#مقدرش ياتامر افهمني بس
قال بحده #مفيش تفاهم لو فاكره ان تامر الراوي بيتلعب عليه تبقي غلطانه يااسيل
قالت باختناق #والله ياحبيبي ابدا بس بابا مشدد عليا واسر علي طول بيجي معايا في كل الدروس
#يعني ايه بقي
اسيل باختناق #طب اعمل ايه بس ياتامر والله انا اتخنقت جدا
#انتي بتحبيني ولالاء
#دا سؤال برضه انت عارف كويس اوي انا بحبك اد ايه بس اعمل ايه ياتامر
#،اسمعي بقي انت هتيجي يعني هتيجي والاهروح لابوكي بالورقه والصور اللي معايا وانت عارفه بقي هو ممكن يعمل ايه
اسيل بصدمه # اااانت بتقول ايه
#زي ماسمعتي مهو لما تبعيني انا كمان مشتركيش ومش هسيبك يااسيل تروحي لواحد غيري انتي مراتي
قالت باختناق #انت اكيد اتجننت انت عارف ابويا ممكن يعمل فيك وفيا ايه
#،هيعمل فيا ايه يعني ،،،، اسمعي يابنت الناس ياتيجي ياانا هعرف اجيبك لحد عندي بطريقتي انتي عارفه العنوان مش محتاجه اعرفهولك
تابعت الرنين المنتظم وهو تنظر للهاتف بصدمه هل هددها تامر لتوه ماذا لو نفذ تهديده جلست علي طرف الفراش ودفنت راسها بين ذراعيها اي مصيبه حلت علي راسها وكيف ستحلها عقلها علي وشك التوقف وهي تريد ايجاد مخرج كيف يفعل تامر هذا ،،،، لقد احبته بصدق اول حب في حياتها وتذكرت منذ سنتين كانت في بدايه دراستها عندما اخبرتها صديقتها اريج بامر الصفحه الخاصه
#يابنتي مانا عندي صفحه علي الفيس
اريج ،#انتي يابت عبيطه كلنا بنعمل صفحه تانيه مش باسمك وتكلمي عليها اللي يعجبك من غير ماحد يراقبك فهمتي
راقتها الفكره اوالتقليد الاعمي لتفعل مثلهم تشاهد يوميا كميه الطلبات التي ترسل اليها علي الخاص ولكن لم تاخذ مبادره الرد حتي اتاها رسالته راقها صورته وطريقته المهذبه
#انا تامر الراوي بكلريوس سياحه وفنادق علي فكره انا عاوز ابقي صديق وبس
بدايه السقوط التقدم خطوه نحو الهاويه وتتالت الرسائل منه شهر كامل يرسل لها كل يوم رساله رقيقه تداعب انوثتها صار يشغل تفكيرها حتي قررت الرد
وبدا كل شيء ......مجرد محادثه يوميه اعتادت ان تفعلها علي سبيل التسليه فقط حتي باتت جزء لايتجزء من يومها ثلاث شهور ليصبح تامر تقريبا يشاركها يومها حتي اعلن
#اسيل انا نفسي اشوفك ،
#لاء طبعا مينفعش
#كده برضه طب انا زعلان منك
وبالفعل يومان وهو لايراسلها حتي ارسلت صورتها له وتتالت مبادله الصور بينهما راقها وسامته واسلوبه الناعم في الحديث حتي غرقت انها عاشقه صغيره اصبحت تعلن الحب كل لحظه ثم بدات مقابلتهم وجدته امامها عقب انتهائها من احد الدروس
#انت اكيد اتجننت
#،كنت هموت واشوفك يااسيل خلاص تعبت من كتر ما بحب في الصوره لو عاوزاني امش همشي
