انتهت من محاضرتها لتنتظر اسر في المكان الذي اعتادت ان تنتظره فيه رفعت ساعتها لتنظر بها مازال امام اسر ساعه كامله علي انتهاء محاضرته زفرت بقوه وتوجهت ناحيه كافيتريا الجامعه امامها جلست علي احد المقاعد لتطلب كوب من النسكافيه الاسود ليخفف ذلك الصداع الذي يطرق راسها من الصباح ،،،، وضع العامل الكوب امامها لتبتسم بفتور فتحت دفترها وعيناها تجوب المحاضره التي دونتها منذ قليل ،،،، لتشرد قليلا في ذلك البلال ،،،انه غريب ،،، غريب حقا ماكانت تظنه سيحدثها او يحاول التقرب منها ولكن لاشيء ،،، تقريبا هو تقدم لخطبتها عن طريق الخطا ،،، محير. بشده ،،، انه حتي لاينظر تجاهها ،،، يمكنها ان تشهد انه رجل نزيه الجميع يشيد باخلاقه والبعض ينعته بالتزمت والرجعيه ،،، هي تعرف جيدا نوعيه الفتيات التي تنعته بذلك ،،، فهي كانت مثلهن ،،، بلال في الخامسه والعشرين متوسط الطول تقريبا قريب من طول اسر ،،،يحمل بشره برونزيه وشعر اسود قصير انف مستقيم وشفاه مكتنزه نوعا ما ، يحدها لحيه كثيفه ،،،لعل اجمل مايميزه عيناه ،،،، سوداء واسعه مكتحله ورموش طويله ،،،تقريبا دوما تستمع الي تعليقات الفتيات بالمحاضره
#يخربيت عنيك
صار هذا البلال يستحوذ علي جزء من تفكيرها ،،،،يقحم نفسه كلا هي التي تقحمه لتحاول فقط فهم تصرفه ،،،، اباها يريد ردها علي طلب خطبته ،،، نعم تخطب لرجل يتجاهلها بالكليه ،،،، تريد فقط ان تفهم تشعر ان هناك دائره مفقوده ،،، لاتستطيع الربط بين طلبه و تصرفاته ،،،، زفرت بقوه لترفع ساعتها ،،،، تجرعت بعض من سائلها الاسود لتتلتقي عيناها بصاحب العيون الاسره التي كانت تتذكرها من قليل ،،، لحظه واحده فقط ليخفض بصره ويشيح وجهه تماما همهمت بغيض
#ماله ده
خفضت بصرها لتعاود النظر الي السائل الاسود امامها ،،، هل سيتحدث ،،،، هل تتحدث هي ،،، كلا لن تتحدث ،،، لايجب ان تفعلها انهي الجدال بداخلها صوته
# محتاجه حاجه
رفعت عيناها له ليركز بصره علي السائل الاسود داخل الكوب يبدو ان به شيء يجذب النظر
#لاء شكرا اااانا مستنيه اخويا
هز راسه وبدا يتحرك هذا الرجل بالتاكيد مختل او ابيها يتوهم
#دكتور بلال
التف #خير
قالت بسرعه #هوااا حضرتك كلمت والدي في حاجه
اغمض عيناه وقال #لسه الرد موصلنيش ،، لو احتجتي اي حاجه انا موجود لحد مااخوكي يوصل عن اذنك
تابعته يتحرك ليجلس علي طاوله ليست ببعيده ويتجرع بعض من كوبه تنهدت بقوه يبدو يعرفها ومع هذا لايحدثها بل يهرب منها ،،، شيء ما في عقلها لايستوعب هذا ،،، او ان ماحدث لها بالماضي مازال يؤثر عليها تنهدت بقوه لتدمع عيناها رغما عنها رنين هاتفها رفعته لتفتحه
#حنين وحشتيني جدا
#وانتي كمان يااسيل انتي روحتي ولالسه
#لاء انا في كافتيرا الجامعه مستنيه اسر
#طب تمام انا دقيقه وهبقي عندك اصل عندي ساعه فاضيه وكنت بصور ،ورق في مكتبه هندسه جنبك
#طب تحبي اجيلك
#لاء خليكي انا قربتلك اهوه
اغلقت الخط لتتعلق عيناها بطريق الدخول حتي ظهرت حنين هبت واقفه لتحتضنها لتقول
