# ،،، انتي لسه مراتي ورحمه ابويا يااسيل لهطلع عليكي اللي اتعمل فيا كله
ترتعش برعب وهي تراه يقترب انفاسها تنطبق تحاول التحرك ولكنها مقيده لتهمس برعب
#حرام عليك انا معملتش فيك حاجه وحشه انت ليه بتعمل كده ،،، انا عمري ماأذيتك
اقترب ليجذب شعرها بقوه
# امال اللي عملتيه ده ايييه هاه ،،، فاكراهم هيحموكي مني مش هرحمك فاااهمه
بلال يقف بعيدا وينظر اليها لتصرخ
#بلال الحقني
فقط ينظر اليها باحتقار ليبتعد
#بلال متسبنيش
تامر #محدش هيحميكي مني
لتصرخ #لاااااااه
#اسيل ،، اسيل قومي ياحبيبتي
فتحت اسيل عيناها لتهرب الدموع المحتجزه خلف جفونها لتطالع وجهه امها جومانه بقلق
# اهدي ياحبيبتي شوفتي كابوس
ارتمت علي صدر امها وقالت باختناق
#كابوس وحش اوووي ياماما ،،، انا خايفه
احتضنت وجهها لتقول بقلق
#ايه حكايه الكوابيس دي انتي بقالك فتره علي كده
سقطت دموعها لتقول
#مش عارفه ياماما انا خايفه اوووي
ربتت جومانه علي كتفها
#طب اهدي بس عشان خاطري استغفري ربنا ،،، طب بس فهميني ايه اللي مخوفك كده
قالت باختناق #بقالي فتره بحلم بتامر ،،،، بيقول ان انا لسه مراته وانه مش طلقني
جومانه بغضب #هو انتوا كنتوا اتجوزتوا عشان تتطلقوا ،،،، انتي مخبيه عني حاجه
هزت راسها نفيا #لا والله ،، انا حكتلك كل حاجه ،،،، ماما انا مرعوبه الكوابيس دي خنقاني اوووي
تنهدت جومانه # مش هقولك انتي اللي عملتي في نفسك كده ،،،، كلنا بنغلط يااسيل ،،، انسي اللي فات عشان تعرفي تشوفي اللي قدامك ،،، بلال ابن حلال وبيحبك
قالت بحزن #ياماما بلال ميعرفنيش ،،، انا عارفه انه حد كويس محترم وطيب ،،،، العيب مش فيه العيب فيا انا ،،، انا اللي مرعوبه ،
جومانه #لازم توجههي اللي جواكي وتتغلبي علي الخوف ده ،،، محدش يابنتي بيغير مكتوب
سقطت دموعها#ياماما انتي مش فاهمه انا بقيت بخاف امشي في الشارع من غير اسر ،،، بخاف اشوفه صدفه
جومانه بحزم #ميقدرش يقرب منك يااسيل انتي متعرفيش عمك عمل فيه اييه
#مهو ده اللي مخوفني اكتر ،،، خايفه ينتقم مني
ربتت جومانه علي شعرها بحنان
#متخفيش من حاجه طول مااحنا موجودين في الدنيا يااسيل مش هقولك ابوكي بس لاء ،،، كل رجاله الحداد في ظهرك من اكبرهم لاصغرهم ،،، اسمعي يابنتي وارد ان اي حد يتصدم ،،، بس مهما كانت الصدمه قاسيه الايمان بربنا بيخفهها ،،، اتفقلي خير وبصي علي ربنا قسمهولك هتتلقي فيه العوض عن اللي راح ،،،
تنهدت بقوه #يارب ياماما
#يلا ياحبيبتي اومي خدي شاور وصلي عشان بلال زمانه جاي ،،، علي مااروح اطمن علي اسر
قالت جملتها وخرجت من الغرفه لتتبعها عيون اسيل ،،، امها لاتفهم انها بالفعل بدا قلبها يميل لبلال وتخشي ،،،تخشي التعلق تخشي هدم الصورة الحسنه التي يراها بها مئات المخاوف تعيث الفساد في نفسها ولااحد يشعر ،،،،،،منذ ذلك اليوم عندما رأت صديقه عادل مصادفه نظرة عيناه لها ارجعت الماضي حي لينهش بها وتتخطفها المخاوف ،،، مخاوف الفقد ،،، مخاوف القرب والاكبر مخاوف من الحب الذي بدا يطرق باب قلبها
..............................................
