الرجل الاربعيني باللهجة الليبية

البارت 57

البارت 57

#الرجل_الاربعيني ج3

#جميلة_جاسم...

رعد....طوول الطريق انفككر ..معقوله داليا حاامل وسااكته ماقالتش ..مستحيل اتكون معرفتش روحها ...
وجها اصفر ..جنبي مقدرتش انلوومها ولا انقلها شي ...افكااري تضرب في بعضها حسيت علي عيطتها..

اخنخخ رعد بسرعه بنمووت بسرعه ....

كوويس سااكتة هكي الوااه متقوليش مرييضه وحدة متعرفش روحها حاامل ..ورااح العيل في جرت غبائك...

نبكي مقدرتش انرد اعليه ..شبحت لي الساعه لقيتها الاربعه ...الفجر... ...

وصلنا رعد دار السيارة طياارة .... وقفت السيارة..خلاص معش قاادرة... نزلت ..من السيارة ...

ومشيت بتجاه الباب ..ورعد قداامي ..واني نتكلم بشوي...
بنطيح ..رعدد رعد ...تعاال بنطييح ..خلاص ..

حسيت عليه ولي يجري ...وشادني مع ايدي ...

وصلت للرسبشن ...جتنا وحدة ناااعسه من قسم الولادة...

قعد ايكلم فيها رعد شكلها فلبينيه..

رعد.. تعااالي اهني انتي تعاالي ...في دكتورة دكتور نساء شي ...بسرعه بتمووت قدامك..

خشت تجري ..واني قعمزت ..شوي وحو اتنين دخلووني ...
وسكرو الباب علي رعد ....
مشيت الممر طوويل واني حيلي مهدوود..ولا حاسه بشي...مش عاارفه وين كان عقلي لما خديت بروفين

مشيت طوول خووف في جسمي ورعشه وتسقييعه ...وندعي ايكون منزلش العييل...

خشيت لدكتورة..دارتلي كشف ..وشبه رااقدة... قتلي ...

الدكتورة ..بنتي انتي حاامل ولا عارفه هالشي...

رديت اعليها شاكه لاكن مش متأكدة...

الدكتورة....كيف شااكه..قداش فايتاتك...

قبل سبوعين ... ممكن...كانت عندي...

الدكتورة...عندك التهابات ...ونزف حاد ...توة ديري تحليل ولي انشوفو النسبه لو قعده فوق العشرة ...معناته ااكيس موجود ...

داليا... باهي ديرلي سونار ولا لازم تحليل...

الدكتورة..جهاز السونار عاطل ...نعرف من التحليل ...

تعالي فرح ..خوديلها تحليل البنت منتهية ...

قعدت نستني وندعي ياارب ايكون قعد ..لاكن احساااسي ايقوول لا ...كيف بنهرب من رعد ..كيف بس ....

قعدت نستني قريب الساعه ..ولا جبت تليفووون ولا شي...
خشت البنت في ايدها التحليل ...قالت
وين الدكتورة مشت...هذا تحليلك .... انتي راجلك ضخم وابيض وطويل...

ضحكني الوصف ...اي هو البراء... شن قال..

كارثه سبان وكلاام عسل وحاله تعبها الناس الي البراء .. الحمد الله في السلامه...