الرجل الاربعيني باللهجة الليبية

البارت الثامن والاربعين

البارت 48

#الرجل_الاربعيني_ج2

#جميلة_جاسم

اخاف اقترب منك فاحبك ..

واخاف ابتعد عنك فافقدك ..

قلي كيف اقترب من النار ولا تحرقني

وكيف اكون ظمان والماء يجري

وكيف احبك ولا احبك

وانت كالنبض في قلبي.💕 💖

مودة.... من اول ماصارت المشكله حسيت روحي وقتها اني ضعيفه مقدرتش انواجه رعد ونقوولا شي ..
خديت نوري  وطلعته من تفكيييري من عقلي من كل شي الا قلبي مش راضيي يطلع منه  ...

قلت في خاطري اني انحب نوري مستحييله نقدر نتأقلم من غيييره..

ايااام فاتت واني بالي مشغووول
يوم نتفكر اني خاشه بنعتدر من داليا لما ولت لي الحوش نبي انفهمها علي كل شي صار نبي انقلها معنديش ايد في شي

صح حبيت نوري ومقدرتش انواجه رعد...
وقصة التليفون مرااام اكييد ..لانه
يوم نتفكر سالتني شن اندير بتليفون داليا واني
بكل نية طيبه جاوبتها .... قتلها انكلم في نوري علي خاطر شفرة...

من يومها حسيت تصرفااتها غريبه ...
واخر شي خنبتني وهربت ..اني بيني وبين روحي انقووول هذا الي يتزوج بري ليبيا او بري بلاده لانه التشتت صاير لامحاله ...

لماخشيت للكوجينه ...وشفت اروي وداليا ايهدرزو .
تمنيت انكون في مكان اروي بصراحه داليا مريحه في الكلام تاخد وتعطي واكثر وحدة عرفتني انحب نووري او بالمعني الاصح معجبة بيييه ...

لاكن انصدمت صدمة عمري اكثر من صدمة اروي بحد داتها ...
اخر حاجه كنت انتوقعها ..انه داليا تطلع بنت حااتم ...
يااما تلاتحت اني وياااه وياما سااااير فينا اخر شي ..
تطلع داليا بنته ...

ورعد ...اني الي محيرني رعد كييف قدر يتزوج بنت حاتم ..
اني عاشرتهم هو ابولقاسم بو راجل اروى وجواد ..كلهم ماليتهم  وفلوسهم كانت تحتي. ..

طينه حاتم استحاله اتكون داليا بنته ...اندور فيها في بالي
معقوله رعد ايكون داير صفقة سلاح ومتزوجها ..

لانها ولامرة قالت عرسي ولاهدرزت...
حسيت روحي غبية فعلا ولامرة داليا جاها حد من اماليها
امها اختها من خوها وبوها...الباين انه وراها قصة كبييييرة جدا ...

امقعمزة وافكاااري ترفع فيا وتجيب ..لين جتني اروي ...قتلي بنموشو لعرس اية اخت نوري وتي رووحك

اني نكذب عليكم لو قلت وضعي عاادي....
ابدا تلخبطت مشاااعري ...واحاسيسي حسيييت انه صووتي رااح مقدرتش انرد عليها ..هزيتلها رااسي ونضت....طول اليووم خاشة في بعضي ..
انطلع في حوايجي كلهم دبلوماسيه ورياضيات معندييش ...لبس انثوي ....خديت من اروي قفطان ...
ازرق ملكي ...لبسته وحسيت روحي دايرة جريمه اول مرة نلبس هكي وطلعت حاجه من الاخير...
اني مش متعودة نلبس لبس قفاطيين وكذي ...نلبس في سراويل ودجاكاات مرات ...