فتح ادم الباب ليطالعه دميه كبيره من الفرو يحتضن قلب من اللون الاحمر ابعد الدميه ليطالعه وجه ناصر الباسم ادم بحنق
#ايه يابني المنظر ده
ناصر بحنق #طب شيل عن اخوك يااخي البتاع ده عماني
انتزع ادم الدميه ليضعها ارضا ليحمل ناصر بعض الحقائب الكرتونيه ويعبره
#هات الدبدوب وتعالي
ضرب ادم كفيه وقال بضيق وهو يحمل الدميه ويتبع الاحمق الذي تخطاه ودخل
#انت روحت فضيت محل اللعب خاطب عيله في الحضانه انت
التف ناصر الي ادم ليرمقه شذرا
#جاهل ،،، اسمها متجوز عيله في الحضانه
ادم ضاحكا #طب والله لقولها
وضع ناصر الحقائب علي الطاوله لينتزع الدميه من يد ادم وينظر حوله
#هي فين اوعي تكون بتوقعني حاكم انا عارفك تعشق تهدي النفوووس
تقدم ادم لينظر داخل الحقائب وضع يده ليخرج بعض الحلوي وقال بحنق
#جايب لمراتك مصاصه وشيكولاته يااخر صبري ،،، مكنت فوت علي الصيدليه جبتلها بزازه وسيرلاك
انتزع ناصر الحلوي ليضعها بالحقيبه وقال بغيض
#انت ايش فهمك انت ،،،، البنات بتحب الحجات دي
داانا بلف علي المحلات من تسعه الصبح عشان اجيبهم
،#كلك زوق ياناصر
رفع كلاهما عيناه لفرحه التي تهبط مبتسمه وبجوارها اسلام
ناصر #رافعه معنوياتي ديما ،،، امال فين نور ياطنط
فرحه #نزله اهوه يافريده حضري الفطار
ادم هامسا #دلوقتي تنزل تلبسهم في دماغك
ناصر بحنق #يابني بطل فتي انت بس المهم طمني عملت ايه مع حنين
جلس ادم ليجلس بجواره ناصر
# فضلت مستني جنابك امبارح بس انت مدخلتش
حك ناصر رأسه وقال بارتباك
#لاء مهو مكنش ينفع ادخل اصل اااااالوقت اتاخر
اشاح ادم بيده
#لاء مؤدب اووي هبقي اكلمك بعدين
فرحه ،#ادم اخواتك صحيو ولالسه
#احمد واسلام صاحيين انس اللي لسه نايم
#طيب اطلع اندهلهم وصحي انس عشان الفطار
ناصر #امال عمو فهد فين دا النهارده اجازه
فرحه# نازل ياناصر
#صباح الخير
تعلقت عيون ناصر بجميلته التي تنزل علي الدرج بوجهها المشرق وعيونها البراقه ترتدي برموده تغطي ركبتيها وتشيرت باكمام قصيره لمنتصف ذراعاها وتربط خصلاتها الفاتنه علي شكل زيل فرس يبدو ان نظراته المفترسه لاحظها ادم ليوكزه هامسا
#احترم نفسك يازفت
ناصر بحنق #هو انا عملت حاجه ،،، صباح الخير ياحبيبتي
ادم بحنق #انتي لبسه كده ليه يازفته انتي
ناصر بافتتان #مهي زي القمر اهه
وكزه اخري من ادم ليتاوه ويهب واقفا
#ياعم انا مش قاعد جنبك انا عاوز ادخل دنيا
فرحه #عادي ياادم ناصر بقي جوزها
زمجر ادم بضيق ليتحرك ناصر حاملا الدميه والاكياس ويقترب منها هامسا
#صباح الفل يانور حياتي
ناولها الدميه التي تقارب طولها تقريبا
#دا عشاني
#عجبك
