الرجل الاربعيني باللهجة الليبية

البارت التاسع والعشروون

البارت 29

#الرجل_الاربعيني

#جميلة_جاسم

انا امرأه ليست كسائر النساء...
فانا في حبي بربريه....
لا اسمع و لا اعرف اي حدود...
سأهدر دمائك....
وأهـدم قـلبك...
إن فكرت بأمراة غيري فحبي لك وغيرتي عليك قاتلان......

داليا....

داليا... اكثر حاجه اتنرفز فيا في رووحي اني نسسكت منقدرش انرد علييه ....
يقدر ايرضييني بطريقته ..نفهمه اكثر من مافااهمة رووحي ..

مشيت بدلت وخلست شعري فووق ونزلت ...

لقييته نفس القصه الدخان في فمه والقهوة علي النااار ..
خشيت ... طول وتيت السفرة ... وناخد ونحط في الطواسي وعقلي مشوش ....
كيف نعرف انه صاادق . ولا يكذب عليا ..
هو يتكلم واني فاااصله علي العااالم ..  خواته الي بيجو غدوة الصبح واني قعدة مش عاارفه رعد... ولا فااهمه هو شني ايددييير اصلا...

انفكر ونحط في الجبنه والتن في الصوااني ...
لين سمعت رعد ايقووول..

رعد... نحييت الدخااان من فمي هوووو نحن هنا ساااعه انكلم فييك وانتي فاااصله مرة وحدة...

داليا... ماحسيتش اعلييك عقلي مشوش رعد... اوووف قمزت علي الطاااوله ..وشبحتلا جايب القهوة ..
وزدت ضحكت عليا بكلمتيين واني لاني انحبك ساامحتك...

رعد... انتي خليييك بري شن انديير وشن نخدم ترتااحي داليا...اني حاليا متزوج اعليييك ..

داليا.. هزيت براااسي  لاااا... وقلبي انعصر من الفكرة بس لو ايطبقها انموووت..

رعد.. كوييس علاش انكد اهو علااااش كل يوووم بنقعدو نفس القصه وتعااودي فيها ...معش نبييك اتكلمي ...
اني الي وقتي هذا متعرفيينيش ..كويس ناااااار واالعه لو نسمع كلمه من حد انتي بس نسكتلك منعرفش اعلاش  لذلك خللليك لاهيه في عمرك وحوشك واخلاص...

داليا.. انقوولهالك من توة لو تزوجت عليا بطلقني .. منقدرش نقعد مع وحدة اتشاركني فييك ايوه ..

رعد... لاحول ولاقوة الا بالله .. اني شن انخرف من صبح ربي ....

تفطري افطري ولما بنتزوج تو انجي انقووولك وقتها وخودي راايك ... وين بتمشيلي سكينه  خلي الطييح سعدك من جدييد ...

داليا...  معندييش نية طااارت علي الصبح وبعديين اني مش دااليا الي قبل ..

رعد... حكيييت راااسي... اااااه بتشييبينني عقااب عمري واني شااايب بنصفي شعره كله  انتي  خييرك...
اصبري الصببببببر بس بعدين شن نااقصك قووليلي حوووش ورااجل وقريبا صغاار ان شالله اني وجهي شن بدييري بييه ..

تو بالعقل والمنطق اني بنتزوج اعلييك في شن بنضررك تري قوليلي ...

داليا... هذا كلا ولا شي جنب الاستقراار وراحة البال ..اني لو ترجعني لي اياام الملحق انقوولك عاادي المهم انته عقلك مش مع غييري...