الرجل الاربعيني باللهجة الليبية

البارت الاربعيين

البارت 40

#الرجل_الاربعيني_ج2

#جميله_جاسم

يجب أن تكون لدينا الرغبة

في التخلّي عن الحياة التي خطّطنا لها ،

لكي ننال الحياة التي تنتظرنا .

بارت طويل تعويض نشرته من غير تصحيح فووتو الاخطاء الاملائيه ياجماعه التدقيق😂😂

مودة..... انحس في روحي محبوسه انحس الدنيا طااالعه من عييني كرهت وجوودي مع رعد وكرهت تحكمه بيا ...

كل شي في حيااتي انقلب مكنتش متوقعه انه حياتي هكي بتغيير
أني مودة هكي ايسيير فيا
والي حارقني اكثر وجود مرام اني خابزتها وعارفتها ..ايبان علييها انها متزوجه وطايشه بس لاكن للاسف الصفات الي فيا فيها ...
شفت لتليفوني ..ومن بين تفكييري .

لقيت روحي انفكر في نووري... مش عارفه لما ايجيبو سيرته قلبي ينبض حرارة في وجهي وكاني انكلم فييه وكاني عاايشه قصه حب
هما اربع مرات بس تلاقيينا وحسييت انه نوري غيير مع انه نفس طينة رعد...
لفيت وجهي ايميين لقيت مرام رااقدة في سرير اروي وجيهان ..راقدة لوطي...
مقدرتش نرقد ..

قمت تليفوني لقيته الساعه 2:00
اوووف شن ايجييب الصبح ...بس ..
نضت بشوي نبي نطلع البراء الداار تخنق تخنق افكااري تاخدني وتجييب
صح اني من النوع الي ايحب ايدس الهزيمه منحبش الشماته ولا ايقولو مسكينه انحس في رووحي .. قويه اكثر من اللازم ....

كرهت روحي لما بكيييت في المستشفي..
لما اتحس رووحك انه روووحك تنهزم منك ..

رعد كل همه داليا احني بنات بوووه الي كاارها ..مع انه تعامله مع اروي غيير تعامله معااي ..
فتحت الباب ..وطلعت ..وسكرت الباب.. لقيت
الحوش امسكت اكييد راقدين حتي رعد وداليا...

خشيت للكوجينة خديت طاسه عصييير..
نبي انلهي روحي نبي ننسي نووري ..
رجلي ملفوفه ..مشيتي قعدة مش تمام ... قعمزت علي الكنبه ومقابلتني صوبيا ( موقد)   اول يوم انركز انه متحرك .. كيف مركبه تركييب ولا كييف ..

حطيت طاسه العصير علي الطاوله ..ومشيت نتفقد فيه ..
نحيت تحفه كبييرة محطوطه عليه من فووق ...لقيت مقبض ..
كلاني الفضووول ... حركت المقبض ايميين عااصي ..درته ايسااار ..وقويت القبضه عليييه ...
حسييت تحرك بقوة وانفتح ..
وخررت مخلوووعه بسم الله

..هذا ويين بيرفع ..حركتها .بشوي ..وقلبي في الالف ...ونلتفت وراي خااايفه ايجييي رعد .. تحرك الموقد بكبره

رديته في مكااانه  ...ومسكرتش المقبض ..حطيت المزهريه ..
ومشيت ..بنتأكد من رعد وداليا راقديين ولالا ...

رقيت مع الدروج بشوي ..
وصلت فم بابهم نسمع فيهم ايهدرزو  ويضحكو ..يعني قعديين ناايضيين ...