هزت راسها موافقه لتحتضن الدميه وتدور بها بسعاده طفله مفتون هو بها نور قادرة ان تعطيه شعور انه وهي في عالم منفصل عن الواقع ،،، فقط يراها ليدخل عالمها الساحر المليئ مفاجأت كاد يقترب ليغمر الجميله السعيده بين ذراعيه لولا يد احمد التي وضعت علي كتفه
#خف ياعم الحبيب
رفع ناصر عيناه لاحمد ليتنحنح بقوه
#احم احم ياطنط دا مسموش كلام انا كتبت علي البت دي من غير جوز الغفر دول
وقف ادم ليسحبه ويجلسه علي الاريكه ليصبح بينه وبين احمد
ادم #يابني قعده الرجاله بالدنيا عمك ليث قال كده
ناصر بغيض #هو اللي هيعمله فيك عمك هتطلعه عليا
احمد ضاحكا # في واحد عاقل يتجوز واحده ليها اربع رجاله
#خمسه لوسمحت
تطلع الجميع الي انس الذي هبط ليذهب مباشرا الي نور والدميه في يدها ليعلق
#ايه ده دبدوب هو انتي عيله
نور بغيض #ملكش دعوه يابارد وقسما بالله ياانس لو مديت ايدك عليه لتكون واخد من ايدي علقه موووت
فرحه#بااااااس ملكوش دعوه بيهم
نور بسعاده وهي تتفحص الحلوي
#ربنا يخليك ياناصر دي حجات حلوه اووي
ناصر #ويخليكي ليا ياحبيبتي
احمد #يابني هو احنا شفافين قدامك
هب ناصر واقفا ليقول بغيض
#ياجدعااااان البت دي مراتي والمصحف
فرحه ضاحكه #سيبك منهم ياناصر كل واحد فيهم هيروح لخطيبته
اقترب ناصر من فرحه ليقول بحماس
# انتي اللي ليه في البيت ده والله العظيم بحبك اووي
و
قطع كلماته لانه تقريبا رفع في الهواء ليسمع صوت فهد الراعد
#نهار ابوك مش بينله ملامح انت بتقول لمين الكلام ده
ناصر بخضه # اااااااا
فرحه ضاحكه#نزله يافهد
انزله فهد ليقول بجديه
#عارف لواتكررت تاني هعمل فيك ايه
عدل ناصر ثيابه #ياعمو لو مش واخد بالك طنط فرحه زي ماما بالظبط
فهد #امك في بيتكوا واتلم بدل ماابعتك ليها جثه ماشي
نور #خلاص بقي يابابا امسحها فيا المره دي ،،،
قالت جملتها وناولته قطعه شيكولاته وكزه فهد ليتناول الشيكولاته
#فورت دمي علي الصبح
فرحه #يلا عشان الفطار جاهز
اجتمعوا علي مائده الطعام فرحه
# احمد ابقي هات تقي وتعالي بعد الغدا
احمد #انا مش رايح شويه كده هتصل واعتذر
فهد #في ايه انت مش قلت معزوم
احمد #لاء حاسس اني تعبان شويه
نور بقلق #مالك يااحمد
احمد ببتسامه باهته #مفيش حاجه بس مصدع شويه
تبادل فهد وفرحه النظرات لينسحب احمد ،،، فهد لادم
#اخوك ماله
ادم #معرفش انا رجعت امبارح وهو نايم
هبت فرحه واقفه لتتحرك
#انا هروح اشوف ايه الموضوع
تحركت فرحه للخارج لتجد احمد جالس في الحديقه بشرود اقتربت لتجلس بجواره
#ايه الحكايه احنا سيبناك امبارح كويس ولما رجعنا كنت نمت
تنهد بقوه #انا منمتش من امبارح ،،، ماما انا استعجلت في موضوع الكتاب
قطبت#ليه انت مش بتحب تقي
#بالعكس تقي الوحيده اللي حسيت انها نصي التاني بس ،،،، حسيت امبارح ان انا مش كده بالنسبالها
#بس اللي اعرفه انها بتحبك يااحمد .
