البارت 32
#الرجل_الاربعيني_ج2.
#جميلة_جاسم ....
قليلة عقول تقدر تفهم الي بيــــــــك
وصعب تلقة اليفهمك مثل روحـــة
البلبل بالقفص ماغرد ينـــــــــــــوح
ويشوف الناس فرحانه عل نوحة
داليا... نشبحلها وااقفه ولابسة اسود يعني تتمني فيه ايمووت ولا كيييف نفهم جيتها...
ياربي شن جااابها بس ... واني منتكلمش بتشمت فيا اكثر ...
عدلت وشااحي ونزلت لوطي ...واشرت لي اروي .. .
دخلتهم للاستقبال ...
اول ما خشيت لي الدار لقيت ام حوراء تبكي وحوراء ببن المصدومه وبين الي اتساااير ...
طبعا اني لاسلام لاكلام وكانه ربي منتقم مني ..مقدرتش انطلع حرف ولا كلمه ... قعدت مدة تسال فيا واروى اتجااوب ..
كانهم فهمو اني اني منبيش انرد اعليييهم ...
اروي... معليشي ساامحوني داليا شوي صوتها تعباان من صدمة رعد ..مقدرتش تتكلم
حوراء.. ان شالله ربي ايرده سااالم الحق انصدمت صدمة عمري لما سمعت بييه مفقوود ..
داليا... انهز في راسي واخلاص كل كلمه اتقوولها تفاجأني ببروودها متقوليش كانت قاتله روحها اعلييه توة لما انفقد فقدت الامل منه ...
حوراء.. والحق اني وامي جينا نبو نشبحو داليا قبل لا انسااافرو لانه بعد غدوة طيارتنا للاردن ....
ان شالله ربي ايفرحكم برجووعه واني عااارفاته رعد جببببل ميطيييحش ان شالله ...
بس بعد ادنك نبيك داليا كلمتيين لوسمحتي ...
داليا...اشرتلها بيراااسي ... الحقييني طلعت وقفت في الصاااله ولحقتني ...
حوراء.. امي شوي واطلعي بوي يستني انكلم داليا ونمشي ....
داليا... جت باتجااهي وقفت وباين عليها متوترة ...
تفرك في اصااابع ايدييها...
حوراء... داليا نبي انقوولك كلمتيين ولو هما مش وقتهم لاكن مش حتصحلي فرصه انقوولهم لانه احتمال سفرتنا اطووول في الاردن .. لذلك حطي في باالك انه اني حبييت رعد من كل قلللبي الصراحه ونكذب اعليك لو انقووولك متمنيتش انكون مرته بنسبة ليا حلللم ..
مع انه احني نااااار وبنزيينه علي قووولته لاكن لما عرفت انه متزوج انسحبت الحق منعرفش هو ايحبني لا هذي عنده لاكن اني منرضاش انكوون شرييكه في شي يااا ليا وبروحي ياااا لاا ... وممكن حتي اني طريقة كلامي هنته او وجعته بالكلااام وزعل مني .....نتمني من كل قلبي انه ربي ايرجعهووولك سااالم غااانم ياااارب ...
واماانه اعليييك لو رجع اتقوووليلي قتلك حورااء ربي يسعدك دنيا واخرة وتوة نستأذنك ... هيااا يااااام .....
داليا... نشبح فيها مشت سلمت علي اروي وجت بتجااهي سلمت هيا وامها وطلعو...واني نغليي لو بايدي قتلتها بسنوني
أنت تقرأ
الرجل الاربعيني باللهجة الليبية
Romanceقصه بوليسيه عاطفيه باللهجه الليبيه واقعيه حقيقيه ممزوجه بالخيال لرجل شرقي عنيييد الطباااع وحييد تتغير حياته فجأة رأسا علية عقب وللاقدار دور مهم ..بقلمي جميله جاسم .. كتبت الرواية بتاريخ 16/2/2019 وختمت بتاريخ 9/11/2019 لا احلل ولا ابيح نقل الروايه...
