ،،وتفضل ضحكتك الحلوة شغله بالي ،،، مش عارف انساها ومش عاوزه تطلع من دماغي ،،، ضحكه وصورة لبنوته شقيه مجنونه ،،، اتزرعت جوايا لدرجه اني معرفتش انام ،،، الضحكه دي بتعتي انا وبس اللي اسمعها بحبك اوووي ياتقي
همست بخجل رائع
#وانا كمان بحبك اوووي
#عارفه حاسس ان قلبي طاير نفسي بقي الكام شهر دول يعدوا ونخلص عشان تبقي معايا
شرد تفكيرها للحظه احمد يريد اتمام الزواج سريعا وظروف ابيها لن تحتمل هذا وتذكرت الحديث الذي وصل لاذنها بالامس بين ابيها وزوجته
زينب # يامحمود هي مش هتتجوز بكره دا لسه كتب كتاب
محمود# يعني هكتب كتبها واخليها عندي عشان مش عارف اجهزها
زينب #يعني هما محتاجين يعني
محمود #دي بنتي ايه هشحت عليها
ربته علي خدها اخرجتها من شرودها لتنظر بعيون احمد
#في ايه سرحتي وعنيكي دمعت مرة واحده
حاولت رسم ابتسامه علي شفتيها ولكنها عجزت
#مفيش
احمد بحزم #تقي ،،، اياكي تخبي عليه حاجه
قالت باختناق #والله مفيش حاجه بس كنت بفكر في موضوع الجواز مش اكتر يعني ،،، ممكن نأجل سنه عشان يعني ااا
قطب بين عيناه وقال
#ايه لسه متعرفنيش مثلا ،،، انت قلتي بتحبيني
فركت كفيها وابعدت وجهها عنه صمتها فسره هو بطريقه اخري احمد اخذ الامر برمته علي كرامته لانه تحرك بالسياره منطلق ليهمهم بضيق
#برحتك ياتقي
،،،،،،،،،،،،،،،،،،،،،،،،،،،،،،،،،،،،،
منذ انطلق بالسياره وهو يقبض علي يدها يمسك بها المقود
نور بحنق #يابني انت مسكني كده ليه ههرب انا
حانت منه التفاته ليركز بصره علي الطريق
#حقي ومفرتش فيه ابداااااا مش كفايه ابوكي يقولي ساعه وترجعها
نور باسمه #اراك معترضتش
ناصر باسما #محصلش انا شجبت ونددت ،،،
نور بغيض #طب سيب ايدي
ناصر #والله انا الود ودي اخدك كلك في حضني مش ايدك بس
هتفت #انت قليل الادب ياناصر
انفجر ضاحكا #انا هوريكي قله الادب علي اصولها وهبطلك طوله لسانك دي
بلعت ريقها بصعوبه لتقول لتنظر حولها
#انت موديني فين
اوقف السياره بجوار بنايه ليقترب من وجهها
#هخطفك عندك اعتراض يلا انزلي
قال جملته وترجل من السياره ،،، للمره الاولي تشعر بالخوف من ناصر ،،،، فتح لها الباب وقال
#يلا بقي
بلعت ريقها بصعوبه وحاولت التماسك ولكن صوتها خرج مهزوز
#اااحنا فين هنا ،،، مش شايفه اي مطاعم يعني
امسك يدها ليجذبها قليلا فنزلت من السياره بدا يتحرك ناحيه بنايه عبر البوابه لتتسمر ساقيها في الارض
#انت جيبني فين بالظبط
لم يلتفت لها ليجرها بقوه تقريبا
#يالا دا هي كلها ساعه
دفعها برفق داخل المصعد ليركب معها ،،، لحظات ووصل المصعد ليعاود الكره ويدفعها وقف امام احدي الابواب واخرج مفاتيحه ليفتح الباب قالت بخوف
#انت اتهبلت ،،، جيبني شقه ياناصر
حدقها للحظه ليهمس
#وطي صوتك هتلمي علينا الجيران يامتخلفه انتي مراتي
