للمره الكم يتصل بتلك الحمقاء ساعتان وهو ينتظرها بتلك الشمس المحرقه تري مااخرها هكذا هل رفضته ،،،ام ماذا ،،، الانتظار وتصور الاسوء ،،، اللعنه احمد ماذا حدث لك ،،،، افقدتك التقي عقلك ،،، الامر ليس هكذا ،،، الامر ،،، كن صادق احمد لقد انتزعت تلك التقي احد نبضاتك جعلتها تثور علي ماتعودت عليه ،،، خرجت من رتابتها المعتاده ،،، تنهد بارتياح وهو يري الحمقاء تهرع نحوه اللعنه وجهها لايبشر بالخير ركبت السياره سريعا ليتبعها
#في ايه يابنتي كل ده بتعملي اييه
نور بضيق #اطلع بس امك اتصلت بيا وقالت ان ادم وصل
ادار احمد السياره لينطلق للحظات شعر بشده بشعور ادم ،،، شعور الرفض شيء ما يكسر بداخلك زفر بقوه
#الجواز قسمه ونصيب
جمله حاول بها ارضاء نفسه نور
#انت صرفت نظر ولاايه
رمق نور بنظره جانبيه ليتابع الطريق
#لاء بس وشك باين عليه الاجابه
تنهدت بقوه #لاء هي قالت هتصلي استخاره وترد عليا بكره
#امال ايه الحكايه ليه حسك متضايقه انتي شايفه انها ممكن متوفقش
#الحكايه مش كده يااحمد ،،، تقي خايفه
قطب بين عيناه ليوقف السياره الي جانب الطريق وينظر الي نور باستغراب
#خايفه من ايه
#من اللي انت خايف منه ،،، رد فعل ابوك وامك ،،، تقي بنت غلبانه اوي ،،، بس كرامتها عاليه جدا ،،، دي فكرت في كل حاجه يمكن في اللي احنا مفكرناش فيه ،،، عارف شوفت الفرحه في عنيها للحظه بس الفرحه انطفت اول ماقلتلها بابا يجي عندهم ،،، بصت حواليها علي بيتهم ودموعها اتخنقت في عنيها ،،، تقي شايفه نفسها قليله اوي حالتهم الماديه وانها مكملتش تعليمها دا غير طبعا انها واثقه ان العيله هترفض ،،،
قاطعها #مين يقدر يحاسب انسان علي ظروف اتولد فيها ،،،،
#طب تقدر تقولي هتعمل ايه لوبابا رفض
#انا مش عيل صغير الحكايه كلها سنه وهتخرج وبقالي سنتين بشتغل ومعايا مبلغ كويس
حدقته نور #ايه هتجوزها من وراهم
ادار احمد السياره لينطلق
#انا مقلتش كده ،،، بس قلتلك لووفقت انا مش هسيبها يانور ،،،،
#طب افرض
قاطعها #مش هفرض حاجه ،،، ابوكي عمره ماجبرنا علي حاجه بالعكس بقي ،،، انا يمكن لسه معرفهاش ،،، بس من ساعه ماصليت وانا حاسسها نصيبي يانور ،،،، اللي عايز اقولهولك اني مش هيأس ومش هسيبها فهمتي
تنهدت نور بارتياح لترتسم علي وجهها ابتسامه
،#وانا وراك مش هسيبك ،،، متقلقش ،
اوقف احمد السياره امام الباب الداخلي وقال باسما
#ربنا يخليكي ليا يانور ،،، ويفرح قلبك ،،، هاه امك مقلتش ناصر هيجي امتي
فركت يديها #معرفش باين بكره
احمد ضاحكا وهو ينزل من السياره # باين ،،،،،يابت دا الواد هيموووت وبعت جاب ادم
نزلت نور لتقول ضاحكه
#مستعجل علي قضاه بقي
احمد ضاحكه #حقه يلا ادم وحشني اووي
اسرعت نحو البوابه ليتبعها احمد
#وانا كمان
توقف كليهما وهما يستمعان لصوت ابيهما العالي
#انت عاوز ايه بالظبط ،،، عاوز تخسرني اخواتي كلهم
