الرجل الاربعيني باللهجة الليبية

البارت الاول

كنت طفلا اركض خلف امي لتجمع لي من ازهار الربيع ما احب وحيدها انا
اري الدنيا بها وهي كذلك كنت شابا مراهقا عشقت الف مرة باكذوبه رأيت من حسن النسااء مالم يره غييري
كنت طالبا مراهقا صعب الطبااع والمزااج عنييد بكبرياء تغيرت وتعلمت وسلكت طرق صعبه جدا ترعرت في كنف امي وابي خوف امي جعلني حنين القلب وصلابة ابي جعلتني رجلا
..موت امي هشمني من الداخل فهربت لعالمي عالم الوحده ...
اما انا الان اربعيني الهوى والعمر

وتمضي بي الحياة فـي واقـع عشتـه ومـاضي تـعلمت منـه ومستقـبل نامل ان يسـير بنا بٲمانينا ..

رعد ..الرجل الاربعيني..

بقلمي جميله جاسم 👆👆👆👆

عدنا والعود احمد ..مساكم سعييد حبايبي قراءة ممتعه للجميع

واااقف علي روشن لقزاز المطل علي حدييقتي قدامي بري الحوش ..شهاااب .. ومهرة .. في الاسطبل اروع عاشقين اوفيااء لي بعض واجمل انييس لي في وحدتي ...

قمت طاسه القهوة شربت منها ونسمع في صوت الرعد جاي والامطاار فصل خرييف وجو من الصعب انك تطلع فييه التفتت

... قيمت حوشي بنيت كل شبر فيه برووحي منزل رجاالي غالب عليه اللون الاسود كنباات علي الطراز التركي عندي قبو تحت الحوش لأعمالي الخاصه اكبر مهندسين اشتغلو علييه حوش مناسب لرجل خدمته اصعب من عييشته ..

وحداني بروحي صوت الببغااء ايردد في كلامي مختلط مع صوت الرعد وصوت بوبي الكلب اوفي من بعض الناس اوفي حتي من بوي اصوات مجتمعه مش امحسستني بوحدتي نهاائي..

خديت قهوتي وقعمزت جنب الموقد الناار وتلفزيون مقابلني اكثر شي مأتر فيا في حياتي تخلي عيلتي عليا بسبب خدمتي بوي كان ضهر ليا امي متوفيه من ١٨ سنة شفت الجرح علي طوول درااعي علامة الخيااط قعده من ١٨,سنة مشيت عليها ايدي مرة واتنين و تفكرت لما بوي طلع متزوج علي امي بسر يومها تعاركت اني وبوي لانه امي علي اثر الخبر جتها جلطه وتوفت في مكاانها....

صعب انك تبني من رجل وتساعده علي خدمته وبعدين ايخونك ويبيعك هذا حال امي فلوسها وتعبها وشقاها عطاته لي بوي وبوي باعها وتزوج عليها بحجة يبي اولاد بي حكمة ربي مارزقش بولد اني ولده الوحييد وخسرني ...

الجرح هذا نفسه جرح في القلب اكبر واعمق منه بين يوم وليله لقيت روحي في الشارع مرت بوي مش ليبيه تعرف عليها بوي لما طلع لي الاردن وتزوجها وعنده منها تلات بنات فقط امي جابتني اني بس لما كنت صغير كنت منعرفش معني امي مريضه وخسرت امومتها اتقولي انته وحيدي في الدنيا واني مش مستوعب الكلام لما كبرت عرفت انه امي خسرت رحمها يوم ولادتي ..
الشي الي خلي بوي يكرهني عكس امي تعبت وربت وسهرت عليا صح اني وااخد الشهادة التانويه ومش مكمل قرايتي لاكن هذا نصيبي ولما توفت امي سيبت اقرايتي وخشيت طريق تاانيه طريق ممكن مش اي واحد ايخشها او مش اي واحد ايقوول نقدر انديرها زمان قبل ٢٠١١ كنت خاايف من الخطوة الي بنخطييها وترقب وحرص شديد لاكن توة حاليا كل شي متااااح لادولة ولا حكوومه اتحس روحك سيد نفسك ..