الرجل الاربعيني باللهجة الليبية

البارت الاخير ...

عارف اني مجنونك ..
وعندي السعادة كلها في عيوونك...
وتعرف اني نفدي حياتي دونك
واني لعشقك مالقيت مثايل

عارف انك ساحرني
وان غارمك نار ومدوبني
وتعرف انك في طلتك تسعدني
واني علي شانك اندير هوايل ..

عارف انك محبوبي
وان اشموعك نورتلي دروبي
وتعرف انك مخلوق دوبك دوبي
واني بلاك الحظ يبقي مااايل ...

الرجل الاربعيني ج2

جميلة جاسم ...

نوري....لحضة الي خشت فيها مهبوولتي مودة.. منقدرش نوصفها طولها المتوسط تطبيقه حواجبها لون بشرتها الغريييب خليط بين السمار والبياض الحلو ....عيوونها سحبتهم خياال..

اني نوري اليوم عرفت معني الحب عرفت معنى شعور رعد الي يحكي اعلييه ...

عدلت تقعميزتي ...ونزلت راسي علي اساس محترم واني متمني يفهم اللوح رعد ويطلع ..
اقل شي انهدرز علي راحتي ..

قعمزت قداامي علي الكنبة ..ومركز اعلييها هذي مش مودة...عاقله ويين مودة الشريرة اني حبيتها عنوديه وشريرة وحواحبها مطبقة ...

رعد.... اسمعوني الزوز قبل لا نطلع عارف مش حتقولو شي قدااامي ..لاكن مش تستانس لانك نووري خليتك ولا واحد تاااني انقعمزلك علي كبدك ...

المهم ..اختي امانه عندك ..وانتي خوي امانه في رقبتك نسمع يوم امزعلتييه ولا دايرة اهني ولا اهني ...وانتي فاهمتيني شني ..معش نتفااهمو...

نوري... بري جيبلنا قهوة كان فيه ...

رعد... والله يامصخ ندوي علي مصلحتك ياجرد ...

نوري...راااضي وراس امي راضي ..اطلع ...هههه

رعد... بسييطه علي الجايات تو نكبسك ...

مودة... طلع رعد واني نزل عليا العقل فجأة نشبح لي نوري حاط ايده علي لحيته وعيووونه فضييحه ..نضرات معرفتش انفسرها ...طبست راسي وقلبي مش قادرة انسيطر عليه انحس فيه ينبض في النص ...

نوري... مودة ... قيمي راااسك واشبحي لي عيييوني ...

مودة... رفعت عيوووني معاااه وقعدت نشبحلا...

نوري... عارفتيني اني نبييك ومعجب انتي موافقه تعييشي معاي علي الحلوة والمرة
وتقبلي بي شرووطي ..
منختلفش علي رعد خووه ومتربي اني ويااه ..

بتعيشي معاي حياة بسيطه مش زي الترف الي عند رعد ..حوشي بروووحي باني بعيد علي امي ..لاكن امي عندي كل شي في الدنيا .....

راضيه تعيشي مع نوري وتتزوجيه

مودة.... نسمع فيه يحكي ونشبح لتقاسيم وجه لحيته حركة ايده ايحرك فيها هللبه لما يتكللم ...اصلا اني مسمعت شيي منه انرااجي امته انقووولا اكيييد ...