عقدت ذراعيها وقالت
# انا مش داخله انت فاهم ولالاء
زفر بقوه ليدفعها #عدي ادامي نتخانق جوه الناس هتتلم علينا
اغلق الباب ليفتح الاضاءه هي ليست بحاله تسمح حتي بالنظر حولها ،،،، فقط قلبها يخفق برعب مسببا ارتعاشها القوي لتدمع عيناها انتبهت لانه يقف امامها يرفع ذقنها لينظر بعيناها للحظه ويقول بذهول
#انتي خايفه مني يانور
ابعدت يده بحده وقالت بعصبيه
# هخاف منك ليك مقدرش اكسر دماغك مثلا
تقريبا هي كانت تسمع تلك الجمله لنفسها لتحاول ان تهدا امسك ذراعيها وقال
#لاء طبعا ،،، ايه شيفاني هفأ هتكسري دماغي يااوزعه
ولاعشان دخلتي شرطه هتفردي قلوعك عليا لاء ياماما فوقي دااحنا رجاله اووووي
ارتعش ذقنها وامتلئت عيناها بالدموع ليقول بانفعال
#انتي خايفه بجد يانور
قالت باختناق #يعني جيبني في حته مقطوعه وفي شقه معرفهاش عاوزني اطمن ازاي يعني
حدقها بصدمه #يخربيتك حته مقطوعه وشقه معرفهاش في ايه يابت هو انا خاطفك انتي مراتي
#مع ايقاف التنفيذ لحد مااخلص كليتي
لحظه واحده وكأنه يستوعب كلماتها لتتسع عيناه ثم ينفجر ضاحكا
#انت بتضحك علي ايه
ضرب كفيه ببعضهما
#علي نيتك السو ودماغك القذره ياحبيبتي
حركت رموشها بتوتر
# وهي تصرفاتك ماشاء الله شمعه منورة
انحني حتي صار في مواجهتها ليقول بحزم
#انا بتصرف مع حبيبتي بطبيعتي عشان متاكد انها عرفاني كويس اوووي ،،، وعارفه انا اد ايه بحبها وبخاف من ربنا وعارف حدودي فين ،،، بس واضح اني كنت غلطان
قالت بترقب #طب انت جيبني هنا ليه
عقد ذراعيه وقال
#عشان حلفت محدش هيشوفها قبلك انا اشترتها من اسبوع والمفترض ان دا هيبقي بيتنا كنت عاوز اعرف رأي جنابك
قالت بارتباك
#طب ماكان ممكن تقول كده من الاول ،،،
زفر بقوه ليقول بجديه
#اسمعي يانور انا فاهم كويس اوي دماغك راحت لفين ،،،، ان انا اجبر عمي يعملها دخله ،،، مش انا يانور اللي اخد حقي باللوي الدراع وبالطريقه دي ،،، واتفضلي عشان اروحك
قال جملته وتحرك ناحيه الباب لتهتف
#قموصه
التف نحوها #مين دا اللي قموصه
عقدت ذراعيها وقالت بمشاكسه
#انت ،،، علي فكره بيبقي شكلك وحش لما بتتقمص
وتكشر
هز راسه ليقترب رفعت راسها اليه تلقائيا
# ياسلام يعني تحرقي دمي وبعدين تهزري مش كده
فركت يديها وقالت
#مهو ياناصر انت اللي عمال تقول هخدها واروح هخطفك
رفع ذقنها لينظر بعيناها
#وايه يعني مش مراتي انتي ولاانا كاتب الكتاب عشان احفظ اسمك في القسيمه ،،،
#مهووو انا اااا معرفش اااقصد
قاطعها #شوفي بقي انا كتبت عشان لما ابصلك ولااكلمك ولااقرب منك مخدش ذنب ،،، عشان المشاعر الحلوه اللي جوايا مأنبش نفسي عليها ،،،، انتي اه بقيتي حلالي بس لسه انتي عايشه في بيت ابوكي الراجل اللي حطيت ايدي في ايده وقلتله جوزني بنتك ،،،
#ماخلاص بقي ،،، فهمت