#هي قالتلك كده
هزت كافيها #اكيد مش هتقولها صريحه بس امك مش عيله صغيره ومش عبيطه ،،،
#طب تقولي ايه لوقلتلك انها عاوزه تأجل سنه
#احمد تقي ظروفها الماديه
قاطعها #انا كلمت عم محمود في الموضوع ده بعد الخطوبه علي طول ومفهمه ان تقي ملزومه مني وانا مش عاوز منه حاجه
ربتت علي كتفه #شوف بقي صحيح تقي وعيلتها ناس غلابه بس خد بالك الغلبان ديما عزه نفسه وكرامته في السما ،،، صعب يابني اقول لجوز بنتي خدها بشنطه هدومها دا لو قدرت كمان اجيبها ،،،، يااحمد لولا ان انا رحت لام سجود وقفتها في وسطنا الست كانت فضلت واقفه علي جنب ،،،
احمد #دا كمان اللي حصل مع عمو محمود ،،، تفتكري دا السبب طب ليه متكلمتش لما سالتها
# عشان متصغرش ابوها ،،، اسمعها بقي مني نصيحه انت لسه في اول الطريق واحده واحده هتفهموا بعض اكتر ،،،، اوعي في يوم تقفل الباب وتبعد ،،،، متخليش بينك وبين مراتك حاجز يفضل يعلي لحد مايجي يوم عليك متقدرش تشوفها ،،،،، اوم روح لمراتك واتكلم معاها بالعقل افهم منها ،،،، لسه مأخدتش عليك حقها تديها فرصتها مش تتقمص وتاخد جنب ،،، انت مش عيل صغير يااحمد عشان تتقمص
قال بحنق# ياماما مش اتقمصت انا اتصدمت ،،، عارفه انا بعد الايام عشان الدراسه تخلص وتبقي معايا تقوم تقلي ااجل سنه قفلت ياماما
فرحه بحنق #ولا انا معنديش مراره ،،،، قال قفلت قال ،،، امال لما تحصل مشكله بجد هتعمل ايه ،،،
#انا مبهربش ،،، المشكله ان انا معرفش ان كانت بتحبني فعلا ولالاء
ربتت علي ساقه #يبقي تقرب عشان تعرف وتتاكد يلا قوم هتلها حاجه حلوه وروح اقعد معاها وابقوا تعالوا اخر النهار تقعد مع اخواتك ،،، بس اوعي تعمل زي الاهبل اللي جوه ده وتروحلها بدبدوب
احمد ضاحكا #داانا لوروحت بواحد زي ده مش بعيد قوقه وزعقوقه ياكلوني وياكلوها ويكلو الدبدوب
#مين دول
#اخواتها الصغيرين
...................................................................
