#يابني حرام عليك هو انا مش هتعتق منك بقي داانا بقيت حافظ وشك اكتر من مراتي وعيالي
رفع عيناه الي فهد وقال بضيق
# فهد الله يخليك انا مش ناقص
جلس فهد علي المقعد ليقول
# يااخي كان يوم اسود يوم ماشوفت خلقتك احنا مش قلنا هتسافرلك يومين عشان تهدي
اشاح نديم يده وقال #مهو ده اللي كان هيحصل ،،،وقلتلها فعلا ،،، بكل برود قلتلي اللي يريحك بس روحت البيت لقيت جوان في وشي
قطب فهد وقال باهتمام
#ومين بقي جوان دي
#بنت خالي ،،،، السبب الرئيسي انه مقطعني تقريبا
فهد بترقب #لاء براحه كده وهات من الاول عشان افهم
تنهد بقوه #لما حصلت الحادثه انا مقدرتش اقعد في مصر سافرت ايطاليا عند خالي ،،،، عملت وقتها الشركه اللي هناك جوان وقتها كان عندها حوالي حداشر سنه طفله جميله كنت بتعامل معاها عادي جدا فضلت هناك سنه ورجعت من حوالي تلت سنين كده كان في صفقه كبيره شويه فضلت حوالي ست شهور في ايطاليا طبعا البنت الصغيره اللي كنت بقعدها علي حجري كبرت اكتر من الازم ،،،، لدرجه اني معرفتش ارفع عيني فيها اول ماشوفتها ،،،،، اتعاملت معاها بحذر لانها كانت بتقرب زياده عن اللزوم ،،،، لحد ماااا
فهد بترقب #ايه عكيت
قال بحده #عكيت ايه ،،، انا معملش حاجه تغضب ربنا ،،، ضربتها بالقلم ،،،، فات حوالي اسبوع مشفتهاش لاني سبت البيت ونزلت في فندق ،،،،لقيت خالي بيعرض عليا الجواز منها ،،، طبعا رفضت ،،، رفضي اعتبره هو اهانه وبعدها تقريبا علاقتنا اتقطع ،،، بقت بزنس وبس ،،،، من شهر عرفت انها اتجوزت وسافرت مع جوزها باريس
فهد بغيض #طيب لما هي اتجوزت ايه اللي جيبها
زفر نديم بقوه#بتقول اتطلقت وخالي ميعرفش لاء وقال ايه جايه عشان تقولي هي موافقه تبقي زي انجي بس مبعدش عنها مهي كانت نقصاها هي كمان
فهد بترقب #طب وماسه كان رد فعلهاايه
اشاح بيده ليقول بضيق #سبتني معاها ومشت ،،، انا مش غبي يافهد ماسه متكلمتش الاعشان كرامتها وبس انا مفرقش معاها من اصله
ضيق فهد عيناه #يعني اتكلمت
دفن راسه بين ذراعيه وقال بالم
#قلتلها كلام وحش اوووي
زفر فهد بقوه #اخيرا نطقت
مرر اصابعه في شعره وقال بندم
#ياريتني مانطقت ،،، ماسه كانت عنيها مليانه دموع يافهد ،،، الكلام اللي قلته يكسر اي واحده ،،،،،، عارف كان هاين عليا ادشدش وشها لما قلتلي شكرا كنت شيفها منتهي البرود ،،، بس لما هديت شويه ،،، كل حاجه بانت قدامي ،،،، كسرتها يافهد ،،،كسرتها وقالتلي شكرا ،،،،
فهد بجديه #اسمع بقي ماسه كانت محتاجه تفوق ،،،، وانت علي طول بتهرب ،،،،المواجهه دي كان لازم تحصل من زمان بس انت اللي كنت رافض تكلمها
#مكنتش عاوزها توصل لكده كان لسه عندي امل
قال بحنق #امل في ايه ،،،، مش ممكن تكون عايش معاها كل ده ومش فاهم دماغها ،،، ماسه مستحيل تسلم للحب ،بس عاوز افهم حاجه واحده كانت بتتكلم عادي عليها
اشاح بيده # هي مجبتش سيرتها بس كانت عاوزه تعرف انا خارج معاها ولالاء ،،،، الكارثه اني عارف ان جوان مش هتبعد وهتحاول
#طب متتجوزها
حدق بوجهه #اتجوز مين
فهد باسما #جوان
#في ايه يافهد مالك
فهد بتاكيد #اسمع بس انت هتفهم ماسه كده انك زهقت ومن حقك تعيش حياه طبيعيه وهي برضه هتفضل مراتك قدام الناس علي الورق
قال بحنق #ياسلام ياعبقري عشان تحس بيا ادبس انا نفسي في جوازه ،،،،،، لاء وجوان ماهتصدق اصلا
فهد بضجر #ياغبي افهم ،،،، هو انت هتقول حاجه من دي لجوان ،،،، الكلام ده هتقوله لماسه وبس ،،،،
#طب وافرض راحت وقلتلها
قال بحنق #انت عاوز تشلني يانديم متركز حبه ماسه مين اللي هتروح تكلمها ،،،، هي وارد تولعك انت بجاز وسخ خليني اخلص بقي.
