#خالتو وعمو ليث وماما وحشوني اووي
رفع نديم عيناه الي الفتي لايدري كيف زرع هذا الفتي حبه بداخله في اسبوع واحد ،،،، لون حياته الباهته الكئيبه ،،،، الفتي يفتقد وجود اب له وحده لايشاركه به احد ،،،، فهم ضمنيا ان الجميع يعامله جيدا يعطف ويحنو ولكنهم غرباء جميعهم من دم امه لعل هذا هو السبب في تعلق الفتي به انه الوحيد الذي يحمل دماء ابيه ،،،مسكين هذا الطفل ،،،نعمه من الخالق عدي لايستطيع الشعور بقيمتها ،،،،،، عدي ترك ولده وعاد لمجونه الاحمق ،،،، لايستطيع فهم تفكيره ولكن عدي تغير اصبح اكثر عصبيه لدرجه الجنون ،،،، المخدرات الداء اللعين سم مغلف بطبقه من العسل ،،،، شيء يساعد علي النسيان احمق من ظن هذا ،،،،، المخدرات والخمر لن يمحو مشاكلك لن يعدلو حياتك سيسوقوك من سيء لاسوء ،،،تنشر سعاده زائفه الي متي ،،، حتي ينتهي المفعول ،،، اللعنه علي عقول لاتدرك لما حرمها الله ،،،،حرمها لانه كرم الانسان بنعمه عقله ليدبر حياته ،،والاحمق من يغفل عن ذلك فيحاول اذهابه
#عمو انت سامعني
انتبه الي الفتي ليبتسم
#معلش ياناصر سرحت شويه كنت بتقول ايه
#كنت بقول ان خالتو وعمو وماما وحشوني
#اممم زهقت مني يابطل
قال بسرعه #لاوالله ياعمو انا بحبك اوي ،،، عارف،انا نفسي في ايه ،
#ايه
#نفسي نبقي كلنا في بيت واحد
قطب مفكرا #تقصد انت وماما وبابا يعني
ناصر بسرعه #لاء ااقصد اااايوه بس انت كمان تبقي معانا ،،، هو ليه بابا مش بيتكلم معايا ويحبني ذيك
ربت علي كتفه #مين قالك كده بابا بيحبك جدا
ناصر بتردد #عمو هوبابا ااااايعني ااقصد
#عاوز تقول ايه ياناصر اتكلم
#اصل انا امبارح رحت لبابا عشان اطمن عليه يعني ،،، كان ااااا بيشرب سيجاره رحتها وحشه اووي وعنيه مقفله ومش عرفني دا قالي انت مين
زفر نديم بضيق اللعنه عدي الاتستطيع حتي تمثيل دور الاب لبضعه ايام حل هذا الصغير ان يبتعد عن محيطه ولكن قلبه هو من تعلق به
#شوف ياناصر ،،، الدنيا مش خير وبس ومش شر وبس ،،،، كل واحد بيتولد في الدنيا بيبقي جواه الاتنين الخير والشر ،،،، ربنا سبحانه وتعالي ادلنا عقل عشان نميز حطلنا علامات علي الشر وحذرنا منه ،،،،، بس في ناس بتبص بس علي الشر وتسيب الخير اللي ربنا زرعه جواها
#وبابا من الناس دي عشان كده ماما قالت انه ميت
فرك جبهته وقال # انت مش عيل صغير انت راجل كبير تقدر تفهم وتفرق بين الخير والشر ،،،، والدتك قالت كده عشان هي مختلفه مع باباك ،،،، يمكن كانت عاوزه تبعدك عنه عشان متتأثرش بيه
تنهد ناصر بقوه #عارف ياعمو لماكنت عارف اني يتيم كنت بتخيل ابويا زي عمو ليث وعموفهد اصل الاتنين بيحبو ولادهم اوووي ،،،،عمو مأمون شويه بعيد عن ولاده ،،،،،عارف عمو ليث عمره مازعلني ،،،لما كان يجي يتلقاني بعيط يطبطب عليا ويجبلي حقي من حنين الرزله ،،،، وخالتو كمان طيبه اوووي وانا بحبها اوووي سعات كنت بتمني ابقي ابنهم ،،، لما عرفت ان بابا موجود فضلت احلم انه هياخدني في حضنه ويبقي قريب مني اووي ،،،، بس هما ليه مش بيحبوني ياعمو انا فيا حاجه غلط
اعجزه الصغير البائس ليضمه بين ذراعيه يربت علي شعره ،،،، ناصر الصغير بعث بداخله حنينه لولده الراحل عن الدنيا ،،،، زفر بقوه ليمسك ذراعيه
#اسمعني وافهم اللي هقولهولك دا كويس اوووي ،،،، ربنا لما بيقفل باب بيفتحلك غيره اوسع بكتير ،،، يمكن باب ابوك مقفول بس شوف النعمه اللي ربنا مديهالك ،،،، ربنا جعل حبك في قلوب الكل ،،،، عيله والدتك كلها بتحبك ،،،،وانا كمان بحبك اوي ،،،وربنا يشهد انك جوايا زي ابني بالظبط ،،،،، والكلام اللي انت حكتهولي عن والدتك بيقول انها بتحبك جدا يمكن بس مش بتعرف تهتم ،،،،، يبقي انت واجبك ايه
ناصر بحيره #اعمل ايه ياعمو
ربت علي ذراعه #قرب انت منها ،،،، والدتك لوحدها ياناصر ملهاش حد غيرك ،،،، وانت راجل ااقوي منها انت اللي تحميها من الدنيا كلها ،،،، والدتك علي قد ماتبان جامده وواقفه هتبقي ضعيفه جدا بس بتداري الضعف ده ،،،،