نظر احمد الي نور لتفتح الاخيره الباب ادم بضيق
#خلاص يابابا بقيت انا اللي غلطان مش كده
فرحه بعصبيه #ايوه انت اللي غلطان وغبي كمان
ادم #هو انا عملت ايه عشان ده كله ،،،
فهد بغضب وهو يقف امامه
# يعني مش مكفيك ان مامون بطل يدخل بيتي بسببك ،،،،
قاطعه ادم #بقي بسببي ،،، انا اللي قلتله ميربيش بنته مش كد
صفعه سقطت علي وجهه من يد فهد ليقول الاخير
#واضح ان انا اللي معرفش اربيك
فرحه #اهدي يافهد هو ميقصدش
اقترب احمد ليقف امام ادم واسرع اسلام ليقف بجواره فاصبح فهد بمواجهه ولديه
احمد # بابا حضرتك عمرك مامديت ايدك علي حد فينا
فهد بغضب #ايه كبرتوا خلاص ،،، شيفين نفسكوا شبيتوا حبه فوقوا ياولاد فهد بدل ماافوقكوا
نور #بابا ممكن تهدي ونتكلم بالعقل ادم عمل ايه عشان دا كله
فهد بغضب #اخوكي الكبير العاقل رايح يخطب حنين من ليث ،،، مهي ناقصه مش مكفيه اللي حصل مع مامون رايح يخسرني ليث كمان
فرحه #هو غلطان يافهد بس بالله عليك تهدي غوروا كلكوا علي فوووق
صعد الجميع للاعلي لتنحني هي امامه
#ممكن تهدي
#انا معنتش عارف القيها منين ولامنين ،،، تعبت يافرحه ،،، تعبت
فرحه بعتاب #انت اتعصبت اوووي طب كنا نسمعه يافهد انت هبيت مره واحده
فهد باختناق #اول مره امد ايدي عليه ،،، انا مش عارف عملت كده ازاي ،،،، بس مستحملتش ،،، يافرحه مامون بيهرب بعنيه مني ،،، داانا النهارده بتصل بيه عشان ااقوله علي خطوبه نور قالي اعذرني مش هعرف ابص في عين ادم ،،، مش سهله يافرحه اني اشوف اخويا مكسور بالشكل ده وابنك مبيرحمش ،،، عمل اللي كنت خايف منه ،،، ومتلقاش الاليث واكتر واحده غاليه عليا وعليكي في ولاد اخواتي ،،،
ربتت علي خده
#انا عارفه انك زعلان علي مامون وانا كمان يشهد ربنا انا زعلانه عشانهم اد ايه ،،،، بس متخلطش الاوراق يافهد ،،،، ادم ملوش ذنب في اللي حصل ،،، اسيل هتفضل بنتنا برضه ،،،،
#انا عارف انه ملوش ذنب يافرحه ،،، انا بحاول اعدي اللي حصل ،،، كنت عاوزه ينسي ،، يرجع زي الاول
تنهدت فرحه #مش بالسهوله دي هينسي ،،، ادم لسه صغير مندفع بعواطفه عشان كده اتأثر اووي من اللي حصل
#فيقوم يصلح الغلط بغلط اكبر منه فبدل مايبقي مامون يبقي ليث كمان صح
ربتت علي كتفه
#لاء ليث غير مامون ،،،
نظر في عيناها #غيره في ايه
#ااقولك ،،، مامون بطبيعه الحال بيخاف من رد فعلك جدا ،،، ليث بقي مختلف ،،، ليث طريقه تفكيره زيك عشان كده قاله لما اشوفك بتحبها ،،،، وفي الغالب هيوافق
فهد باستغراب #بتقولي طريقه تفكيره زيي هيوافق ازاي يعني
فرحه بجديه #هيوافق يتخطبوا عشان هو عارف ان حنين بتحبه او علي الاقل حاسس ،،،،
فهد بحيره #مهو كده حنين هي اللي هتتظلم يافرحه
هزت راسها نفيا #لاء لو اللي في دماغي صح وليث وافق فعلا هيبقي لسبب من اتنين ،،، ياابنك يحبها وكده يبقي اطمن عليها لان ليث بيحب ادم جدا ،اوااا
قطب #او ايه