فرك ذقنه مفكرا وارتسمت علي وجهه ابتسامه
#تفتكر
#شكلك عجبتك الوليعه بجاز
اتسعت ابتسامته #اصلها كانت بتطلع جاز من ودنها دي دخلت الاوضه حته دخله ولاالمخبرين ،،،،عارف كانت متقمصه شخصيه الست المصريه الاصيله اللي ناويها نكد ،،، لاء وكانت بتزن عارف انا كنت مديها ظهري بس شيفها في المرايا ، ، كانت عنيها بتطلع نار بس انا اللي كنت علي اخري ومش مستحمل ،،، تفتكر الحكايه دي هتجيب فايده
فهد بصدق #شوف يانديم صحيح انا معرفكش من زمان بس ربنا عليم انا بحبك زي اخواتي ويمكن انت اقرب منهم كمان ،،،، انا عارف انك عاوز تتعلق باي امل ،، انا بحب وعارف يعني ايه حب ،،،، حاسس بيك وبعذابك ،،، بس كمان انت مش هتفضل طول عمرك بالشكل ده ،،،،
تنهد بقوه #كل اللي بتقوله صح ،،،، وانا عارفه كويس اوي ،،، في حاجه واقفه بيني وبين ماسه ،،،، حاجه انا مش عارف اوصلها لوحدي ،،،، عارف لوتتكلم
قاطعه #ماسه عشان تتكلم لازم تتصدم ،،،ودا محصلش في حياتها غير مرتين اتنين ،،، مره يوم ماعرفت بحملها في ناصر ،،،،،والمره التانيه يوم ماخطفها عدي ،،،، انا متاكد انها هرتلت كتير برغم انك مقلتش حاجه ،،،،اللي انا متاكد منه انها بتحبك فعلا ،،، فعشان تنطق لازم تتصدم ،،،،والصدمه دي انها تحس انك هتروح منها فعلا
#يعني تفتكر هتعمل حاجه
فهد بضجر #احتمال تسمك ودي مصلحه كويسه عشان اشوف العيال اللي نسيت اشكالهم يابني انا يوميا بخرج من القسم عليك ،،،،
#انا عارف انك تعبت معايا ،،، بس اعمل ايه انا لو متكلمتش هموت
وكز كتفه #بعد الشر ،،، يلا زي بعضه اقبل صاحبك علي عيبه ،،، يلا قوم روح والتزم البرود اتكلمت فتحها في موضوع الجواز حاولت تقتلك اتصل بيا علي ما اوصل تكون هي خلصت عشان الم الموضوع وادفنك في سكوت جنب اخوك دي بنت عمي برضه ،،، مش هفضحها
حدق بوجهه لينفجر ضاحكا
#ونعم الصديق يافهد
شاركه فهد الضحك لينصرف كليهما ،،،،
❤❤❤❤❤صلي علي النبي محمد ❤❤❤❤
