الرجل الاربعيني باللهجة الليبية

البارت 60

البارت الستووون

#الرجل_الاربعيني_ج3

#جميلة_جاسم

ﻋﻠﯿﮏ ﺍلقلب لیل ﺍﻧﻬﺎﺭ ینحب

ﺍﻟﺤﻠﻮ ﻏﺼﺒﻦ ﻋﻠﯽ ﺍﻟﻌﺸﺎق ﯾﻨْﺤٓﺐ

ﻃﺒﻊ ﺍﻟﻤﺤﺐ ﻣﻮ بل شفه ﯾﻨﺤﺐ

ﻣﺤﺒﺘﮏ ﺑﻞ قلب غصن علیا....

♡〰〰〰〰〰〰〰〰

داليا...قعدت وااقفه علي الدروج نشبح لي روحي ونشبح لي رعد...من ماات ومن من عيال حوراء ..اصلا..وهيا شن ردها....
طلع معصب مني السااعه واحد....مش بيدي منحبهاش ..
كل مصاايبي من ورااها اني ميلومني حد...برووحي ..معنديش مهرب...وهو ممنوع انشك فيه وممنوع انقوول عنده حااجه مع حوراء..واني..الي الييوم..هذا منسيتش الاهانة منه لما لقي الرساايل في نقاالي... خمس ايااام قعد لاوكلمني لا كلمته ....
علاش هو مفرووض ايقوول لااااا هذي مرتي داليا نعرفها ونعرف اصلها.وفصلها..
لاكن ديما الراجل معاه الحق..واحني النسون نااكلوها حارة علي قلوبنا ونسكتو ...

خشيت لدار... لقيت تليفوني .كلمته مرتين ماردش التالته مقفل .....عييت من كل شي .. ياربي الي درته صح ولا غلط... التفكييير ...ومن كل شي ...

بكييت بجد ...كل طااقتي في الدمووع ...مشيت لي برق ...رقدت معاه علي سريره ..وصكرت الباب...
معش حسيت علي روحي...
اي الصبح...

نضت علي بكاء..برق ...نسيت كل شي الي صار البارح شن ..اني كيف هكي درت...وخوراء..رجعتلي من جديد ..صح شعوور الغيرة صعب لو كانت وحدة تاانيه مقالتش اني نبيه وفضلتي ..كنت مدورتهاش ..لاكن حوراء... حباته وهو منعرفش شعوره شن...

..زعما جي ولا رقدت بروحي ... كلمته وماردش شن اندييرلا...

نضت ..غيرت لي برق وطلعته في الصاله ايمىد يلعب فيها...
مشيت خشيت الحمام غسلت وجهي.....وشديت شعري ..وقعدة في توته خفيفة ...

كيف فتحت الحمام ...جي في وجهي رعد ...
فم الحمام امقابل باب الدار...

طلعت..علي اساس بنتكلم معااه ... قعدت نشبحلا...
صبااح الخيير رعد...

ماردش اعليا شافلي من فوق الي لوطي .وهز راسه وخش ..للحمام ..

مشيت خديت ..برق ..ونزلته معاي..حطيته يلعب ..واني خشيت ..وتيت الفطوور..ونبي نعرف من ماات ..وشن صاار في هذييك الغووله ..ياربي ...شن العمر هواه....

حطيت قهوة علي الناار..وحطيت الفطوور ...جبت برق قعمزته علي الكرسي ... ونستني في رعد...
قعمزت علي كرسي مقابل باب الكوجينه ... والدروج...
شبحته ناازل من فووق ...
فاات للباب ..قعد برق يبكي بابا بابا ...
وطلع سمعت تقربيعة الباب بالقوة...

اوووف توة وين مشي وشن خزال ايحزها اني نغضب ونرضي زي الهبلة بكلمه هو تدفعي كبدك وربها ومايرضاش...