لقد كانت تريد هذا اللقاء وبشده كل شيء يتلاشي ويبقي هو فقط عالمها الصغير ،،،، منذ ذلك اليوم تركت تلك الصفحه واستبدلتها بصوته علي الهاتف لم تكن بحاجه لصوره لانها تراه يوميا حتي ايام اجازتها كانت تتعلل بالذهاب للنادي لتلقاه منذ شهر واحد فقط اعلن
#اسيل انا مش هستحمل حد يبعدك عني
قالت بقلق #ولاانا اقدر ابعد عنك ليه بتقول كده
#يااسيل افهميني انتي عيلتك كبيره انا عارف اني غلطان لما حبيتك
قالت باختناق #كده برضه ياتامر بتسمي حبك ليه غلطه
ربت علي وجهها ،#انتي احسن حاجه حصلتلي في حياتي اللي اقصده ان لو والدك عرف هيبعدنا عن بعض انا مبنمش من كتر القلق
#طب والحل
#شوفي ياحبيبتي هنكتب ورقه عند المحامي الورقه دي بس عشان اطمن ان محدش هيخدك مني
قالت بقلق #ورقه ايه دي
#ورقه جواز عرفي ومتفهمنيش غلط انا مش هلمسك الا لما اكتب رسمي دي بس عشان ابقي مطمن
#لاء طبعا مينفعش يا تامر
احتضن يديها بكفيه
#بتثقي فيا ولالاء
#اكيد بس ااا
#متخفيش ياحياتي انا اهم حاجه عندي اني متحرمش منك
رفضت نعم كل شيء كان يدعوها للرفض٠ ولكن اسبوع واحد فقط كان كافي لان تضع توقيعها عند المحامي علي ورقته الحمقاء الذي يهددها بها الان ماذا ستفعل ،،،وكيف ستتصرف يجب ان تقابله حتي تنهي هذا الامر ،، نعم مازالت تحبه ولكن لم تتخيل ابدا ان يهددها ،،،، كلا انه فقط عاشق ،،، يخشي ضياعها من يده كما كان يخبرها دوما ،،، نعم هو فقط يهددها حتي يراها تامر مستحيل ان يؤذيها الي هذا الحدهدات افكارها لتغرق في النوم
❤❤❤❤اللهم احفظ بناتنا❤❤❤❤❤
دخل فهد غرفته ليجد فرحه بانتظاره تقدمت لتنزع عنه الستره
#اتاخرت كده ليه يافهد
قبل خدها وقال باسما #معلش ياحبيبتي ماانتي عارفه الشغل ايه اخبار الامتحانات
فرحه ضاحكه #اخيرا خلصت شهر ضغطه اعصاب لما خلاص
فهد #دا عشان بس التلاته بيمتحنو مع بعض
بدل ثيابه ليرتدي بنطاله ويجلس علي طرف الفراش
#هروح اجيبلك العشا
#لاء يافرحه انا اكلت في الشغل
فرحه باسمه # دا اكيد يعني مش جعان خالص
#لا ياحبيبتي
ربعت يديها وقالت #تمام حلال علي العيال تورته الشيكولاته بقي
دفعها بلطف ليقول بسرعه
#عيال مين داانا هموت من الجوع داانا بقالي شهر ماكلتش
قلبت يديها وتحركت للخارج ضاحكه ليهمهم فهد
#بس هوديها فين داانا بطني مليانه ،،،، هكلها برضه دي توترته فرحه امممم انا جعت
حضرت فرحه بعد قليل بقطعه كبيره من الكعكه علي طبق قال بغيضها
#ايه دا فين بقيتها
فرحه باسمه # تم القضاء عليها اكيد انس الزفت
امسك الطبق وهو ينظر للكعكه باحباط
#هو انس بس تلقيها العصابه كلها فتكت بها ودمرتها شر تدميره
قالت ضاحكه #والله مش بعيده خصوصا ان احمد لسه واصل النهارده
بدا فهد يلتهم الكعكه باستمتاع
#اممم انا بحبك اوي يافرحه احسن واحده في المجره بتعمل التورته دي .
