عشق الحياه ،،،، قرأ هاشم الاسم علي الزجاجه امامه لاكثر من مره لتمر علي شفتيه ابتسامه ،،، لم يكن يتخيل ابدا ان شيء كهذا يمكن لزواجاته ان يصنعوه ،،، العطر بالفعل رائع ولاقي رواج لم يتخيله احدهم ،،، ولاهو في الحقيقه ،،،، ابيه سعيد بشده بما انجزوه يسعد بشده عندما يخبره
#خلاص فاطمه وجوان عيعملوا ديوان تاني
هم يستحقوا هذا يعلم انهم بذلوا الكثير من الجهد للحصول علي تلك النتيجه ،،،، الغريب انهما متناغمتان تماما وهذا جيد جدا له ،،، ولكن ماان يقررا الاتفاق عليه ينتهي به الحال نائم بغرفه ولده حتي تحن عليه احداهما وتصالحه ،،، الاثنان تغيرا ،،، تغيرا بشده ،،، فاطمه لم تعد مقهوره صارت تصرح بآرائها بقوه وتدافع عنها ،،، وجوان ،،، جوان اختلفت قلبا وقالبا ،،،،، جوان صارت فتاه من الصعيد تعلم عاداتهم وتتحدث احيانا بلسانهم نعم تخلط كلماتها مثله ولكن طلتها الجديده اكثر روعه ،،، زارهم حماه في بلدتهم ليراها لم يتوقع تلك الزياره ويبدو انها فاجأتها كذلك ،،، ماان رأته حتي صدمت وتركته لتصعد لجناحها
كان في سبيله للصعود خلفها ولكنه قال
#سيبها ياهاشم ،،، انا اجيت بس عشان وحشتني اوووي ،،،، بس عارف انها زعلانه مني
قال بتاكيد #مهما كانت زعلانه منيك ميصحش اللي عملته ده ،،، انت في بيتنا ياعمي ،،،،، حقك علي راسي
هز احمد كتفه وقال باسي
#انا اللي فهمت اتصالها بيا غلط كنت فاكرها سامحت بس كان لازم افهم عشان هي متكلمتش عن اي حاجه الاالمكن وبعتت حقه
كان يشعر بالحرج وحاول اباه تخفيف الاحتقان
#اباي يااحمد مالك قلبتها غم اكده ،،، جوان مفيش اطيب من قلبها بتزعل وتصفي زي العيال الصغار تمام
احمد بحزن #عارف ياسليم صدقني انا مش ندمان اني سلمتها لهاشم ،،، كنت عارف ومتاكد ان هاشم هيصونها ويحافظ عليها
#يامرحب يامرحب نورت الصعيد كلياته ياابو جوان
احتوت فاطمه الموقف برمته كالعاده اقتربت احمد #الصعيد منوره باهلها
فاطمه # مهو انت كمان بقيت اهلها عشان جوان بقت منينا خلاص
ابتسم لينظر الي سليم
#بنتك ياسليم
سليم #اومال بت اخوي تبقي بتي تمام ،،، دي فاطمه مرت هاشم
فاطمه #بالله عليك ماتزعل من جوان هي متقصدش هي بس واخده علي خاطرها منيك ،،، مش عشان بعتها اهنه لاع ،،، عشان مسألتش عنيها المده اللي فاتت كلاتها بس هي مزعلناش اني فهمتها ووعتها انك تركتها عشان تهدي بس ،،، هي جايه مع ياسين
يعلم ان فاطمه تستطيع الثاثير علي الجميع بدأ من ابيه نهايه بياسين والان كان لكلماتها مفعول السحر علي احمد ،،،تحسنت العلاقه وعادت جوان تتحدث اليه ،،،اما بالنسبه لنديم ، ،،هو رجل يمكن ان يكون صديق رائع دائما يسال بصوره عابره ولكن ماان يلوح اسمه فقط علي شفتيها حتي يعلن الحرب ويرفع ريات الملكيه. ،،، نعم هو عاشق يغار حتي الجنون ،،، غيره الصعيدي نار تحرق وغيره العاشق بركان يتفجر
