بكت حتي جفت دموعها ،،، اخطأت تعلم هذا جيدا ،،، ولكن من يملك الايخطيء ،،، نعم ابيها يتحدث معها اسر امها ولكنها تختنق حرفيا ،،، بات الشك فيها هو الاساس ،، صارت متهمه عرض مستمر ،،،، ان تحدثت بالهاتف فهي تحدث رجل ان جلست امام حاسب هي تراسل رجل ،،، تعلم انهم محقون وهي من انتزعت الثقه من داخلهم ولكن الامر فاق قدرتها علي الاحتمال
#معلش يااسيل متزعليش نفسك
رفعت عيناها لاسر الواقف امامها رفعت يدها لتمسح دموعها
#انا استاهل اكتر من كده
ربت علي كتفها #خلاص بقي مالها تجارة يعني
سقطت دموعها #المجموع ده ميجبش تجاره حتي ،،،
تنهد اسر #يابنتي انت بنت مامون الحداد تدخلي الكليه اللي تعجبك
هزت راسها نفيا
#مش هدخل خاص تاني صحبه الخاص جبتني لورا
اسر بجديه #العيب مش في الناس ،،، العيب في اللي يختار اصحابه غلط يااسيل ،،،، كل مكان في الكويس والوحش
تنهدت #عارفه بس الحكايه انا مش عاوزه اقابل حد منهم تاني ،،، مش هيسيبوني في حالي يااسر
# الهروب مش حل
#انا مش بهرب انا بس بحاول انسي اللي فات نفسي ابدا صفحه جديده معرفش حد ومحدش يعرفني
#طب فكرتي هتعملي ايه
ارتسمت علي وجهها ابتسامه باهته
#نور كلمتني من شويه قلتلي قدمي معايا
قال بحنق #شرطه ،،، مش هتعدي من الاختبارات اصلا دا مش بعيد ناخدك مدشدشه ،،،
تنهدت #طب تعرف اني فعلا فكرت ،،، يمكن ثقتهم فيا ترجع تاني
قال بتاكيد #ثقتهم فيكي مش هترجع من الكليه يااسيل ،،،، هترجع من تصرفاتك انتي ،،،،
احتبست الدموع بعيناها وقالت باختناق
#انا بقالي تلت شهور في البيت ممنوع امسك فون ممنوع افتح نت ممنوع اخرج من البيت دا حتي لما بنزل الجنينه ماما بتعمل معايا تحقيق ،،،، خلاص اتعودت علي الوحده ،،، عشان كده فكرت في موضوع شرطه ده
هز راسه نفيا #مش هتنجحي فيه ،،، نور طول عمرها دا طموحها كانت بتدربله من وهي صغيره بس انتي لاء ،،،
قاطعته #انت مش فاهمني ،،، اي كليه تانيه هتبقي فيها محاضرات وسكاشن ،،، لوصدف مثلا ودا وارد اتاخرت المحاضره شوية زي مابيحصل معاك ،،، هبقي متهمه بحاجه ،،، انا معنتش مستحمله دا يااسر
#خلاص ادخلي تجاره معايا ،،،، وانزلي ادربي مع ابوكي كده ماما هتبطل قصه الشك دي ،،، مش معني اللي حصل انك تقفلي الدنيا عليكي
سقطت دموعها #انا مقفلتش الدنيا هي اللي ادتني ظهرها
اعتنق اسر كتفها #ولما الدنيا تديكي ظهرها تعملي ايه
#اعمل ايه
#تقولي يارب فتتفتحلك دنيا جديده احلي بكتير من اللي ادتك ظهرها
#انت اتغيرت اووي يااسر