قالت بحزن #يبقي وجع ساعه ولاكل ساعه ،،، يخرج نفسه من قلبها وكده حنين هي اللي هتفوق
هز فهد راسه نفيا
#مش عارف انا مش مقتنع باللي بتقوليه ده
ربتت علي كتفه #دلوقتي الكوره في ملعب ليث ،،،، هو متصلش وقاله ميقولكش ،،،،
عقد ذراعيه #بمعني
#خرج نفسك من الموضوع سيبه منه لعمه.وليث هيسويه علي نار هاديه
#انا مش عارف انتي جيبه الثقه دي منين
#من فهدي ،،، ياحبيبي انت بس عشان متأثر من موضوع مامون مش عارف تفكر ،،، كله ضغط علي بعضه بس لو هديت هتعرف اني بتكلم صح
فهد بحيره # انا مش عاوز لااخسر ابني ولااكسر اخواتي كفايه اللي حصل
#تفائلوا بالخير تجدوه ،،، ومتقلقش مامون هيرجع الزمن بيداوي كل حاجه يافهد
كاد ان يعلق لولا صوت انس الذي دخل من الباب يتراقص وهو يضع سماعات الاذن ويغني بصوت عالي
#.سيبي شباكك مفتوح ليه تقفليه ،،بهوايا انتي قاعده معايا عنيكي ليا مرايا ياجمال مرايه العين خليكي لو هتمشي اناديكي انتي ليا انا ليكي احنا الاتنين قطعييين تسيبيني اكره حياتي وسنيني هتوه ومش هلاقني واشرب خمور وحشيش
تحرك فهد ليرفع الفتي من ملابسه للاعلي ينتزع السماعه من اذنه ليهدر
#نهار ابوك اسود هي حصلت
انس بخضه #في ايه يابابا بس ،،،
فرحه بحده #خمور وحشيش وانت عندك تسع سنين امال اما تكبر شويه هجيبك من الاحداث
فهد # انت يلا ازاي تقول الكلام ده
حرك انس ساقيه وقال
#طب نزلني بس
انزله فهد ليقول #دي اغنيه حسن شاكوش الجديده حاجه جامده فشخ
تحركت فرحه ليحتجزها فهد فرحه
#والله ماانت معتوق يازفت ،،، ايه اللي بتقوله ده
تحرك الفتي ليقف اسفل الدرج
#ياماما فشخ يعني جامده اوووه قديمه ياماما معندكيش لغه
فهد بغيض #امشي يامستفذ من هنا بدل مااكسر وشك
فرحه بغيض #سيبني يافهد قال معندكيش لغه قال
فهد ضاحكا #الشباب كلهم بقوا بيتكلمو كده يافرحه
فرحه بجديه #مش معني ان الكل بيعمل غلط يبقي احنا نعمل زييهم ،،، بقت حاجه تحزن فعلا اغاني مبتزله وكلام تافهه والولاد بقوا زي البغبغنات بيرددوا وبس ،،،
تنهد فهد #عندك حق ،،،إلف العاده ،،، زي ماتكون ودنهم اتعودت علي الرزع والخبط والكلام اللي مش راكب علي بعضه ،،،، انتي مش متخيله الشوارع عامله ازاي يافرحه ،،،،
فركت فرحه يديها #حاااضر ياانس وحياه ابوك داهوه ماهتفلت من ايدي بس افوق من بلاوي الكبار الاول ،،، قال خمور وحشيش قال ،،، داناقص يدخل عليا بوحده
فهد باسما #مستبعدهاش علي الواد ده
فرحه#انت مش شايف انك بتعدي للواد اووي
تنهد #عشان كبرت وهو لسه صغير اووي
#مينفعش يافهد ،،، طب قسما بالله لوحد من الكبار عملها لكنت معلقه الواد قالب علي بلطجي
#خلاص هشدهولك بس افوق
ابتسمت #الحمد لله انت فوقت ،،، خرجنا من المود الواد ده ،،، المهم بقي انا هطلع لادم عاوزاك تهدي كده عشان نعدي الحكايه خطوبه البت بكره
جلس علي الاريكه
# ماشي اللي انتي عاوزاه
❤❤❤❤❤استغفر الله ❤❤❤❤❤❤