#خلصت يادكتور ولالسه
رفع عيناه لحمزه وقال باسما
#داخل تكيه سيادتك
جلس حمزه علي المقعد وقال باسما
#مهو انت لومش سرحان كنت وعيتلي وانا بخبط
عقد ذراعيه وقال بحنق #هاه سبب الزياره يااستاذ
#شوف ياهاشم ياحبيبي
قاطعه #حمزه وبعدهالك بقي
#هدي خلقك بس ،،، دلوقيت انا خطبت اختك صح
زفر بضيق #هات من الاخر
حمزه #عاوز اتجوز يااخي زي البني ادامين
#وهو حد مانعك مش انت اللي سافرت مصر بعد الخطوبه ومحدش شاف خلقتك
حمزه موضحا # كان لازمن ارتب شغلي ياهاشم ،،،، ابا الحج موافقش اني اقعد هناك ،،، صفيت الشفل وهفتح اهنه
هاشم بجديه #تمام اكده هخبر ابوي ونستناك عشيه انت وابوك ،،، علي فكره زينب بتشتغل
قطب #بتشتغل كيف يعني دي لساتها في الكليه
#بتشتغل في البيت ،،، حريمات البيت عملوا مشتل وبيصنعوا عطور
قال جملته ليناوله الزجاجه امامه تشممه حمزه ليقول بانبهار
# انت بتتكلم جد ،،، العطر ده هما اللي عملينه ،،
هاشم ببتسامه #انا كمان انبهرت بيهم
حمزه بجديه #طب بينتجوا منيه قد ايه
هاشم #مخبرش ،،، هما جابوا مكن واخدوا الاسطبل القديم وشغلوا معاهم حريمات البلد
تطلع حمزه للزجاجه وقال بجديه
#شوف بجي هما محتاجين تصميم ازازه احلي من كده ،،،تكون فاخمه كده ،،، وشويه دعايه وتسويق صح ،
هاشم #انت مالك كبرت الموضوع ليه
حمزه بجديه #اباي ياهاشم كبرت ايه بس ،،، العطر ده لواتوزع صح في السوق هيمسح الموجود ،،، حرام تعبهم يضيع في الفاضي
هاشم #خلاص قلي مين اللي يصمم الازازه دي
#شوف انا هختار شويه تصاميم حلوه اجبها وانا جاي مع ابوي عشيه هما يختاروا وانا هوفرلهم الكميه اللي يقدروا ينتجوها
#طب والتسويق
فرك حمزه يديه #دي شغلتي بقي ،،، انا اللي هسوق وهاخد جزء من المكسب
#خلاص هخبرهم باللي قلته واشوف رأيهم
#ماشي وانا هروح اشوف التصاميم
قال جملته ليخرج ويتحرك هاشم هو الاخر الي الخارج ،،، بعد قليل كان يترجل للبيت ليتعلق ياسين بعنقه #بوي ايجه
رفعه هاشم ليقبل بين عيناه ويتحرك به
#هاه قلي بقي عملت ايه النهارده
ياسين # اماي جوان خلتني ااقطف الورد واماي فاطمه خلتني اعمله اكده وبقي ريحته حلوه جوي
قال جملته ليضع يده علي انف هاشم
#ريحته زينه كيفك ،،، هما وينهم دلوج
#لساتهم في التشتل
انفجر ضاحكا #اسمه مشتل ياياسين تعالي نروح عنديهم
قال جملته لينطلق بالفتي للخارج تقريبا تلك المره الاولي التي يدخل المشتل ،،،، لقد بدلوا المكان بالكليه ،،، الكثير من النساء يعملن ،،، تحرك للداخل لتطالعه فاطمه ترتدي كمامه وبالطو ابيض وقفازات تخلط بعض المواد ببعضها البعض