قال باحباط #ياعمو انا بقالي اسبوع هنا متصلتش بيا خالص خالتو وتيته هما اللي بيتصلو
ابتسم #برضه عبيط ،،، اللي زي والدتك مستحيل يتصل عشان ابوك ،،،هي بس بتطمن منهم طب جرب واتصل انت بيها وشوف هتعمل ايه
#مش هتزعقلي
#لاء مش هتزعقلك جرب وهتشوف
لقد راهن علي قلب الماسه التي حيرته ،،،لما تشغل تفكيره بهذا الشكل امراه فولاذيه كما ادعي عدي جامده قويه لاتهاب من شيء هذه هي المعلومات التي جمعها عنها خلال هذا الاسبوع الغريب ان ثقه عدي في محلها بالفعل ،،،، الطفل ولده ويبدو ان لحظه ضعف الماسه اوقعتها مع الشخص الغير مناسب ،،،، الماسه جاديه بشده الجميع يهابها اي امراه تلك ،،،، استوعب لما يريد عدي رؤيه ضعفها لانها لاتضعف ،،،،احمق تلك الماسه المتحجره واثق ان لديها قلب نقي دفنته في عمق سحيق انتبه الي وجهه ناصر الذي يستمع لحديث امه
ناصر #انتي كمان ياماما وحشتيني اوووي اوووي والله
################
#لاء والله مش بكذب ومش عنت هكذب تاني عمو نديم قالي ان اللي بيكدب ربنا مش بيحبه وانا عاوز ربنا يحبني
###############
#اخو بابا عارفه هو اللي بيهتم بيا
########################
#ماما اللي بيكدب بيروح النار
###################
انفجر ضاحكا وقال #لاء مش بربيكي ولاحاجه انا بحبك اوي عارفه انا بقيت بركب خيل عمو نديم علمني
################
#يعني انتي مش زعلانه
#######################
#اشتركلي في النادي عشان اتعلم سباحه هتوديني
#############################
#مش عارف شوفي انا هقول لعمو نديم انتي وحشتيني اوووي
####################
#بجد انتي احلي ام في الدنيا
##############
#لاء مش عشان الفون بس عارفه انا مكنتش اعرف ان انا بحبك اووي كده
########
#وانتي كمان والله خدي بالك من نفسك ماشي
###################
اغلق الخط ليقفز للاعلي بسعاده يقبل خده
#انا بحبك اوي ياعمو
#ايه الحكايه اهدي كده وفهمني
عد علي اصابعه بانفعال
#ماما قلتلي وحشتني اوووي وبتتكلم معايا حلو وجبتلي الفون اللي طلبته منها
#مش قلتلك
#عندك حق كانت زعلانه عشان انا متصلتش ،،، ماما فاكراني عيل صغير بتقولي ابوك اكيد مشغول انت بتضحك علي ايه ياعمو
هز راسه نفيا #مفيش ياحبيبي
#ماما فرحت اوي عشان انا اتعلمت اركب خيل وقالتلي انها هتوديني تمرين السباحه ،،،عارف ياعمو ماما طيبه اوووي بس هي اللي مش بتعرف تعبر انت عندك حق ،،،، عمو هو انا لو روحت هشوفك تاني مش كده
#شوف انا هروح لعمك ليث اكلمه واتفق معاه اخدك تعد معايا يوم في الاسبوع ايه رأيك
قال بحماس #،ماشي بس بلاش عمو ليث روح لعمو فهد ماما بتسمع كلامه
قطب #اشمعني.
#اصل عمو فهد شكله يخوف اووي ،،،، داانا بترعب منه لما بيبقي لابس ظابط وحاطط السلاح ،،، مع ان عمره ماشخط فيا
انفجر ضاحكا #يعني عاوز تفهمني ان امك بتخاف منه عشان كده
#لاء مش ماما بس العيله كلها بتخاف منه ،،، عمو فهد شديد اووي وكلمته واحده زمان كان بيضحك شويه بس من ساعه مااتولد اسلام وهو مبيضحكش خالص
قطب #ليه هو اسلام ماله
#مش بيسمع بيصعب عليا اوووي ،، بس ادم واحمد علي طول معاه محدش يقدر يزعله ولايقوله اي حاجه
#لااله الاالله ربنا يكون في عونه ويشفيهوله
#يارب ياعمو ادعيله عارف انا مره حطيت قطن في ودني عشان اعرف هو حاسس بايه ،،، صعب اووي ياعمو انك متسمعش
ربت علي كتفه #يبقي تحمد ربنا علي نعمته
#الحمد لله هتكلم عمو فهد مش كده
#هكلم عمو فهد ماشي
#خلاص يبقي هروح لماما اتصل ببابا بقي اقوله
#لاء انا هتصل بيه روح انت غير هدومك يلا
ارتسمت علي وجهه ابتسامه لقد ربح الرهان الماسه لديها قلب عطوف منذ حديثه مع عدي وهي تقتحم تفكيره بصوره لم يعهدها هو بنفسه ،، تري كيف تكون الماسه ،،،
❤❤❤❤صلوا علي محمد ❤❤❤❤❤❤