اقترب خطوه لتتلاشي المسافه انحني حتي صار في مواجهتها
#ايوه فهمتي ايه بقي
هزت كتفيها #انك هتبقي مؤدب وتلم نفسك
وكز راسها برفق ليهمس
#لاء يعني هقرب بس بحدود ،،،، تعرفي ان شعرك بقي اجمل بكتير
حدقت بوجهه لتحاول الربط بين الجملتان لتغرق بشعاع يلمع بغيوم عيناه تلمس حدود وجهها
#عارفه انا حافظ ملامح وشك اكتر مانا حافظ وشي في المرايا ،،، سعات بحسك بتجري في عروقي زي الدم ،،،
همست بانفعال #انا كمان بحبك اوي ياناصر ،،، من يوم ماجبتلي العروسه وقلتلي اميرتي متعيطش
حدق بوجهها #داانتي كنتي بتضربيني مع ادم
هزت كتفيها #بس قعدت طول الليل اعيط ،،،
احتضن وجهها ليهمس
#انا بقي بحبك من قبل كده ،،، من وانتي لسه صغيره خالص ،،،، كنت بتجنن لما ادم يقلك لعبتي ويشيلك ،،، ،،، مش من حق حد يقرب منها ،،، النور بتاعي انا وبس
كنت طاير من الفرح خلاص هقول كل اللي جوايا
من حقي اخدها في حضني من حقي اقرب
#كنت
قرب وجهه منها #ماانتي نكدتي عليا
#خلاص بقي مش هتفرجني علي الشقه
عقد ذراعيه وقال
#اهي اودامك اتفرجي عليها خلينا نمشي
زمجرت بطفوليه لتضرب قدمها بالارض
#طب مش هتفرج ومش عاوزه منك حاجه هه
تأملها للحظه لينفجر ضاحكا ،،،
#مش كفايه متحمل انك اوزعه ومش بينه من الارض كمان طفله
اقتربت ليتجمد هو حرفيا رفعت يديها لتداعب ياقته بنعومه وتهمس
#مين ياحبيبي اللي اوزعه وطفله
بلع ريقه بصعوبه ليهمس بما وجده من صوته
#ااانتي قلتي ايه
جذبته قليلا لينحني تلقائيا اللعنه انه مثل احد العاب الاطفال في يدها يقترب من جنه تتفتح وعبيرها ينتشر ليغمره بموجه ،،، عيناه فقط تعلقت بشفتيها الكرزيه يريد فقط تزوقها ،،،، شعر بلفح انفاسها الساخنه ليتلقي ركله ببطنه من ركبتها ينحني علي اثرها متاوها لقد خدعتك ناصر لتقفز بانتصار
#قال اوزعه قال ،،، جبتك سوبيلكس محترم اهوه ياابو طويله
فرك بطنه ليعتدل واقفا قال بغيض
#والله مانا عاتقك يانور
تحرك نحوها لترفع ثوبها وتسارع بالهرب ضاحكه
#انتي يازفته بطلي جري البيت مليان كراكيب هتقعي
التفتت نحوه لتخرج لسانها
#اممم خاف علي نفسك انت لتتبعزق
قال بغيض وهو يلاحقها
#طيب يانور اطولك بس
تخطي الاثاث القديم واوشك ان يقبض علي المشاكسه الضاحكه ولكن علق ذراعه باحد قطع الاثاث القديم حاول تخليصها ولكن تمزقت سترته وجرحت يده قال بغيض
#عجبك كده يازفته الجاكيت اتقطع ودراعي اتعور
خلع الستره لتقترب هي
#طب وريني دراعك
اقتربت بقلق ليسجنها بذراعيه
#قفشتك ياحلوه
#ناصر دراعك بيجيب دم
رفعها من خصرها ليضمها اليه
#دا خدش بسيط ،،، كده بهدلتيني
#مش انت اللي بتقول عليا اوزعه ،،، ااانزلني بقي
#هاهاها دا بعينك هتفضلي في حضني كده
قالت بارتباك #ناااصر بس بقي ،، انت قلت هتبقي مؤدب
قرب وجهه منها ،#غلط انا قلت هقرب بحدود