ابتسم #الازمه اللي حصلت دي غيرتنا كلنا يااسيل ،،،، اه انتي غلطتي بس احنا كمان كلنا غلطنا ،،،، ماما وبابا انشغلوا بالشغل وانا كنت عارف انك طقه ومع كده مقربتش ،،،، كان عادي اشوفك لابسه عريان ومعلقش عشان بابا مش بيعلق ،،، احنا كلنا غلطنا يااسيل عشان كده ملناش الابعض ،،،، ماما علمتنا الصلاه من واحنا صغيرين بس بعد كده انشغلت مع بابا وبطلت تتابع واحنا طنشنا ،،،، كنت عادي اشوفك في المدرسه واقفه مع ولاد عشان انا بقف مع بنات عادي ،،، كلنا كنا بنعمل الغلط بس اللي تعلمته وفهمته كويس اوي من ابوكي ،،، ان لازم نتوب ،،، نتوب الباب القديم يتقفل ويتفتح باب جديد يتكتب فيه حياه نظيفه مفهاش ارف ،،،، كل اما تقربي من ربنا هتحسي بالحكايه دي يااسيل
فهماني
هزت راسها موافقه ليقول
#طب يلا بقي عشان نخرج شويه
لمعت عيناها #هنروح فين
#هنروح نتمشي شويه ،،، نروح النادي نتغدا بره انا عاذمك علي حسابك طبعا
قالت بحزن #بس انا مش معايا فلوس بابا سحب الفيزا ومش بيديني مصروف
وكز راسها #انتي صدقتي وانا هاخد منك فلوس يامعفنه انتي
لمعت عيناها بتحدي #ايه جديده عليك يعني ماطول عمرك مقلبني
قال باسما #هي دي اسيل فكك يامغروره
قالت بحنق #انا مش مغروره
#لاء مغروره وعلي منخيرك قط جايف
رفعت الوساده وضربتها به
#متقولش عليا كده
هرب من امامها وقال ضاحكا #لاء هقول يلا اخلصي بقي علي ماانزل اقول لامك دي مش بعيد تيجي معانا
قالت بتردد #عادي هي بقالها كتير برضه محبوسه في البيت
ابتسم #مش بقولك كلنا اتغيرنا
قال جملته وانصرف ،،،، محق اسر الجميع تغير بدا من اباها وصولا اليها ،،،، وتذكرت كلمات نور
#ماما ديما بتقول كل شر في الدنيا وراه خير احنا مش شيفينه وانا بثق اوووي في كلام ماما الخير لسه مستخبي يااسيل بس هيظهر النهارده بكره السنه الجايه هيظهر
يبدو ان نور محقه لقد تقربت بشده لاسر علاقتهم ببيت فهد عادت لسابق عهدها بعد خطوبه نور وفوق كل هذا هي ،، هي ابصرت الطريق الصحيح ،،، ايقنت ان لها من الاخوه مايكفي ليحموها وتختبيء خلفهم ،،، اخوه بحق سيؤاذروها علي طول الخط ،،،، سيحمونها حتي من شر نفسها الامارة بالسوء ،،، باب كانت اغلقته ولكن تلك الازمه فتحته علي مصرعيه لتري هذا منحه المسانده تلقتها من نور واحمد وحتي اسلام الهاديء حنين وحسام وناصر ،،،والذي لم تكن تتوقعه ان تتلاقها من ادم ،،،، ادم اخ حقيقي جرحته وهو سامحها ،،،،، هي لم تدخل بيت فهد منذ خطوبه نور ولكن الاخيره دائما تزورها ،،،،نور وحنين كلاهما ابصر الطريق الصحيح وهي كانت ضائعه في ممرات معتمه ،،،، تعلمت الكثير في محنتها تلك بقي فقط الحصول علي الثقه ،،، ليس بتلك البساطه اسيل عليكي بالصبر
#يابنتي اخلصي امك لبست وانا خلصت
قفزت من فوق الفراش .
#ثواني وهكون جاهزه يااسر
ابتسمت بعض الحريه وتشمم الهواء النقي بعيدا عن البيت
❤❤❤❤❤❤صلي علي النبي محمد ❤
