الرجل الاربعيني باللهجة الليبية

البارت الخامس والخمسين

البارت 55

#الرجل_الاربعيني_ج3

#جميلة_جاسم...

راكب علي قابينة السيارة من فوووق وندووور في  التغطيه ..نبي نتواصل مع حد في البلاد ..اول ما سمعت انه في رمايه علي الداخليه ... عرفت انه ...الوصخ الندل الي في بااالي ...

وافكاري وبالي في داليا والخنبة الي صارت في الحوش ...

كلمت داليا... تطلع مع هيتم وهيا مش رااضيه ...معش عرفت راسي من رجليا ... ...معش عاارف شن صاااير في البلاد لاني برى منها ..حسب ما سمعت من هيتم.. اني مطلوووب ...ومعممين اسمي وصوورتي علي البوابات ...والمطاارات ...
عرفت انه رجعة لطرابلس معش فيييه ....

صكرت من داليا ...وخديت المكبرة..ارصااد ..حسيت مع خلاء البر والجنوب الموحش صوت سيارات وااضحه صوووت  القومات ...علي الرمله ...

التفتت واني فوق السياارة ..لقيت ...نوري ...مع عمي معيووف ...الراجل الي نقدني من حلق الموووت... طلعنا اول يووم قعدنا عندا بما انه خبرة في الجنووب ..نبي نسأل وين طلع السلاح الي انخنب...لانه نفس اليووم ...الي انخنب فيه جاتني اخباريه انه طلع لطريق الجنوب اليووم ...

دورنا الاتر لقيناهم مهناااش حتي طريق الساحلي ..بوبات وسالنا قالو مش موجود ....

نووووري ...في سيارات جااايه من جيهة امقبل ..مش عارف وين  ماشيين ...

نوري...انزل انزل رعد ...منبوش حد يرصد ودرت الكلب  ....

نزلت مشيت بتجاهم عطشاان علي جيعان علي نااقص نووون وهووول مغبر علي رووسنا ...

هيا نتوكلو ان شالله ...نوري

نوري.. لابدة هوا هذا خلاص  ...

ركبنا في السيارة ومشينا اني وعمي معيوف ..ونوري...

تعرف نوري الباين انه بنروحو. اليوم ....انوصلووك عمي معيوف ونتوكلو ان شالله دوبها نوصلو غدوة ولا بعد غدوة...

والله ياولدي ..ازا عاارف انه فيه خطر علي رجعوكم ...اقعدو هينا والارض فرااش وسماء غطاء...

الله ايبارك فييك عارفيينك عمي متقصرش ..وقفااتك قبل ساادة
..معيوف..ما تقول هكا رعد ماتقول ..انتم ويلادي ..وانا فرحان اني تعرفت عليكم...

الله ايعززك عمي والله مننساك طول العمر ان شالله ..

نوري... والله ان شالله انزوروك في اوقات باهيه ...ان شالله ...

باهي شن نوري قولتك ...نتوكلو توة

نوري...تعرف نعطو علم لي خيري وناصر..ايأمنو الطريق ...وبعدين الجيهة هذي ..معتقدش يعرفووك فيها ...ونتوكلو وخلاص .

حطينا عمي معيووف في حوشه وشكرناه ... ..وطلعنا ...قداش راجل نضييف من نااس قبل ..طبيعة لكنة كلامه صااعبه هللبه نص عربي نص لا ..لاكن عيلة الله ايباارك اسبوع احسن ضياافه في حووشهم ...