#كتتتاب اييييه
قال باستغراب #ايه الرعب ده انا بقولك هنكتب مش هقتلك
شردت في الماضي القريب وكلمات تامر تتردد في اذنها وكانها سياط تجلدها
#انا مش عاوز حد يخدك مني هنكتب ورقه عشان محدش يبعدنا عن بعض
#هاااي سرحتي في ايه
نظرت اليه لتهز راسها ببطء بلعت ريقها بصعوبه لتهمس بما وجدته من صوتها
#انت عاوز تكتب ليه
#عشان اقدر اقرب حلال ،،، اقدر اتكلم معاكي بحريه من غير قيود وسيله عشان نقرب من بعض ،،، شهرين بس وبعدين نتجوز ،،، ليه حاسك خايفه
اشاحت وجهها لتفرك يديها بتوتر
#مش خايفه بس اتفجأت مش اكتر
#قلتلك الكدب حرام
زفرت بقوه #مش بكدب بس انت لسه متعرفنيش و
قاطعها # مهو عشان كده عاوز اكتب عشان نعرف بعض اكتر ،،، بصراحه معنتش بالع حكايه اكلمك فون دي ،،، ياستي انا عاوز اخدك ونخرج ،،، انا كلمت عمو وهو موافق مبدئيا بس قلي اتكلم معاكي ،،، في الحقيقه مكنتش متوقع رد الفعل الغريب ده
قالت بتردد # طب افرض كتبنا فعلا وبعدين واحد فينا مرتحش ،،،،
حدقها للحظه ليقول بانفعال
#دا اللي هو ازاي يعني ،،،، شوفي يااسيل الموضوع كله لسه في ايدك ،،، احنا لسه مأعلاناش الخطوبه رسمي ،،، عاوزه تفضيها براحتك ومحدش يقدر يلومك المحبه دي من عند ربنا محدش يقدر يغصب عليها حد
الطبيعي ان احنا نكتب عشان انا بحضر الشقه فعلا عشان نتجوز وهبقي محتاجك معايا عشان الالوان والعفش ،،،، فكره حد مرتحش دي تبقي خاصه بيكي لوحدك وانتي اللي تقرريها مش حد تاني
لقد وضعها بلال بين شقي الرحي ،،، لايفهم مخاوفها ،،،لايفهم انها تخشي من اهتزاز تلك الصورة البريئه التي رسمها في خياله ،،،،بلال لايعلم ،،،،،اغمضت عيناها للحظه تريد فقط ان تطمئن وكيف لها السبيل الي ذلك
#ايه اللي مخوفك اوي كده ،،،، او اقولها بطريقه تانيه ،،، ايه اللي في حياتك مخليكي ديما قلقانه
قالت بارتعاش #ممممفيييش
هز راسه نفيا #انا مش عبيط يااسيل ،، انتي مستخبيه ورا حاجز ازاز ديما بحسه بس كنت بنكر ده واقول ده الطبيعي عشان احنا لسه مخطوبين ،،،، بس اللي انا بقيت متاكد منه دلوقتي ،،، ان في حاجه في حياتك انا معرفهاش واقفه بينا ومخلياكي ديما خايفه ،،،
#بلال اناااا
قال بتاكيد #اسمعي يااسيل ،،،، فكرة ان انا اتجوز دي كانت بعيده عن تفكيري ،،،، بمعني مكنتش بفكر فيها لحد ماشوفتك من كام شهر ،،،، ولاني اتشديت ليكي حبيت تبقي مشاعري ليكي قي اطار رسمي وحلال ،،،دااللي اتربيت عليه ومقتنع بيه جدا عشان كده كلمت والدك ،،،، ولما انتي وفقتي فتحتي الباب اني اشوفك معايا في المستقبل نكمل حياتنا مع بعض ،،،، نرسمها سوا ونعشها سوا ،،،،
قالت باختناق
#بس الصورة اللي شدتك دي مكنتش اسيل من سنه يابلال ،،،، انا اتغيرت جدا للاحسن وانا راضيه ،،، بس
#لسه بتبصي لوا ،، قلبك في حد واقف بيني وبينك
نبره الاقرار الحزين بصوته آلمتها لتقول
#لاء الحكايه مش كده ،،،، بلال انا مريت بتجربه قاسيه فوق ماتتخيل ،،، التجربه دي كسرتني وخلتني اخاف من كل حاجه
