الرجل الاربعيني باللهجة الليبية

البارت التالت

الرجل الاربعيني ج1
#جميلة_جاسم

أُصِبتُ‌ بالكبرياءِ البارد,لم‌ يعُد يهمني ‌البشَر فجميعهم‌ عابِرون أسمَع‌ُ حديثهُم ‌المُزيّف ‌وأُدرِك الأكاذيبَ ‌فأبتسِم الا انت ياااصديقي وحدك وطن وامان ودونك عنااء وخراب 🖤 .

رعد .. نفتح ونغمض في عيوني نشبح فوقي خياال وااحد امطبس عليا غمضت من جديد انحس في راسي بينفجر صوتهم مش وااضح وشه في ودني الايمين انحس في دم بيطلع من عيوني رمشت مرة اتنين وفتحت عين وحده شفت اتنين واقفين وايد انحطت علي جفن عييني وفتحتهالي ااه وجع في رااسي مش راضي يوقف ركزت نضري عرفت هذا الدكتوور اني شن فيا وين اني اخر شي انتفكر فييه صورة البنت الي تشبه امي اول حاجه بنديرها نبي نعرف من هيا تلمست ايدي حسيت فيها كانونه امتاع التغديه ونسمع في صوت رعد رعد رعد تسمع فيا .. صوت انوثي يسأل اسمه هذا ولا لقب ولا علاش اتقول لا رعد ..
فتحت عيني وركزت فيها البنت نفسها الدكتورة الي سحبتلي دم رؤيه وضحت عندي سميير في الطرف لمين من السرير والبنت تضرب في ابرة في التغديه شبحتلها ..

شني نضت الحمد الله في السلامه صااحبك نااض تعال ..
دورت راسي لقيت سميير جاي ..
سمير ..رعد بشويه علي عمرك الضغط عندك في الاتش علاش يااراجل ماقلتش عندي الضغط ..

ساكت وعطشاان انحس في روحي مش قادر انتكلم ملح في حلقي ونزمط فييه قتلا ..
من قالك عندي الضغط معندييش جيبلي اميه ..
وانتي تعاااالي اقلعي الي في ايدي ..

اولا اني حوراء اسمي مش انتي وتانيا عندك ضغغط راقي والتغديه فيها ابرة تنزل الضغط لو قلعتها احتمال ايتحوللك مزمن لذلك خلييك رااقد وهني عمرك خونا ..

رعد .. عدلي حناكك غير مستشفي بس اقسم بالله انسقمهولك بي ايدي ..شبحتلي وهزت ايدها وطلعت ..

سمير ..اقسم بالله لو عندك اخت بنقول هياه اختك حسيتها احرف منك هههههه سكتاتك بكلمتيين ..

رعد.. اعرفلي منها بنت مني وين تسكن ..

سميير.. عجباتك قصدك نوض عاكسها بصوت الرقيق ههههههه ..

رعد.. والله ماهو وقت ضحك تعالي وقف التغديه تعااال بنحيها

سمير.. خلييها وريحنا ياراجل فكنا منها ..

رعد.. نضت عدلت رقدتي قعمزت علي طرف السرير فتحت اللصقه وقلعتها وحطيتها علي الطاوله جنبي ..سميير وااقف علي راسي ويصفق بي ايديها ..
سمير بتهبل ياااراجل انته خليتها كملت وطلعنا مع بعض ..

رعد ..انته جيبلي اميه بس بري بسرعه وانته سااكت شيشتين .. طلع سميير ومشيت لي كبوطي لبسته خديت مفاتيحي والسلاح لقيته في الكبوط نقالي ونقال نوري علي الدرج الي جنب السرير خديتهم وفتحت الباب وجيت طاالع جت في وجهي حوراء حولاء مش عارف شن اسمها ..