الرجل الاربعيني باللهجة الليبية

البارت الواحد والتلاتين

البارت 31

#الرجل_الاربعيني_ج2

#جميلة_جاسم

ﻣﺎﻧﺴﻴـــــتك..
ﺩﻭﺭﺕ ﺑﺲ ﻣﺎﻟﮕﻴﺖ !..
ﺟﺮﻭﺣﻲ ﻓﺸﻠﻪ ﻭكلمة ﺍﻟﻤﺎﻣوجود تقيلة ..
ﻭﺷﺮﺩ ﺍﺳﻮﻭﻟﻒ ﻟﻮ ﺣﭽﻴﺖ .. ؟؟
ﻭﻣﺮﻩ ﺳﻮﻟﻔﺖ ﻭﻳﺎﺭﻭﺣﻲ .. ﻭﻫﻴﻪ ﺭﻭﺣﻲ
ﻭﺣﺘﻪ ﻣﻦ ﺭﻭﺣﻲ ﺍﺳﺘﺤﻴـــــﺖ !..

مو مرتاحه بدونك

تقبل الله صيامكم وقيامكم ودعائكم بشهر الفضيييل اعاااده الله علييينا باليمن والبركااات وعيييدكم سعيييد وكل عام وانتم بالف خيييير ياااارب....

عدنا معكم بعد غياااب طوييل بالجزء الثاني من روايه الرجل الاربعيني ..

الرجل الاربعيني ج2...

جميلة جاسم...

شادة رقبتي ونجري انحس في روحي مخنووقه نبي انتكلم انحاااول ننطق منقدرش شفت لي رجلي حفياانه من غييير كندرة .. سمعت اصوااات رجااله ايقووولو اهي اهنييي ..
اهي اهنيي ..
اني قمت قفطاني ومشييييت نجري ونطيييح نجرييي ونحاول اانعييط منقدرش ..

وصلت لي نهاية طرييييق ..نجري ...
وحسيييت رجلي طااااحت في الهاااااويه ....

...
فتحت عيوني واني جااامدة في مكاااني مقدرتش انتحرك جبهتي وجهي امية من الخوف..
لقيت صورة رعد قدااامي ...منقدرش انتحرك ...
الحلم هذا ايجيني كل ليلة من اول ما فقدت رعد وصوت رعد وصووورته قعدتلي بس...

تحركت من مكاااني وبكيييت بصوووت اول يووم نبكي بصووت من شهر نحسب فيهم باليوووم...

اليووم ليه شهر غااايب عليا صوتي مشي مع رعد حسيت انه جبل علي ضهري واني مش قادرة انتحرك انفكر في روحي لا ام ولا اب وانفكر في ولدي ولا بنتي الي جاي في الطريق بيعيش حياته زيي تماما يتييم قدااش بتعااني ياداليا

شهر كااامل ماحسيتش بفرحه الحمل نهائي مع اني كنت كل يوم نشبح لصغار ونتمني بنت ولا ولد من رعد لاكن اني مكتوب عليا الهم من صغري وييينك يارعد تعال شوف بنتك ومرتك شن صاار فيها ...

نزلت من علي السرير ودموعي موقفوش ....
حابسه روحي في داري مطلعتش كل يوم نوري ايجي ايقول شي ايزيد ايحبطني شعووور الخييبة ازفت شي طيييله شهههر كاااامل كل يوم ايقووول دورنا جميييع الامااكن ملقيناااهش فص ملح وذاب ..

دوريات ملقولاش اثر منقدروش انقدمو اكثر المكااان خطر ونصه افاارقه ...
... انزيد ننحبط اكثرر ونمرض اكثر ..

فتحت الباب وسمعت صوت عركه مودة ونوري ...
كل يووم نفس الموال والقصه هيا تبي فلوس بوها ونوري موصيه رعد ايقسم لفلوس بتساوي ......

ملييت من صوتها ومن وجودها من كل شي محستش بخوها ولا هامها بالاصل
..
خوها ميعرفوش ميت ولا حي وهيا تجري علي فلوس الدنيا..
شن انقول اني الي حياتي بنت وزير مشبحتش ريحة القرش ولما استقرت حياتي مع رعد اختفي. ..