#مبتساليش
حنين #المحاضرات والسكاشن حاجه كده مش عارفه ااقولك ايه مرمطه هاه ايه اخبارك
هزت كتفيها #انا تمام ،،، هاه تشربي ايه
حنين #لاء مش عاوزه ،،، اسيل في حاجه كنت عاوزه اسالك عليها من فتره بس كنت متردده
اعتدلت اسيل وقالت باهتمام
#علي فكره كنت حاسه انك عاوزه تقولي حاجه ايه بقي
فركت حنين كفيها وقالت بتوتر
#اسيل هو انتي لسه بتحبي ادم
قطبت بين عيناها #لسه بحبه ،،،، انا مشاعري اصلا متغير تش ناحيه ادم ،،، حنين انا بشوف ادم زي اسر
#يعني مش بتحبيه
#لاء طبعا بحبه زي اسر قلتلك ،،،، بس ايه الحكايه بقي
تنهدت حنين بقوه #اصل اااادم عاوز يخطبني
ابتسمت #بجد ،،، علي فكره انتوا لايقين علي بعض جدا
حنين بترقب # يعني انتي متغيرتيش عشانه يااسيل
تنهدت لتقول بانفعال #لاء ياحنين ،،، انا اتغيرت عشان خاطر ااااقصد ،،، مش مهم الحكايه ملهاش علاقه باادم انا مكنتش موافقه ياحنين ،،، بس عارفه مكنتش اتوقع انك توقفي خطوبتك عشاني
ربتت علي يدها #احنا اخوات وانا مش عاوزه اخسرك ،،،
ابتسمت #ولاد الحداد ميتفرقوش ،،، في حكايه كده عاوزه اسالك فيها
#ايه
#بصي بابا كلمني من فتره وقالي ان في واحد عاوز يخطبني هو معيد عندنا هنا ،،، هو مش بيكلمني ومش بيبصلي اصلا لدرجه اني اتخيلت انه طلبني غلط من شويه اجا سالني ان كنت محتاجه حاجه يمكن عشان دي اول مرة ااقعد في الكافتيريا فسالته انا كده غلط
حنين #سالتيه بس
#اه قلتله كلمت بابا علي حاجه قلي الرد لسه موصلش هو كده حرام
#لاء مش حرام انك تسالي واصلا حقك تشوفيه وتتكلمي معاه عشان تعرفي هترتحيله ولالاء
انتي مرتحاله
هزت كتفيها #مش عارفه ،،، بصي هو جد اوووي وملتزم بزياده دا وقف يكلمني قعد يبص علي النسكافيه
حنين ضاحكه #كنتي اديهوله ليكون عينه فيه
،،،طالما عارف ربنا يبقي كويس
هزت كتفيها #بس انا مش ملتزمه زيك انتي وتقي ونور يعني في حجات كتير معرفهاش ياحنين ،،،، مش عارفه
ربتت علي يدها #شوفي صلي استخاره اتلقيتي نفسك مرتاحه اتوكلي
#مهو انا صليت بس لسه قلقانه
#شوفي نتيجه الاستحاره تبان لما تخطي اول خطوه بمعني وافقي واقعدي معاه لقيتي نفسك ارتحتي خير اتخنقتي وحسيتي انك داخله في حيطه سد ارفضي يبقي دي نتيجه الاستخاره
#خلاص انا هعمل كده
#ايه ده هما نقلوا صيدله في تجاره ولاايه
رفعت حنين عيناها لاسر
حنين #ازيك يااسر اخبارك
اسر #تمام ايه اخبار اللي عندك
حنين #الحمد لله
اسيل # انت عرفت منين ان انا في الكافيه
اسر #شوفتك يااذكي اخواتك ،،، انتي بتستني هناك
اشار بيده لتبتسم اسيل هبت حنين واقفه
#تمام انا ماشيه بقي
اسر #تعالي اما نوصلك
حنين #يابني انا عندي سكاشن لسابعه بليل وعليك خير بس كنت قريبه من هنا
اسر #خلاص ياستي تعالي نوصلك الكليه مش هنسيبك تمشي لوحدك يعني
حنين بحرج #لاء مش هينفع يااسر
اسر ببتسامه
#يابنتي خدي اسيل وامشو قدامي انا همشي وراكوا
تحركت اسيل بجوار حنين ليتبعهما اسر
❤❤❤❤صلي على محمد ❤❤❤❤❤
