ذاكرة القلب

بارت 34

سلام ☮ عليكم

#ذاكره_القلب

_______________________________________

ادم.. ما حاب احد بعمري اني من حبيتها تغيرت هواي ما ادري شبيه اخاف عليها اغار كومه مثل المخبل...

جبت سدن يمها بس عمود ما توكَع ولا تتمرض كَوه قنعت اكرم  واصلا بالعافيه ياله لكَيت حسابها..

صار يومين ما شايفها.. واحد ومضيع امه. ما ادري شسوي اروح واجي اخذت اجازه الها والي اجازه ٥ اشهر..
عقل ما بقه عندي  وصيت سدن اشوفها ما قبلت بس بعدين قنعتها..
جانت سدن تصورها وتدزهن الي..
تسجل الي مقاطع صوتيه من  تحجي..

وكتلها هذني جانن اعز من روحي مكَابلهن وكاعد ما ادري شلون هيج ذبلت بيومين صوتها متغير مخنوكَ كلش تعب واضح بيها سمعت نوب جاي تسافر راحت روحي شلون تروح وابوها كَالي اذا بقت تتمرض واذا تمرضت مطيب بسرعه دست على روحي و خليتها تروح بقيت انتظر وياها ساااعات بالمطار اباع عليها من بعيد..

اخاف احد يوصل الها اخاف احد يحجي وياها كَاعد من بعيد اراقبها و خابرت اخوها من وصلو للمطار يرجعون اني ابقه يمها.. بس خفت اروح اكعد احاجيها بقيت اباع الها من بعيد..

خلصت سافرت عرفتها تراجع دكتور نفسي كلش ضجت.. ما ردت اسوي بيها هيج ادري بيها حساسه مفروض ما اتهمها واني اعرفها عدل شنو هيه جانت سدن تسجل مكالمات الي كامله واكعد اسمعهن...

عرفتها شكَد تحبني ورايدتني كَلت اجرب ابعد عنها  خلي تحس بيه..

طبعا جذب اكَدر اخذ أخبارها اول بأول من سدن سويت حساب لخ واباع على ستورياتها..

شسوي كَلبي  عليها يروح ينتهي..
من سمعت جاي ترجع عيد عندي جان قبل حتى اهلها اني بالمطار  اجوي وشافني ابوها وبقينا كَاعدين محمد رايد منا نسوي خطه عليها.. حتى تعترف  بحبها لين اذا بقت هيج ما تخلص..

محمد : ادم اصعد بالسياره مالتك   واوكَف على شارع عام الي مناك واطبكَ كلش عبالك مضروب بال شجره زين..

ادم : يمعود لا كَلبها يوكف تخبلت ما اسوي شي..

محمد : ضل هوه محد طيح حظها غيرك انت وابويه

علي :  ادم روح ما نخسر شي نجرب..

ادم : تمام..

محمد :  ورا ٥ دقايق خابرني من توصل..

ريام : اجتي اجتي..

نور.. باوعت بأسف ادم ماكو شلون اصالحه باع شكَد شايل بكَلبه عليه حتى ما اجاني..

محمد : شنو من  مضيعه احد ما تجين سلمين..

ابتسمت أله ورحت حضنتهم  ميته شوكَ الهم..

نور  : احمم بس انتم جايين..

ريام : ليش منتظره غيرنا انتي..