الرجل الاربعيني باللهجة الليبية

البارت 59

#الرجل_الاربعيني_ج3

#جميله_جاسم

داليا.... طق الباب واحني لاهيين في اروى ..ونضحكو .. ومش في بالنا لين انفتح الباب....
وانصدمنا كلنا ...

معقووله.. وجعني خااطري ..معقوله الي نشبح فييه...التفتت لي مودة مصدومه زيي وخوله ودلال واني ....اروى...تشوف وكانه عندها علم ...

مشيت بسرعه بتجاااهم ...اربعه ..امه وخواته اتنين ..وعمته .....

اني مصدوومه واروى..عادي مش امدورة ..القصه ممكن عندها علم ....
سلمت اعليهم وراي البناويت ايسلممو...

مشيت اني بتجاه عمته كبيرة شوي ولابسه جبة كحلا وشاربة كبيرة ..قتلي اني عمته ...
وللاسف ايدها مبتوورة.... وجعتني ونصدمت اول مرة نشبح حد قدامي هكي...

خاشين كلهم ...واني ماشيه شادة في ايدها ...وخولة ..تقرص فيا....
التفتت..

داليا.. قتلها بشويه . خييييرك خووله ..ايي حاارة يامسمومه..

خوله...حشم حالك خييرك شادتيها المرااء..خليها تمشي ..

داليا... مش تشبحي فيها وجعتني مبتورة ..

خولة...ياهمي ايدها مش رجلها...

داليا.... طلقتها ...ومشت قعمزت جنب اروى..

خيرك مقلتيش عمته مبتورة...

اروى.... وااك اروى مش وقته توة ..خليني في حالي ..

داليا.. نضت وخليتها ..قعمزت جنب امه وهيا تشبح لي اروى..وعاجبتها بااين اعليها مراء كويسة...جنبي مودة..تهدرز وتقول عمتي صاالحه...

اكيدة اسمها صاالحه...

داليا..الحمد الله في سلامتكم نورتو طراابلس عمتي ..

صالحه... سلللمك سللمك ياحنة ..وااحنا نرجو فيكن تنورن بنغازي والشرق كلها...

داليا... اخخ محلااها لكنتها ..وهما مشالله ايهدرزو واصوااتهم عااليه ..واني منسجمه في اللغه ..غريبه كانه مش نفس البلاد.. خواته اتنين يهدرزو مع خوله

واني جنب ...امه... وبرق في حجري ..بدت امه تتكلم بحكم الخطبه...محضروش ..اروى .مقعمزة جنب ام انور من الجيهة التانيه...

صالحه... ان شالله زرناااكم بالخيير...وتعرفنا علييكن بالهناء...مووش اتقوولو اخر مرة..احنا عرب ونساايب .ونااسنا ناسكم وهلنا هلكم...وخييرنا لييكم .وانا من انور.. يدويلي علي رعد...انقوول هذا كييف ولدي.. انعزه معزة خااصة والحمد الله ربك ناسبنا لي بعض.... بنيتكم في عيونا من جوااا.....
هذيين بنااتي الاتنين ... نسيبة...وسرور ...
وهذي...عمت انور... فتحية
تو اكيد اتحقن في ايدها مبثوورة..تقولن من ايش

ردت عمته فتحية..

انبترت في الحرب..كنا معديين للمستشفي اني ووماهر ولدي الكبير وقتها كانت الدواعش مسيطرة علي نص لبلاد...وصلنا وطاحت القدييفه في الفم .. ورااحن ضحايا وااجدة...فيها مووت وجرح .واني انصبت...فيها والحمدالله عدت اياام وزهت الدنيا ولو حتي ايدي انبترت مش كييف تحريرها من ضلمهم...