Cherry Blossom || JJK || BTS FF Series

🌸 Chapter Eight 🌸

Sa Ro's Proves.......

සමහර අය අපේ ජීවිතෙන් යන්නේ අපි හිතන්නෙවත් නැති වෙලාවක ඒ වගේම තමයි සමහර අය අපේ ජීවිතේට එන්නෙත් අපි හිතන්නෙවත් නැති වෙලාවක..

මෙච්චර කාලයකට මම හිතුවෙ මගේ ජීවිතයට ආදරය රැකවරණය කියන දේ උරුම දෙයක් නෙවෙයි කියලා... ඒත් එයා මගේ ජීවිතේට ඒ හැමදේම අරගෙන ආවෙ මං මේ දකින්නේ හීනයක් කියලා හිතෙන තරමට මාව අතරමන් කරමින්..

" සරන්ග්හේ...." මම කවදාවත් මගේ කනට අහන්න බලාපොරොත්තු නොවුන ඒ ආදරණීය වචනය කෙඳිරිල්ලක් වගේ එයාගේ කටහඬින් පිටවුණේ මගේ හදවතම හිරි වට්ටමින්..

හදිසි සිප ගැනීමට විරාමක් ලැබුණු මොහොතෙ මම බැලුවේ ඒ ඇස් දිහා.. ඔව් ඒ ඇස් වල පිරිලා තිබුණෙ මං වෙනුවෙන් ඉපදුණු  ආදරේ... ඔහු නැවතත් මා සිප ගැනීමට පටන් ගත්තෙ ඉතා මෘදු හා ආදරණීය ලෙසයි...

හඳ එළිය ශෘංගාරාත්මක හැඟීම් වැඩි කරනවා කියලා මම අහලා තිබුණත් ඒක මම විශ්වාස කරන්න පටන් ගත්තේ මේ මොහොතේ පටන්.. ඒ තරමට ඒ මොහොත  සුන්දරයි..

ඔහුගේ සිපගැනීම් හමුවේ මම හිටියේ ඔහුට අවනතවෙමින්.. ටික වේලාවකින් ඔහු මා හට තව තවත් නැඹුරු වූයේ සම්පූර්ණයෙන්ම මාව බැල්කනියේ බිමට පෙරලමින්.. ඒ සිපගැනීම එන්න එන්නම තීව්‍ර උනා...

ඒත් ටික වේලාවකින් ඔහු මගෙන් ඈත් වූයේ හදිසියේ යමක් මතක් වුණා වගේ.. මම ආපහු ඉඳගත්තේ මගේ අවුල් උන හිසකෙස් අතින් හදමින්..

අප දෙදෙනාම හිටියේ රතුවුණ මුහුණින්.. ඔහු අහකබලාගෙන හිමින් ඔහුගේ බෙල්ල අතින් පිරිමැද්දා.. ටික වෙලාවකින් අපි අපේ දිහා බැලුවේ එකම වෙලාට වගේ.. එයා මං දිහා බලාගෙන ඇස් පුංචි කරලා හරි ලස්සනට හිනා උනා..

" මියන්නෙයෝ.... මම හිතුවෙ නෑ ඒක එච්චර දුරදිග යයි කියලා...." එයා කිව්වෙ ආපහු එයාගේ බෙල්ල අතින් පිරිමදින ගමන්.. එයා නොසන්සුන් උනාම බෙල්ල අත ගාන එක පුරුද්දක්ද කොහෙද... මම හිනා උනා..

" අපි ඇතුළට යමු... දැන් ගොඩක් රෑ වෙලා... " එයා කිව්වෙ නැඟිටලා මට එයාගේ අත දෙන ගමන්.. මම මොහොතක් එයා දිහා බලාගෙන හිටියා.. මට මේ හැමදේම හීනයක් වගේ දැනුනෙ..