شظايا شيطانية~للكاتبة صرخة المُشتاقه

١٥

•◦•✖ || البآرت الخامس عشر || ✖•◦•.

بِنان عزام حمد الواصلي ..!!
بدأت نظراته المصدومه تتناقل ما بين وجهها وبطاقتها ..
إيش هذا ..؟!!
إيش هذا المكتوب هنا ..؟!
هذا الإسم .. يشبه أسمه ..
نفس الأب والجد واللقب ..
بس كيف وليش ..؟!
ظل يطالع فيها وهي مشغوله تسجل الملاحضات ..
هذا التشابه وش يعني ..؟!
معقوله يكون مُجرد تشابه أسماء لا أكثر ..!!
إيه أكيد .. مافي تفسير ثاني ..
يعني من المُبالغ إنه يفكر إنها تكون بنت أبوه ..
اللي يعرفه إنه متزوج من أمه .. صحيح ماتت أمه وهو طفل بس ماقد سمع لا من رغد ولا من جواد إن أبوه له زوجه ثانيه ..
أبعد نظره عنها لما لفت عليه ..
خلاص .. خلاص بطل هبل ..
لا تفكر بأشياء مستحيله ..
: لو سمحت ..
لف عليها وهو يقول: ها ..
هز راسه وقال: أقصد نعم ..
إبتسمت الطبيبه اللي كانت هي نفسها بِنان وقالت: إسمك ..؟!
حسام بدهشه: وليه ..؟!
بِنان: حتى أعرف بإيش أناديك ..
ظل يطالع فيها فتره بعدها قال بتردد: حُـ حُسام ..
إبتسمت بِنان وقالت: طيب حُسام وين والد البنت ..؟!
عقد حُسام حاجبه يقول: وليه ..؟!
بِنان:البنت دخلت عن طريق الطوارئ واللي أسمه جواد سجل إسمه بما أن الأمور كانت مُستعجله .. لكن وفي أي مستشفى لابد من ولي الأمر إنه يسجل أسمه .. هذا مستشفى خاص .. يعني فيه أمور ماليه لابد إنه يتكفل فيها .. غير إنه لو ممكن يتعمل لها عمليه لابد من موافقة ولي الأمر ..
طالع حُسام فيها بدهشه بعدها حط إيده على صدره وهو يقول: طيب أنا خالها .. أخو أمها .. أمس طلعت لي هويه .. ما يصلح أكون ولي أمرها ..؟!
هزت بِنان راسها وهي تقول: لو أبوها لا قدر الله ميت ومالها أحد وإنت صرت الواصي عليها قانونياً فراح تقدر تسجل إسمك كولي أمر لها ..
حُسام بإندفاع: بس أمها وأبوها مطلقين .. أبوها من وقت ما طلق أمها ما سأل عنها .. أصلاً ما يدري إن كانت حيه أو ميته .. تخلى عنها تماماً فكيف يكون واحد مثله ولي أمرها .. من وهي طفله لحد اللحين وأنا اللي أهتم فيها .. محد إعتنى فيها غيري ..
وقف عن كلامه بعدها بعّد نظره عنها وهو يقول بهمس: ومع هذا مرضت ولا إنتبهت لها ..
طالعت فيه بِنان لفتره وقالت في نفسها: "واضح إنه فيه مشاكل عندهم" ..
تنهدت وقالت: حتى لو مطلقين فالبنت في النهايه بنته .. لو حصل ورفض يعالجها وقتها بينكم المحاكم وإحتمال يرفض يكون الواصي عليها ووقتها راح تنتقل الوصايه لعمها أو لك ..
صك حسام على أسنانه بقهر وقال: يعني عمها بيطلع أفضل من الجبان أخوه ..!! تراهم يتشاركون الدم نفسه ..
قفلت بِنان دفتر الملاحضات وقالت: إعذرني يا أخ حسام لكن علاج البنت والفحوصات راح يوقف مؤقتاً لحد ما يجي ولي أمرها .. على العموم هو أبوها .. مافي أب يتخلى عن أولاده وأكيد حيوافق ..
بعدها ضاقت عيونها للحضات ..
مافي أب يتخلى عن أولاده ..!!
إلا فيه .. أبوها ..
إبتسم حُسام بإستهزاء وهو يقول: مافي أب يتخلى عن أولاده ..!! أصلاً بحياتي ما شفت أب يهتم بأولاده ..
سكت للحضات بعدها كمل في نفسه: "أبوي بدون سبب واضح تركنا .. وأبو مايا لأسباب واهيه ترك بنته .. ويقولوا إن الأب نعمه .. أنا اللي أشوفه غير" ..
تنهدت بِنان بعدها قالت: طيب أنت كلمه وشوف ردة فعله .. لا تتأخر كثير لأن هذا مو بصالح البنت ..
ظهر الإشمئزاز على ملامحه وهو يقول: ما أبغى أقابله ..
بِنان: هذا لمصلحة البنت .. ياللا أستأذن ..
بعدها خرجت وقفلت الباب وراها ..
لف حُسام يطالع في مايا اللي كانت طول هالوقت تطالع فيهم ..
إبتسم لها ومسح على شعرها وهو يقول: ما عليك .. حتصيري بخير إن شاء الله ..
مدت شفتها تقول: أبغى ألعب .. أبغى أرجع البيت .. أبغى أطالع في سبيستون ..
طالع فيها لفتره بهدوء بعدها قال: قريب إن شاء الله .. قريب ..