#هاشم اول مره تجي هنا
التف ليري جوان اتيه نحوه تحمل مجموعه من الزهور ذات الوان مختلفه
#قلت اشوف اللي بتعملوه
نزعت فاطمه كمامتها لتقترب منه
#منور الدنيا كلها ياابو ياسين ،،، اتفضل ارتاح
هاشم #لاع انا هستناكوا في البيت في موضوع اكده عاوز اتحتت معاكوا فيه
قال جملته لينصرف بعد قليل كان الاثنان امامه
جوان #في ايه ياهاشم
هاشم #خير اقعدوا اكده عشان نعرفوا نتحتت
جلس كليهما ليقول
#النهارده اجالي حمزه المستشفي
فاطمه بحنق #لساته فاكر
هاشم #فاطمه بوي شرط انه يعيش اهنه كان لازمن يرتب حاله المهم هو عجبه العطر اللي انتو بتعملوه بس قال ان الازازه عاوزه تتغير وتبقي افخم من كده
جوان #دا كان رأي فاطمه برضه بس عشان نعمل ازازه فخمه سعر ها هيزيد والستات بيبعوا هنا في البلد
هاشم #هو هيسوق وياخد جزء من المكسب بيقول حرام مجهودكوا يضيع اكده .هيجيب كام تصميم وانتو نقوا منيه هو جاي بكره عشيه
جوان بسعاده #هاااي وتبقي شركه جي اف للعطور ومستحضرات التجميل مشهوره
فاطمه #اه ويبيع بقي ونكبر المصنع ونشغل ناس كتير ،،
لفت جوان حول نفسها بسعاده
#انا فرحانه اوي اوي ،،،،آه
هب واقفا ليسند ترنحها وقال بلهفه
#مالك ياجوان
فاطمه بقلق # حاسه بايه
جوان #مفيش بس دوخت شويه بس انا كويسه
فاطمه #هعملك كوبايه ليمون وشك مخطوف
هاشم بقلق #حسه بايه
جوان #مفيش ياهاشم شويه دوخه بس ،،،، وبطني وجعاني شويه
رفعها بين ذراعيه #تعالي فوق اكشف عليكي اشوف ايه الحكايه
تعلقت بعنقه #والله انا كويسه قلقت عليه
ابتسم وهو يتحرك بها #طبعا لازم اقلق وقلبي يقف كمان
#بعد الشر علي قلبك داانا عايشه فيه
اراحها علي الفراش وبدا يفحصها بهدوء ،،،، جوان بقلق
#مالك في ايه هو انا عندي حاجه
جلس علي طرف الفراش يمسك كفها بكفه
#اخر مره حضتي فيها كانت ميته
هزت كتفيها #ممش بركز في الحكايه دي ليه
رفع يديها ليقبلها وقال بسعاده
#لازمن نتوكد الاول نعمل شويه تحاليل
قالت بقلق #هو ايه الحكايه بالظبط انت ليه كبرت الموضوع كده
#ياحبيبه قلبي متقلقيش
حرك كفه علي بطنها #الحكايه ان احتمال تكوني حامل
قالت بسعادهو#طب احلف كده
#نتاكد وبعدين احلف زي ماانتي عاوزه
طرق الباب تبعه دخول فاطمه
#عملتلك كوبايه لمون ترد روحك
جوان بسعاده #هاشم بيقول ممكن ابقي حامل ،،،
فاطمه #جد ،،، ياياسين تعالي
دخل الصغير لتقول فاطمه
#امه جوان هتجيب نونو صغير قد اكده يبقي اخوك
صفق الصغير وقال #ويبقي حلو زييها عنيه زارقه وشعره اصفر
ضمته جوان #لاء هيبقي حلو زييك انت عنيه عسلي وشعره اسود
هاشم #حلو اوي اكده نتاكد بقي ولاااااا
❤❤❤❤❤استغفر من ذنبك يغفر لك الله
