الرجل الاربعيني باللهجة الليبية

البارت التالت عشر

البارت التالت عشر

#الرجل_الاربعيني

#جميلة_جاسم

ماني قليل غوالي...
طير ما ناكل عقاب فضالي
مفطوم عالعسل ....
عندي صيفة...
طير حر موحال ناكل جيفة
وحتى فزتي بالخبيث خفيفة...
إنجيك وين ما تحتاجيني طوالي
عطيب الرفق والله ماني كيفه...
نا صاحبي نقسم إمعاه حلالي
عايشين إمعيشة زاهية وشريفة...
كثير عزوتي ماني قليل الوالي...
رعد

.....................بارت طويييل تعويض ...............

داليا..... لما جي بوي عندي حسيت اني خديت بتااار سنيين راحت من عمري كل مرة انقول نبي انقول لي رعد ايرجعني لي بوي ونتحمل لانه عرفت انه مايبينيش بيساعدني شفقه منه بس لاكن اني بجد حبيته حبيت هيبته وشخصيته وشكله حسيت انه احتواني حنان الاب والام الي انحرمت منه عوضهولي اميين وحريص عليا اكثر من بوي ..

كل يوم نقعد نشبحلا من روشن الصاله يطلع من الحوش للاسطبل بدت عندي عااادة حسيت روحي تعلقت بييه ممكن اني صح في فترة صباي وهو كبييير لاكن اني مقدرتش انسيطر علي قلبي السنين والتعب الي شفته كبرني اكبر من عمري مع اني في هلبة نديداتي متزوجات وقاريات ومتعلمات واني ضيعت سنين عمري في خدمه سكينه وصغاارها بوي كل همه لفلوس والمناصب ولا يووم اعتبرني شي مهم زي رعد ..كل ما نشبح لي رعد ايزيد تعلقي بييه ونقعد انفكر معقوله الي الوقت هذا مش متزوج معنداش ام اخت بوه ويين اكثر كلمه نسمع فيها منه اني رااجل وحداني عايش علي حالي ..ومنقدرش نسأله وين عايلتك ...
لما نشبحلا انحس انه مفروضه عليه وهو مجبور  ايساعدني لاني جيت الي عنده...
اليوم امقررة  نعطيه رقم عمتي ونسافر ونخلييه مرتاااح لاكن بنضرته تبت العكس قعدت انراجي فيه ليين ايجي بنقولا علي قراري لما عطل مجاش خشيت رقدت نسمع في صووت البراء فتح الملحق اني راقده بين الراقده والنااايضه لما فتح عليا الباب وقف علي السرير واني راقده قلبي ينبض ...
خايفه من وجوده...
خايفة من هيبته
واني من غير حجاب ومنضري مش عارفه شن الي حطني في الموقف حسيت من وقفته انه يشبحلي صوت الزفيير والتنفس نسمع فييه ...
قعدت شاده علي اعصااابي لين طلع ونضت من مكاني عدلت روحي وطلعت قالي شن بيدير اني علي روحي فرحت جدا انه اعتبرني جزء منه لما جااابلي بضاعه العشاء قررت انطيبلا احسن عشي رد جمييل اكثر من هكي منقدرش ...

كيف انطيب نسمع في دوشه وعركه واصوااتهم عاليه مشيت لي روشن الكوجينه مشبحت شي شبحت مع الصاله نشبح في خيالاتهم بس لانه فيه صووور امدرق الملحق قعدت نطلع ونخش مشغووله معرفتش في بالي اكيييدة بوي امبلغ اعليه لاني نعرفه مستحيله بيعطيني ليه هكي باردة مبردة ..

قلبي مقبووض وعقلي خاايفه انه رعد يقتلوه لاني مش حنسامح روووحي  ونقعد بروحي .

شوي وسكتت الدوشه وصوت الباب الخارجي تسكر
قعدت انراااجي مده مجاني حد المغرب فات ولا بين حد قعدت نبكي دموووعي ماوقفوش خفت  نرجع للوحدة ....خفت نكوون سبب في مووت رعد ...