البارت 53
#الرجل_الاربعيني_ج3
#جميله_جاسم
تاني يوم الصبح ...نضت علي بالي انه بنمشي لي مودة .. ..وبنروح ....
نوضني صوت برق البراء مع بوه ..طلعت لقيته في الصاله يلعب معاه في العاب التركيب...
رفع راسه شبحلي ....صباااح الخير
صباح نوور ...علي الولد وبوه ...من امتي فااايق انته وياه شبحلي مستغرب. ..حواجبه مربوطات
شن فاايق منين جايبتيها نااااااايض الناس اتقول ناايض .......من صباح ربي نايضين ..
ضروري فيه علامه حمراء علي كلامي ...منعرفش هكي جت في بالي وقلتها....
نمشي نغسل وجهي وندير لفطور....خييرلي ...
مشيت غسلت وجهي نزلت سمعت كلامه وراي ...
حق داليا وتي روحك انحطك عند مودة... عندي طلعه برى طرابلس...
نازله ومسرعه خطوتي لما قال بري طرابلس وقفت في نص الدروووج ...ولفيت وليييت
وييين رعد تبي تجلطني وييين برى طرابلس. ..شن صاااير واني منعرفش ...
مرة الجنوب مره الجبل مرة الزاويه مرة مصراته خيييرك رعد اني خااايفه اعليييك وين كلااامك مش قتلي سيبت كل شي خلاص اني رجل السلاح خليته علي خااطرك وييين كلااامك وييييييين ...
وااااك خييرك داليا صبح ياقلبي من قاالك اني ولييت ...شن توة حاط كلاش في جنبي وماشي هاااد علي الدوله بنمحيهم ......
داليا كبري عقلك اني امخليهالهم لاكن منطلعش منها رااقد رييح ...الدوله الي خسرته انرده ....
توة انزلي ديري فطوور ولا انقولك وتي روووحك وحتي لفطور فوتيه ..
نزلت وتيت لفطور ومشيت علي السريع بدلت لي برق وبدلت اني ...وطلعنا ..
طول طريق رعد ...مش مركز معاي مكالمات من اول ماطلعنا لين وصلنا ...
نزلت ..وفي قلبي اليوم مش امعدي علي خير ....
قالي رعد ...
ضبحيلي علي اروى نبيها قبل لانمشي ...
خشيت قتلها وانحس في روحي ممكن شعوري يعرفو بيه الي راجلها او خوها في الجيش والجبهات ..اني كل يوم ايدي علي قلبي ونستني ....
خشيت الدااخل لي الدار ..لقيت .ومودة ..وجو النواافس بخووور وهكي طقووس طبعا حوش نوري ..حلو كتصميم وااسع لاكن مش زي حوشنا اني ورعد .... ..
خشيت سلمت اعليه وبرق رقد من الطريق ...نحيت عباايتي ...
عمتي سالمه واية وسوسن وخوات نوري اثلاثة...
حسيت بجو العيله .. رعد ماعنده حد واني ماعندي حد ..
حتي وقت روحت برووحي ..صح رعد معوضني علي كل شي لاكن العيله اساس الحياة ..
ضروري اتكون عندك ..ام ...اخت ...صديقه ...واني هذو ...كلهم معنديش .
حتي في فترة مراهقتي ..بطلت من قرايتي وقعدت من غيير اصحاب وعلاقات اجتمااعيه ...
أنت تقرأ
الرجل الاربعيني باللهجة الليبية
Romanceقصه بوليسيه عاطفيه باللهجه الليبيه واقعيه حقيقيه ممزوجه بالخيال لرجل شرقي عنيييد الطباااع وحييد تتغير حياته فجأة رأسا علية عقب وللاقدار دور مهم ..بقلمي جميله جاسم .. كتبت الرواية بتاريخ 16/2/2019 وختمت بتاريخ 9/11/2019 لا احلل ولا ابيح نقل الروايه...