ربتت علي كتفه #انا بعملها مخصوص عشان اسمع بحبك دي
بلع فهد مابفمه ليقول بحنق
#انتي بقيتي عامله زي القطط تاكلي وتنكري انا مش لسه قيلك بحبك اول امبارح
قالت ضاحكه #اه طبعا لما جبتلك لوح الشيكولاته صح
فهد بغيض #انتي قلبك اسود اوووي
فرحه #انا قلبي ابيض عشان بيعشقك
ابتسم ليرفع قطعه من الكعكه علي شفتيها لتاخذها باسنانها اللؤلؤيه
# انتي احسن حاجه في الدنيا دي كلها يافرحتي هاه قولي بقي اللي انتي عاوزه تقوليه بقالك فتره ومخبياه عني .
نظرت اليه ليلدغ خدها
#قلبي بيحس بيكي غير انك موهومه وقلقانه في حاجه تانيه عايزه تقوليها
ابتسمت لتتنهد
#اولا انا مش بخبي عنك حاجه ،،، ثانيا طول فتره الامتحانات كنت مضغوطه اوي دا غيراني كمان كنت براجع لحنين وقلقانه عليها جدا البنت نفسيتها في الارض
وضع الطبق الفارغ علي الكوميدو وسحبها بين ذراعيه ليتمدد علي الفراش وهي بين ذراعيه
#محدش بيختار قلبه هيدق فين يافرحه
قالت باسف #كان نفسي اوي يحس بحبها ده حنين شبهه اوي يافهد
ربت علي كتفها #متعرفيش النصيب مخبي ايه
تنهدت #ونعم بالله
#انتي تتمني ايه في الدنيا غير انك تشوفي ابنك مبسوط
#يافهد افهمني ادم صوره منك مش من النوع اللي ممكن يظهر مشاعره ببساطه عشان كده محدش كان يعرف هو بيفكر في مين واسيل طايشه ومش ركزه وواضح اوي انها مش عاوزاه وابوها اللي غصب عليها توافق ،،، دي بقالها شهر مرفعتش حتي سماعه فون تسال حتي كانت بتيجي تراجع مع نور مفيش
#ابنك بيكلمها شغال منبه بيفكرها بالصلاه
اشاحت بيدها #مهو ده اللي انا بتكلم فيه الاتنين مختلفين
#لو حبته هتتغير عشانه وبعدين احنا هنقضي الليل كله نتكلم علي سي ادم
تنهدت #عارف علي قد ماهو وحشني اول مره مبقاش عايزاه ينزل اجازه
قال بجديه # وبعدين معاكي متكسريش فرحته بقي دا عمال يعد الايام عشان ينزل
#غصب عني يافهد
تنهد #عارف بس قوليلي بقي مخبيه عني ايه مبتوهش علي فكره
#ماسه كلمتني يوم ماكنا عند مامون
#خير
#عاوزه تخطب نور لناصر
حدق بوجهها بصدمه للحظه لينفجر ضاحكا وكزت كتفه #انت بتضحك علي ايه
#مفيش بس فهمت نديم كان بيلقح علي ايه اتاريه عمال يقول بنوته وزي القمر ،،، وكل يوم يسال عملت ايه في الامتحان اتاريه بيعمل لمصلحه ابنه
#سبحان الله يافهد اللي يشوف نديم مع ناصر مستحيل يقول عمه
ربت علي كتفها
#معوض مخلف ،،، نديم ده عوض من ربنا مش لناصر بس لاء لماسه كمان المهم انتي سألتيها
#هسألها من غير ماقولك انا قلت لماسه لما الامتحانات تخلص اتلقيتها النهارده بتتصل تفكرني هاه ايه رايك
تنهد #شوفي ناصر تقريبا كده متربي مع عيالك انتي شيفاه ايه
#الواد ناصر جدع وراجل كده تحسه ناشف مش زي الواد اسر تحسه خرع
قال بعتاب #محدش في ولاد الحداد خرع يا فرحه
#لاء لاء مقصدش كده ااقصد انه شايل مسؤليه ونزل يشتغل بس اسر مبلط في الخط
ابتسم #عشان اسر عارف انه هيخلص ابوه هيجره معاه في الشركه ماشاء الله اللهم بارك شركته اتوسعت اوي وبقي محتاج حد جنبه يسنده القصد خلينا في ناصر شكلك كده معندكيش مانع
#المهم مش رأيي انا المهم رأيها هي
نظر اليها بغيض #دا علشان علي هواكي بس لكن عند ادم
قاطعته #لاء الحكايه مش كده ،،، ناصر شبهنا يافهد نديم رباه يعرف ربنا وميسبش فرض ابدا ،،، واخلاقه حلوه ،،، بس اسيل
#بنت اخويا برضه
#معترضتش وانت عارف كويس اوي انا بحب العيال دي ازاي بس مامون مديلهم حريه زياده حبتين مش اكتر
#علي العموم كلمي بنتك ونشوف لو هي موافقه نقرا الفاتحه مع خطوبه ادم
قاطعته #لاء طبعا انا عاوزه افرح بالبت
قال ضاحكا #تمام فهمت عشان تعرفي تعكنني علي الواد برحتك
وكزت كتفه #انت ليه محسسني ان انا مرات ابوه مش امه
#ايدك طولت يافرحتي
قربت وجهها منه وقالت باسمه
#اصل اااااانت وحشتني اوووي
اقتراب بدفء بجنه تتفتح وتنبعث منها رائحه ياسمين عطره هذا باختصار حاله الدائم مع فرحه عمره كله
❤❤❤❤❤صلي على محمد ❤❤❤❤