تنهد بقوه #انتي لسه صغيره ومتعرفيش حاجه في الدنيا ،،، الدنيا مبتتهدش علي تجربه قاسيه لكن ممكن حياتنا كلها تتدمر بسبب الاثر اللي بتسيبه التجربه دي
#اللي بيتكلم دلوقتي الاستاذ بلال المعيد بتاعي ،،، مش بلال اللي عرفته من كام شهر
ابتسم بفتور # يمكن يكون كلامك صح ،،،، بس كمان انا اكيد معنديش انفصام ،
قالت بترقب # بلال انا مش عاوزه نظرتك ليا في يوم من الايام تختلف ،،،، هو ده اللي مخوفني
عقد ذراعيه وقال بتاكيد
#محدش يقدر يحاسب انسان علي الماضي ،،،، عاوزه تحكي هسمعك بس مقدرش احكم عليكي
قالت بشرود #تفتكر لو عرفت هتفضل مصر تقرب ،، ولاهتتعامل معايا زي ماالكل كان بيتعامل ،،، اني وباء البعد عنه ينجي حياتك ،،،، انا عشت في سنه اللي يكبرني قد عمري مرتين ،،،، منكرش اتعلقت بيك ،،،بس الف حاجه وحاجه بتخليني اخاف غصب عني ،،، عارف سعات بتمني اني كنت شوفتك من زمان
علق #زمان ،،، انتي عمرك اصلا مفهوش زمان يااسيل انتي عندك عشرين سنه ،،، ايه اتقدملك وانتي طفله
#يمكن عندك حق كنت طفله ،،، اتعلقت بوهم وسراب ،،، الغريب اني كنت مقتنعه بيه اووي ،،،، زي ماكنت مقتنعه اللي بعمله صح ،،،، زي زي صحباتي اللي حوليا ،،،، اللي برضه اخترتهم غلط ،،،، عيله اتعلقت بكلمتين وصدقتهم ،،،،رسمت احلام ورديه علي وهم
قاطعها #ميهمنيش
حدقته ليكمل بجديه
#ميهمنيش لعب العيال دا كله انا عرفت اسيل زي ماهي ادامي دلوقتي ،،،، البنت اللي حلمت اكمل حياتي معاها ،،،،، بس لو لسه جواكي مشاعر لحد تاني انا هنسحب بهدوء ،،، ولو لاء يبقي تبصي لقدامك ونمشي في حياتنا وفي الحالتين انا هحترم قرارك جدا
قال جملته ليهب واقفا ليكمل
#هستني قرارك
قالت بسرعه #من فضلك مستبنيش وتمشي يابلال ،،، مش كل مرة تعمل نفس الحكايه وتقولي مستني قرارك ،،، انت ليه مش عاوز تفهم ان انا مش عارفه اخد قرار انا خايفه ،،، خايفه اوافق تظهر حاجه من الماضي تبعدك
قال بتاكيد #هو ده اللي مخوفك بس مش حاجه تانيه
هزت راسها نفيا ليتنهد بارتياح
#يبقي اتفقنا يااسيل ،،،،
قالت بسرعه #اتفقنا علي ايه
#ان الحاضر بتاعنا احنا اللي نرسمه
#يعني معندكش فضول حتي تعرف ايه الحكايه
#اكيد عندي واكيد هسمعك بس عشان تتاكدي انها متفرقش مش هسمعك الابعد اما تبقي حلالي
قالت بتردد #طب افرض
قاطعها #مفرضش الكلام خلص انا هتفق مع عمو ونكتب اخر الاسبوع ،،،وبعدين بابا عاوز يتعرف علي البنوته اللي جننتني بس خدي بالك لحسن بابا شقي يخطفك مني
بلال له مقدرة عجيبه لاخراجها من كل ما تحمل ،،، قدره منحها بسمه وضحكه تخرج من القلب تابعته يتحرك ليذهب ناحيه ابيها دقيقه واحده لتجده ينصرف وتتلقي التعاني من ابيها
#مبروك يااسيل بلال ابن حلال وانا هبقي مطمن عليكي معاه
جلس اسر بجوارها ليحاوطها بذراعه
#يابنتي افرحي ،، هعملك حته فرح ايييه
قالت بسرعه #لاء خليها علي الضيق احسن
مال اسر علي اذنها #بطلي رعب بقي وعيشي حياتك
هل يعتقد انها لاتتمني ذلك ،،،، بالعكس جزء منها سعيد والجزء الاخر متوجس خائف مرتعب من الاتي
❤❤اللهم ارفع مقتك وغضبك عنا ❤❤❤❤
